Урок «Сон ульнесь виев, превей ломань.Валдо оймезэ палозь палсь…»
план-конспект урока на тему

Уроконь темась:  « Сон ульнесь виев, превей ломань.Валдо оймезэ палозь палсь…»

                               А.В Араповонь творчестванзо коряс урок-алтамо.

Уроконь цельтне: теевемс содавиксэкс эрзянь поэтэнть творчестванзо марто;

                                тонавтнемс поэзиясо выразительностень средстватнень;

                                домгалгавтомс содамочитнень поэтической произведениянь анализэнть коряс;

Кастомс келень  ды кортамонь ерокчинть ды культуранть;

кастомс  тонавтницятнень мелень, арсемань обуцяст;

виевгавтомс тиринь масторонтень, раськентень, ялгаксчинь вечкеманть.

Оборудованиясь: компьютер, интерактивной доска,  презентациясь,поэтэнть портретэзэ.

Уроконть молемась.

/.Орг. Момент.

//,Учителень ушодксонь валось.

- Шумбрачи, эйкакшт!

Ушодсынек   литературань уроконть.

2011-це иестэ июнень 14-це чистэ, тусь эрямосто  эрзянь содавикс поэтэсь, «Сятко» журналонь прявт редакторось Александр Васильевич Арапов. Миненек сон питней ды малавикс сень коряс, мекс А.В.Арапов- минек земляконок . Мельспаросо аштинек сонзэ творчестванть коряс. Ламо ломаннень Александр Васильевич ульнесь паро ялгакс.

Седейшкавань, седеймариця ломань… Сонзэ туемась кадсь седейс чаво тарка.

Течинь уроконть минь алтасынек поэтэнтень А.В. Араповонь  творчествантень.

Домкалгавтсынек содамочитнень поэзиянь произведениятнень енсост коряс,

Ушодтано тонавтнеме литературасо стилистикань фигуратнень.

Раиса Плотниковань стихотворной строчкасо минь  лемдясынек уроконть:

« Сон ульнесь виев,превей ломань. Валдо оймезэ палозь палсь…»

Сермадынк течинь чинть ды уроконть теманзо.

1. Уроконь эпиграфокс, васенце евтамокс сайсынек

Кеман,тосо паро тарказо,

Кеман, оймамо тосо мусь.

                 Эрьвантень максозь-явозь шказо…

      Мелявтан:сон пек одсто тусь.

 Эрзянь паро цера, сон бажась эсь поэзиясонть эждемс кельмезь седейтнень, теемс минек эрямонть седе парокс ды кенярксовокс.

 Кияк эйстэнек зярдояк а стувтсы поэтэнть , Сон прок эсь творчествасонзо кармавтсь эйсэнек арсеме.Арсеме эрямодонть, вечкемадонть, ялгаксчиденть, весемеде седе, мезевтементь эрямось а эрямо…

1.

///.Косто саизе те эрзянь ломанесь зняро виенть, седеень сюпавчинть, кодамо мода сонзэ тризе- виемтизе?

2. Зярдо поэтэнть кевкстилизь, косонь сон, каршо евтыль:  «Мон Кобалень!» (слайд)

 Оля Инкина тейсь оволь покш исследовательской важодема

Чачокшнось Александр Васильевич Арапов минек райононь Кенде велес учителень семияс. Тетязо- Василий Павлович важодсь школань директорокс. Авазо- Александра Сергеевна- учительницаль. Васня сынст ульнесь ве тейтернест Валюша, ды кемень иеде мейле Пазось казинзе церынесэ. Чачсь семияс Саша церынест. Пе арасель тетянь-авань кенярксонтень. Кода эно раськень фамилиянь кандтниця! Василий Павловичень ды Александра Сергеевнань ульнесть покш мелест неемс эсест эйкакшост эсест кондямо учителекс. Курок семиясь стявты од кудо Кобале велес. Александра Сергеевна тескень ульнесь. Тонавтнеманзо Саша церынесь поладызе  Кобалень школасо. Сон эзь нолдтне кедьстэнзэ книганть. Эсь тевсэнзэ свал кенярдовтсь тетянзо- аванзо. Школанзо прядызе сырнень медальс!

Тетязо- авазо, патязо- весемеде малакикс ломанть! Секскак истянь ламо стихотвореният Александр Арапов алты эсь весемеде малавикс ломантненень.  Тетянь евтамось, сонзэ марто кортнемась, трицятнеде арсематне пештит аволь вейке стихотворениянь содержания.

«Каргт ливтить» стихотворения. Инкина Оля

Церась – тетянь тевень поладыця. Истя тонавтсть поэтэнть эйсэ тиринь кудосо. Исятя  сон арси эсензэ поэзиясонть.

Василий Павлович ды Александра Сергеевна  путызь весе седеест эйдест  трямсто. Поро эйдесь велявтсы тенст те вечкеманть зярыяксть.

«Сынь молить стамбаро мельган» Сутайкина Настя

Кодамо ежомарямот евты поэтэсь  те стихотворениясонть?

(Ризны , вечки)

2(.Слайд)

Кода ушодовсь стихень сермадомась. Тетятне- аватне ульнесь покш мелест,штобу эйкакштнэ истя жо , кода сынь улевельть тонавтыцякс. Саша церынекс уж снартнесь стихень сермадомо.

- монень сестэ кемгавтовошка иеть ульнесть,- ледстни сонсь поэтэсь. Ульнесь чокшне. Удома эзь педя. Панжия вальманть- каршон лекстясь тундонь чокшнень чевте экше.Седейсэнь ульнесь валдо кецнема, мень-бути учома, лембе зыйть. Сельведенгак лисекшнесть.Марявсь, теке васенцеде неян те пертьпельксэнть. Монськак а содан , кода кеден муизь коневонть ды сермадынь ежомарямон конев лангс.

Икеле экше варма сась тей.

Куротнень потс совась кольнеме.

Но сыргозсь вайгель, вайгель гайтев

Ды чокшненть уставась викшнеме.

Кунсолозевсь, нусмакадсь пекшесь,

Сэтьмелгадсь, мик а марят кашторкс.

Таймаскадсь вармась, мерят эшкевсь,

Эзь токше лопат- аштесь, каштмольсь…

Моросонть эрясь сэнь менелесь,

Лисьмань седей витиця танстесь.

Стамбарнэ, апак лексе, пелезь,

Саизе сонзэ вармась элес

Ды валскень самс велеванть кандтнесь.

Мезде евтни поэтэсь эсензэ васень стихотворениясонзо?

Муинк стихотворениястонть олицетворениянть.

Васенце стихензэ кеветее иесэ церыненть савсь марямс  Всесоюзной радиова. «Ровесник» передачасонть. Церкась кучизе стихензэ радиос ды вейкеяк передача теде мейле эзь нолда.

 Те чистэнть сынь тетят- церат валность пиресэ эмежть, кодак сась передачанть шказо, Саша совась кудов ды нолдызе радионть. Ды зярдо ветицясь евтызе сонзэ лементь, сон серьгедсь тетянстэнь

-Тетяй ,стихем радиосо ловныть, сак  седе курок тей!

Секе иестэнть те стихесь лиссь Московсо «Пионер» журналсо  «Корабли» рубрикасо. Лемезэ стихенть «Звезда на небе задрожала». Сон ульнесь сермадозь рузонь кельсэ.

Слайд «Звезда на небе задрожала» 1975 ие.

3.(слайд)

Эрзянь кельсэ сермадозь весемеде паро стихензэ поэтэсь кучинзе 1976 иестэ «Сятко» журналс. Ансяк журналонь теицятне эзизь нолда сынст печатьс. Мельзэст нать эзть туе.

Иень ютазь Александр Араповонь терьдсы  Павел Кириллович Любаев мордовиянь од сермадыцянь промксов.

Ды 1979 иестэ «Сятконь» 2-це номерсэ лиси васеньце стихезэ

Ютыть иеть ды Любаевень паро тевензэ кисэ поэтэсь алты тензэ седейс токиця валт.

Те сон тонавтсь эйсэнзэ сермадомо, чарькодеме поэзиянть виензэ.

А стяко пельнесть тетянзо-аванзо: таки таргизе поэзиясь цераст лия тевс.

1985 иестэ Александр Араповонь тердизь «Сятко» журналс литсотрудникекс.

4.

Шкань ютазь сон кармась поэзиянь отделэнь прявтокс.Од поэтэсь чарькодсь, кодамо канст канды эсензэ лангсо, секскак вешнесь од образт, рифмат, гайть. Курок Мордовской книжной издательствасо нолдавить мельга мельце кавто стихотворениянь пусмот. «Вайгель» (1990) ды «Вальма» (1992)

«Вальма» сборниксэнть васенце стихотворениясонть поэтэсь арси шумбракс улемс эйдетненеь…

«Чевте таркинесэ» (Иванова Вероника)

Вадрят сборниктне, превейть. Смусть эйсэст. Поэтэсь прок яволявты тенек: «Монь эсь вайгелем ули!» Ды те вайгелесь муи тарка ловныцянь седейсэ. Стихотворениятне домкат содержанияст коряс, талновтыть седей.

5.

Александр Араповонь лемдизь арсевтиця поэтэкс. Видеяк сон кармавты минек арсеме. Сон корты минек марто, эрьва ловныцянтень пшкади, евтни тенек. Ламо стихсэнзэ ули сюжет, содержания. Невтемакс улить войнадо стихотворениятне.

 «Ильтямо» (Юрлов Максим)

Кодамо минек эрямонок- истят поэтэнть и стихензэ. Эрямосонть ули весе: кеняркс ды нусманячи, валдо еж оды сэтьме ризнома. Весе…

Арси эрямодонть поэтэсь ды кармавты минекак арсеме.

Слайд « Варма арсеман ракасы»

Стихотворения «Варма арсеман ракасы»( Иванова Вероника)

Сехте покш питнейчись поэтэнть туртов – те ломанькс улемась, тетянь- авань  васькавтомась, эйкакшонзо ды козяйканзо вечкемась. Те весемесь-парось- кеме неже ломанентень.

Эсексэнзэ ,домкасто поэтэсь сермады вечкемадонть.

 «Ракак лангсом» (Полковникова Настя)

Слайд «Эсь велевтеме  мон сизян»

Арась тиринь велесэ а тетязо, а авазо. Василий Павлович ды Валя умок уш эрить Краснадаронь Северская станицасо, яла теке терди эйсэнзэ тиринь велесь.

«Мезе тезэнь кадынь» (Лемаева Мария)

6.

2002 ие  «Сятко» журналонь прявт редактор. Эряви тешкстамс, прявт редакторонь тевесь- стакадояк стака тевесь. Ды бути топавтомс сонзэ истя, кода тень тейсь Александр Арапов. Весементь те эрзянь церась тейсь седейга, лиякс эзь маштт, лиякс седеезэ эзь мере»

«Сайса кедезэнь  гитаранть» моро.(А.Арапов)

Ялганзо сеедьстэ макснесть  Александр Васильевичнень кевкстема: Мекс сон а печаты од произведеният, а нолды од  сборникть. Нолдылизе прянзо ды мериль: редакторонь тевесь пек ламо шка саи. Те истя ульнеськак.

Александр Арапов, зярс ульнесь прявт редакторокс, бажась аволь ансяк эрявтомс те журналонть, а еще пештямс сонзэ од лемтнесэ. Зняро од поэт ды писательть ульнесть пурназь меельце иетнестэ « Сятко» журналонтень. Весенень тонавтыцякс ды васькавтыцякс ульнес А. В. Арапов. Зняро од  талантонь тештеть кирвастсь те ине ломанесь. Минь аштетяно мельспаросо – те ломанесь минек.

«Сятко» журналсонть важодемась.

Яволявтома газетнэде.

/\/.   Кемекстамось.Александр Васильевич Араповонь поэзиясь пек сюпав, аволь ансяк содержаниянть кувалма, истя жо сон сюпав кельсэ валсо.

Ванносынек произведениятнень башка енксост

Евтынк поэтической произведениятнень башка енксост.

Ритмась

Рифмась

Строкась

Строфась

Тонавтнетяно од чарькодемат

Слайд1 Анафора.

Слайд2 Эпифора

Слайд3 Симплока

Примертнэ марто важодемась

\/. Выводтнэ уроконть коряс.

Весе ,мезе эряви теемс ломанентень те эрямосонть, весементь теизе поэтэсь- Александр Арапов. Чарькодсь ды васькавтсь тетянзо-аванзо,эждинзе седей лембесэ ды вечкемасо кавто тейтерензэ, козяйканстэнь ульнесь паро  нежекс. Ютызе кинзэ… Аламо макссь тензэ эрямось иеть. Тусь поэтэсь эрямостонть, ансяк а туи сон зярдояк ломантнень седейстэ, свал карми эрямо поэзиясонзо

Ловнови Раиса Плотниковань стихотворениязо

. Кудонь тевесь.

Сочинения «Монь вастовомам А.В.Араповонь творчестванзо марто »