Темæ: Афæдзы афонтæ"
план-конспект урока (5 класс) по теме

Гом урочы пълан

5 къласы (уыр.къорд)

ТЕМÆ:

«АФÆДЗЫ АФОНТÆ».

15-æм скъолайы

ирон æвзаджы ахуыргæнæг

Цхуырбаты М.С.

Дзæуджыхъæу 2013 аз.

Урочы темæ: Афæдзы афонтæ.

Урочы нысан:

1. Сбæрæг кæнын æмæ ныффидар кæнын, ахуыргæнинæгтæ афæдзы афонтæй цы рацыдысты цы зонынц, уый
2. Ирыстоны æрдзмæ уарзон цæстæй кæнын.
3. Аив æмæ раст кæсын, диалогтæ аразын ирон æвзагыл.

                              Эпиграф: «Цыппар æфсымæрæй иу

                         кусын кæны, иннæ рæвдауы, æртыккаг фæллой                         хæссы, цыппæрæм сæ бахæрын кæны».

Урочы хуыз: Алы мадзæлтæ

Урочы цыд:

I.  Бацæттæгæнæн рæстæг.

II. Фонетокин зарядкæ.

а) – Куыд уазал у абон. Зæхх скодта йæ урс кæрц. Фæндæгтæ ныссалдысты, арæх вæййы хъызт бон. Бæлæстæ лæууынц бæгънæгæй. Дæттæ ныййих сты.

- Цавæр афæдзы афоныл цæуы дзырд?

- Зымджы афоныл.

æ) Фæйнæгыл фыст æмхъæлæсон дамгъæтæ:

гъ – дзоныгъ

къ – къуыбар

цъ – цъиу

- Нæ æххуысгæнæн дзырды ис дзырдтæ ацы мыртимæ?

- Бакæсут ма сæ.

III. Сбæрæг кæнын хæдзармæ куыст.

- Цал афæдзы афон зонут?

- Цавæртæ сты?

- Къæлиндары цал мæйы ис?

- Ныртæккæ афæдзы кæцы афон у

- Афæдзы афонтæй кæцы у ныр?

- Зымæг.

- Бацамонут ма фæйнæгыл зымæджы ныв.

- Зымæджы бæрæггæнæнтæ ма радзурут?

- Чи уæ уарзы зымæджы афон?

- Чи уæ бакæсдзæнис зымæгыл йæ сочинении?

(Кæсынц сæ сочиненитæ зымæгыл).

- Чи уæ зоны ирон æмбисæндтæ æмæ уыци - уыцитæ зымæгыл?

(дзурынц ирон æмбисæндтæ зымæгыл).

- Чи радзурдзæнис ирон æмдзæвгæтæ зымæгыл?

(дзурынц).

- Сывæллæттæ, сымах хорз зонут ирон æмбисæндтæ, уыци - уыцитæ, æмдзæвгæтæ зымæгыл. Ныр та сбæрæг кæнæм, куыд зонут уырыссаг æмбисæндтæ, уыци – уыцитæ æмæ æмдзæвгæтæ зымæгыл.

- Уæдæ сывæллæттæ зымæджы фæстæ  цавæр афæдзы афон ралæууы?

Уалдзæг.

- Уаид, æдзухдæр, куы, уалдзæг!

- Уалдзæг, цæй, у, дзæбæх, диссаджы.

- Кæны, Азæмæт, фæратул – батул, сæрды, кæрдæгыл, цъæх.

- Уыгæрдæнтæм, Сослан, ацыди, йæ, фыдимæ.

- Сæрды, къаба, æрдз, йæ, къаба, цъæх, скæны.

- Халсартæ, адæм, дыргътæ, кæнынц, фæззæджы, æмбырд, цæхæрадæтты.

- У, фæззæг, хуыздæр, азы, сæ, афонтæн.

Ахуыргæнинæгтæ раст кæнынц кæрæдзийы куыстытæ.

Ацы куысты рæстæджы хъуысы рог музыкæ.

IV. Физминуткæ: «Чи тагъддæр».

Интерактивон фæйнмгыл

- Фæйнæгыл хæццæйæ конд сты. Ацы дзырдты уæнгтæй чи тагъддæр сараздзæнис дзырдтæ.

Зы – маг, къуы – быр, ди – ди – нæг, кæр – дæг, су – сæ – ны.

V. Аудирование

- Æмдзæвгæ дзуры ахуырдзау

- Кæцы афæдзы афоныл цæуы дзырд?

- Чи ныффыста ацы æмдзæвгæ?

- Цавæр гагадыргътыл цæуы дзырд?

VI. Къухмæдæттгæ карточкатыл бакуыст.

Ахуыргæнинæгтæм дæттын карточкатæ хæслæвæрдимæ.

- Дзырдтæй аразут хъуыдыйад.

- Къуыбырæй, Сослан, фæбырыд, бирæ, дзоныгъыл.

- Зымæг, куыд, у, хъæлдзæг!

- Уаид, мæн, куы, фæнды, æдзухдæр, зымæг.

- Дидинджытæ, æз, кæнын, уарзын, æмбырд, уалдзæджы.

VII. Диалог.

Баххæст кæнут диологтæ.

1. – Дæ бон хорз, Заринæ!

- Знон изæр мах бынатæхсæв бæрæг кодтам. Сымах йæ скодтат?

2. – Æгас цу, Марат!

- Къахдзоныгътыл хъазынмæ цæуыс?

VIII. Раст у æви нæ? (фæйнæгыл)

- Афæдзы афонтæй уазалдæр у сæрд.

- Зымæджы мит нæ уары.

- Ахуыры аз райдайы фæззæджы.