Внеклассное мероприятие "Тюз тепсеу"
классный час (7 класс) на тему

Начало

Тюз тепсеу

 (Данна бла Рамазан тепсейдиле)

2.Ведуший: Кюнюгюз ахшы болсун!  Багъалы къонакъларыбыз!!!

1.Ведуший: О, Малкъарым, бийкледен къарагъан,

                     Таулуну да, тау къушну да уясы.

                     Неден да бек кикишиликни сайлагъан,

                    Урунууну, кишиликни къаласы!!!!        

2.Ведуший: Биз бюгюн  сизге, «Ата журтум- жан тамырым!»  деген жыйылыуубузну башлайбыз!!!

Дунияда беш мингден  артыкъ тил барды. Ала адамла арасында биригиулюкню, байламлыкъны, бир бирни ангылауну болдурадыла. Лукьяланы Джамиля Зумакъулланы Танзиляны «Ата журтум - Малкъарым» деген назмусун айтады.

1.Ведуший: Бизни ана тилибизде, къарачай –малкъар тилде, къарачайлыла бла малкъарлыла сёлешедиле.  Бизни ана тилибиз тюрк тиллени къауумуна киреди. Келигиз энди биринчи классны окъуучуларына тынгылайыкъ.  Биринчи классны окъуучуларын сахнагъа чакъырабыз:Байсыланы Инал, Таукенланы Танзиля эм Глашланы Дарина. « Ана тилим – малкъар тилим»  дегени сизге бир аламат назму айтадыла.    

2.Ведуший:   Бизни ана тилибизде узакъ заманладан къалып, кёп жырла, таурухла, жомакъла, нарт сёзле сакъланнгандыла.  Энди Аллахны ахшылыгъындан, ол затла  басмаланып башлагъандыла.  Биз барыбыз да ана тилибизни тазалыгъын, ариулугъун сакъларгъа борчлубуз!   «Ана тилим»  2 – чи классны окъуучулары Жанаталаны Фтима бла Акъбулатланы Камилагъа тынгылайыкъ.

 Биттуланы Танзиля жыр айтады. « Туугъан элим» деген жырны жырлайды.

2.Ведуший: Алайды да бизни басмабыз болмагъан заманлада, адамла аланы, бири бирине айтып,  келден билип, бир тёлюден башха тёлюге ётдюре, сакълагъандыла. Кёп акъыл берген, тюз жолгъа юйретген  нарт сёзлеге  тынгылайыкъ.(нарт сёзле айтхан сабийле сахнагъа чыгъадыла). 

1.Ведуший: Бюгюн  бизге бир аламат къонакъ келгенди, малкъарлы жаш, «Элбрус» китап басманы малкъар адабиятыны редакциясыны таматасы ,  Табакъсойланы Хасанны жашы  Мухтар, келигиз къарс бла тюбеийк, бек жюрек ыразылыгъыбызны билдиребиз. Ана тилге атагъан  Табакъсойланы Мухтарны бир аламат назмусун Кючюкланы Ахмат айтады «Туугъан тилим».

 2.Ведуший: Бизни  таулу халкъыбыз бла бирге бурун заманладан бери, той, оюн келеди. Сизге 2 – чи классны окъуучулары  «Исламейни» тепсейдиле.

1. Ведуший: Санга алгъыш эте чыгъама тангнга

                                             Сени унутурча кюн туумаз манга

                              Буз кибик, сууукъ сууларынгдан къандым,                          

                            Сени тансыкълап, жилядым,къууандым                                                    

                  Сенсиз насып болмаз бир инсаннга,

                                 Къор болайым, туугъан жерим, мен санга!!!

 Алайды да келигиз энди, 5 – чи классны окъуучусу Гызыланы Жанетагъа тынгылайыкъ.

2.Ведуший: Дунияда  закий адамларыбыз кетедиле, аланы акъыл сёзлери бизни жюреклерибизде къалады, Шахмырзаланы Сайдны  жюрегинден эм теренинден  чыкъгъан къызыу сёзлерин айтады                    « Туугъан тилим» деген назмусунда. Карчаланы Ислам айтады.                        

1.Ведуший: Халкъына, журтуна игилик тежеген адамыбызны! Жюрек жылыуун бере билген жаш поэтибизни,  Табакъсойланы  Мухтарны         « Байрым ингири» деген назмусун Гызыланы Арсен айтады.

2.Ведуший: Биттуланы Танзиля «Къобан»деген жырны жырлайды.

  1.Ведуший: 5 –чи классны окъуучулары кеслерини сахна оюнларын кёргюзтюрге сюедиле. «Бек багъалы кимди?». Ойнагъанла: Баш, Къолла, Аякъла, Жюрек, Кёзле, Къарын, Аякъла.

2.Ведуший: Бек бийик жерни бизни жашауубузда  Ана деген сёз алады. Ана тилин  сюймеген, ол кесини анасын да сюймейди! Аналарыбызны жюреклерин сакълагъанча, ана тилибизни да билирге,сюерге, сакъларгъа борчлубуз! Аппайланы Азиза Зумакъулланы Танзиляны «Анама» деген назмусун айтады.

1.Ведуший:  Къая тюбю тау элде

                      Озду, кетди сакъ жауун,

                      Ызы бла ырхы элте, келди таудан  суу дауур.

                      Олсагъатдан, нюр толуп,

                      Тейри къылычы жетди!

                      Таулада кёпюр болуп,

                      Элни башы бла ётдю.

                      Табийгъат чырайында

                      Къалай ариу жаухарса.

                      Кёкню уллу сайында

                      Ненча тюрсюн тапханса!!!!
Бизни да, ма  аллай тейри къылычха ушагъан, жарыта, ёсе келген,гюллеча чагъа келген, аламат назмула жазгъан,  жаш тёлюбюз барды да, келигиз энди,  аланы  назмуларына тынгылайыкъ.

2.Ведуший: Былайда сагъынмай къояргъа жарарыкъ тюйюлдю: Сегизинчи Мартда. Бир минг тогъуз жюз къыркъ тёртюнчю жылда,бизни таулу халкъыбызгъа  унутулмазлыкъ къыйынлыкъ келгенди. Таулу халкъны туугъан жеринден кёчюргендиле. Мёчюланы Кязим хажи туугъан жеринде узакъда тургъанда да,умут юзмей Аллахдан  былай тилей эди:

                 Мен факъырны таш окъуна эт Аллах,

        Алай туугъан от жагъама элт, Аллах

        Мында кёмюп къоймада къумларынга,

               Къайтар, Аллах, къайтар, Сен тауларыма!

1.Ведуший: Ол кечгюнчюлюк къыйынлыкъны Зумакъулланы Танзиля да сынагъанды.

 «Мени Малкъарым» деген назмусуна тынгылайыкъ (Габаланы Карина айтады.)

2.Ведуший: Адам намыс эте гитчеликден билирге керекди!  Намыс болмагъан жерде, насып болмайды! Намыслы, адепли болур ючюн а биз кеибизден уллугъа, гитчеге да намыс берирге, хурмет  этерге керекбиз! «Тас болгъан намыс» (Гызыланы Арсен, Карчаланы Рустам, Гузийланы Лейля)

1.Ведуший: Къулийланы Къайсын « Алгъыш» деген назмусун сизге 6 –чы классны окъуучусу Созайланы Салих айтады.

2.Ведуший: Алайды да сёзню уллу Малкъарны аламат, закий жашына Табакъсойланы Мухтаргъа беребиз!!!!!

1.Ведуший: Аны бла ана тилге атагъан жыйылыуубузну  бошайбыз!!!! Сау болугъуз, бери келип бизге тынгылагъандан уллу къыйынлыкъ сизге Аллах бермесин!!!!!

 2.Ведуший: Къуруда быллай къууанч кюнлерибиз кёп болсун! Жашасын, Къуралсын бизни таулу миллетибиз!!! Минги тауча бийикде турайыкъ!!!

Келигиз энди той бла бошайыкъ!!!!

1.Ведуший: Биттуланы Танзиля сизге «Минги тау» деген жырны жырлайды. ( Сабийле барысыда сахнагъа чыгъадыла).

Сау болугъуз!!!!р