Урок татарского языка в 3 классе "Антонимы"
план-конспект урока по теме

3 нче сыйныфта татар теле дәресе.

Тема: Антонимнар.

Максат: Антонимнар турында мәгълумат бирү, сөйләмдә аларны дөрес куллану күнекмәләрен булдыру, өлкәннәргә ихтирам хисе тәрбияләү.

Җиһазлау: Презентация, дидактик материаллар (уен өчен  ясалма йортлар, омоним, синоним, антоним  кисмә сүзләр), биремле карточкалар. Рус телендә башлангыч гомуми белем бирү мәктәбенең 3 нче сыйныфы өчен дәреслек, (татар балалары өчен, Казан “мәгариф-вакыт” нәшрияты 2013), эш дәфтәрләре.

Дәрес планы:1) Исәнләшү.

 2) Өй эшен тикшерү. 66 нчы күнегү. Синонимнар һәм антонимнарны искә төшерү. Берничә укучы кагыйдәләрне әйтә,  калганнары мисаллар китерә.

3) Яңа темага кереш. Рәсем буенча әңгәмә оештырыла. 

Рәсем экранда күрсәтелә.

Укытучы сораулар бирә:

- Рәсемдә кемнәр сүрәтләнгән?

- Алар нишлиләр?

- Малайлар нинди?

- Әби белән бабай нинди?

- Нинди агачлар үсә?

- Балалар нинди агачлар утырталар?

Капма- каршы сүзләрне укучылар әйтәләр.

Сүзләр экранда күрсәтелә.

Зур – кечкенә

Яшь – карт

Ак – кара

Әби – бабай

• Сүзләрне укыгыз, сүзтезмәләр төзеп карыйбыз.
• Бу нинди сүзләр икән? Моны белер өчен 40 нчы биттәге диалогны рольләргә бүлеп укыйбыз һәм җавап эзлибез.

• Димәк, капма – каршы мәгънәле сүзләр ничек дип атала?

     АНТОНИМНАР

Экранда күрсәтелә.

• Кагыйдәне укыйбыз, 40 нчы бит.
• Дәфтәрләрегезне ачыгыз, язып куегыз, бүгенге числоны, сыйныф эше. Тактадагы сүзләрне дәфтәрегезгә күчереп языгыз.

ФИЗКУЛЬТМИНУТКА

4) Мәкальләр белән эш. 69 нчы күнегүдә бирелгән мәкальләрне укучылар кычкырып укыйлар. Аларның мәгънәләре хакында фикер алышалар. Укытучы нәтиҗә ясый.

- ТЫРЫШ, БЕЛЕМЛЕ, ЭШЛЕКЛЕ, АКЫЛЛЫ булу өчен, һәр уйлаган эшне уйлап башкарырга кирәк һәм олыларның киңәшләрен дә тыңларга кирәк. Сез минем белән килешәсезме?

- Мәкальләрдәге антонимнарны табып дәфтәрегезгә языгыз.

Аз - күп,  башланган – беткән,  тырышлык – ялкаулык,  ялкау – уңган,  алга – артка.

Күнегү телдән тикшерелә.

5) – Әйдәгез әле сезнең белән уен уйныйбыз “Адашкан сүзләр”

Синоним, антоним, омоним сүзләр үз йортларына урнаштырылалар. Уенда актив катнашкан укучыларга приз бирелә.

6) Белемнәрне ныгыту. Карточкаларда эшләү.

7) Дәрескә нәтиҗә ясала.

8) Өй эше. Дәреслектәге 73 нче күнегү.