Эссе "Минии ажалаймни олзонууд"
материал по теме

Эссе -  «Минии ажалаймни олзонууд»

                                                                                 Түрэл тоонто Амгалантадаа

           Түрэжэ ѳѳдэлhэндѳѳ баяртайб,

          Υри бэеэ дэгжээн ябахадаа,

             Угаа үргэлжэлүүлhэндээ  урматайб.

         Түрэлхи хэлэеэ заажа,

            Багшынгаа ажалда дуратайб.

            hурагша бүхэнээ дэмжэжэ,

         hайн hурахыень оролдоноб.

          Буряад байhандаа омогорхожо,

             Түрэлхи хэлэндээ hүгэдэнэб.

Багша – эгээл эртэ урдын мэргэжэлнүүдэй нэгэниинь мүн. Тэрэ мэдэхэ бүхы юумэеэ hурагшадтаа сүм дамжуулжа, арюун hайхан сэдьхэлэйнгээ ульhаар жэгнэжэ, үнэн үгѳѳрѳѳ, урин дулаахан хандасаараа тэдэнээ зоригжуулжа, ажабайдалай үргэн ехэ орёо харгыда гаргадаг нангин уг зорилготой гээшэ.

Шэнэ сагай эрилтээр багша ямар байха ёhотойб? (гэhэн бодол) Минии hанахада, үхибүүдтэ дуратай, ѳѳрын заажа байhан зүйл hайн мэдэхэ, креативна, хүхюутэй, үхибүүдые ойлгохо шадабаритай байха ёhотой.

   hургуулиин богоhо нээжэ орохоhоо эхилжэ, үдэр бүри ѳѳрѳѳ, заажа ябаhан hурагшадтаяа ямар нэгэн hонин шэнэ юумэ мэдэхэ болохо аргатайбди. hуралсалай адли  үдэрнүүд  дайралдахагүй. Υдэр бүхэндэ хэды олон hурагшадтай ажалланабиб, тиихэдээ hурагша бүхэниие адаглажа, наhан соогоо ямархан хүн боложо ябаха юм гэжэ hанаагаа зобохош. Жэшээнь, намда заалгажа гарахадаа, ямар ѳѳhэдтѳѳ хэрэгтэй мэдэсэ, шадабари, hургаал заабаритай hургуулиhаа гараха юм гэжэ hанаата болохош.

Мүнѳѳ үе сагта hайн удха шанартай. Шэнэ сагай эрилтэнүүдтэ харюсаха хэшээл үнгэргэхын тула 3 нягта холбоотой зорилго табигдана.

1.Ямар шэнэ мэдэсэ хэшээлдэ hурагша абахаб? Тэрэнээ саашанхи hуралсалдаа, ажабайдалдаа яажа  хэрэглэхэб?

2. hурагшадые хүмүүжүүлхэ хэрэгтэ энэ үгтэхэеэ байhан шэнэ мэдэсэ ямар үүргэ дүүргэнэб?

3. Υхибүүдэй эрмэлзэл, хүсэл зориг, ухаан бодол хүгжѳѳлгэдэ үзэжэ байhан материал ямар туhа үгэхэб?

Энэ 3 зорилго бэелүүлхын тула багша хэшээлдээ нэн түрүүн творческоор хандажа, элдэб түрүү метод, арга боломжонуудые тон үргэнѳѳр хэрэглэхэ байна.

Арадайнгаа ёhо заншал нарин сахиха мэдэрэлтэй, аха захаяа хүндэлхэ, ажал хүдэлмэридэ дуратай ба арга  дүйтэй, эрдэмэй хэшэгтэ хүртэhэн, тоонто нютагаа, эхэ байгаалиингаа баялигые нангинаар гамнажа, сахижа ябаха шэнэ үеын зониие hургаха, хүмүүжүүлхэ гээшэ багша бүхэнэй нангин уялга.

   Мүнѳѳ үедэ шэнэлэн хубидхалгын сагта, ажалаа үрэ  дүнтэйгѳѳр ябуулхын тула информационно оньhото технологинуудые hуралсалай шатануудта үргэнѳѳр хэрэглэхэеэ оролдоноб. (проектнэ, нааданай. здоровьесберегающе) Интерактивна арга боломжын технологи хэрэглэнэб, тиихэдэ хэшээлнүүд hониншье , ойлгосотой байдаг. Зорилгоёо бэелүүлхын  түлѳѳ хэшээлдээ  слайдова презентацинуудые харуулхада hурагшадни бэлээр хадуужа абадаг. Буряад хэлээр электронно ном хэрэглэжэ, гоё зурагуудые харуулан, үхибүүдтэ хэшээлэй материал заахада тон  үрэтэй юм. hурагшадые эрдэм шэнжэлгын ажалда хабаадуулнаб

Минии методическа проблемэ: hурагшадай хэлэлгэ хүгжѳѳлгэ, словарна нѳѳсыень баяжуулга.  Υгэ дээрэ хүдэлмэри хадаа hурагшадай хэлэ хүгжѳѳлгын шухала гол хуби болоно гээшэ..Ород хэлэтэй hурагшадые заалгада үгэ дээрэ хүдэлмэриин гол бодолнууд коммуникативна болон hуралсалай зорилгонуудые бэелүүлхын тула hурагшадай үгын баялиг гуримтайгаар  баяжуулга. Υгын баялигай нѳѳсэлгэ хадаа ехэ шухала ба орёошье хүгжэлтэ болоно. Нэгэдэхеэр: шэнэ үгын удха элирүүлгэ, хоёрдохёор тэрэ үгэ үгтэhэн жэшээ хэлэлгэ соо хэрэглэлгэ, тэрэ үгэеэ стандартна бэшэ хэлэлгэ соо хэрэглэлгэ. Шэнэ үгэнүүдые hурагшадайнгаа хэлэлгэдэ зүбѳѳр хэрэглэхэдэнь, ѳѳрынгѳѳ гол зорилгоёо дүүргээб гэжэ тоолохо баатай болоноб.

Сэдьхэлээрээ буряадби гэжэ ойлгоhон хүн түрэлхи хэлэеэ, заншалаа, түүхэеэ мэдэхэ, сахиха, хүндэлхэ болохонь дамжаггүй.