Пословицы бурятского народа
учебно-методический материал по теме

Биб гэhэн гансаараа, бидэ гэhэн хамтаараа.

Ажал жаргал хоёр – аха дүү хоёр.

Нэрэ олохо – наhанай, нэрэеэ хухарха – үдэрэй.

Хүлhэ гаргажа, хүн болохо, хүбшэ татажа, баатар болохо.

Ой модон үндэртэй, набтартай, олон хүн hайнтай, муутай.

Хүнэй дайда – хүйтэн, өөрын дайда – дулаан.

Нютагай шарай – алтан.

Хүн болохо багаhаа, хүлэг болохо – унаганhаа.

Һайн мориндо эзэн олон, hайн хүндэ нүхэд олон.

Үхэрэй олониинь дээрэ, үгын үсөөниинь дээрэ.

Хүн ахатай, дэгэл захатай.

Модоной үндэhэн газар доогуур, хүнэй үндэhэн газар дээгүүр.

Наран шэнги нагаса, набша шэнги зээ.

Угаа уhанда бү хая, гарбалаа газарта бү була.

Хүниие хубсаhаарнь угтадаг, ухаагаарнь үдэшэдэг.

Эдээр бэеэ шэмэглэнхаар, эрдэмээр бэеэ шэмэглэ.

Ажал хэжэ, ама тоhодохо.

Ахань захирдаг, дүүнь шагнадаг.

Зуун түхэригтэй ябанхаар, зуун нүхэдтэй яба.

Һураhан далай, hураагүй балай.

Һураhан хүн толон соо ябаха,

Һураагүй хүн манан соо ябаха.

Эрдэм бэлиг – эрхим баян.

Алтан шэнги арюухан,

мүнгэн шэнги мүнхэ,

утаhан шэнги ута наhатай боложо ябагты.

Ном уншажа, эрдэм оложо,

Ажал хэжэ, дүршэл оложо ябагты.

Аглаг Буряад дайдадаа

Аажам тэнюун нютагтаа

Үндэр наhатай, удаан жаргалтай,

Амгалан тайбан ажаhуугты!

Ажал дээрээ хүндэтэй ,

Хүн зондоо ямбатай ябагты.

Баабайн нютагта баян боложо,

Эжынгээ нютагта үнэр баян боложо ябагты.

Сэсэн бодолтой, сэбэр байдалтай,

Үнэн нүхэдтэй, үнэр дүүнэртэй,

буян жаргалтай , баян хэшэгтэй ябагты.

Үглөө бүри наранай hайханиие хаража,

Үдэр бүри үреэлэй hайханиие дуулажа ябагты.

Эжыдээ адли бэрхэ,

 Абадаа адли ажалша хүн болоорой.

Сагаан сэдьхэлтэй, сагаан харгытай ябагты.

Ута наhатай, удаан жаргалтай ябыт даа.

Арад зондоо хүндэтэй,

Аба эжыдээ туhатай,

Үетэн нүхэдөөр олон,

Үри хүүгэдөөр баян ябагты.

Бууралhаа үгэ дуулажа, бусалhанhаа ама хүрэжэ ябагты.

Үндыжэ ябаhан үри хүүгэдээ эрдэм номдо hургажа,

Үтэлжэ ябаhан үбгэд хүгшэдтөө урин налгайгаар хандажа ябагты.

Наран шэнги игаажа, набша шэнги hалбаржа ябагты.

Аба эжыдээ туhатай, арад зондоо хүндэтэй, ажал хүдэлмэридөө амжалтатай ябагты.

Аза талаантай, арюун hайхан жаргалтай,

Амар мэндэ hуугыт даа.

Буряад hайхан ороноо бузарлангүй ябагты,

Буряад hайхан хэлэеэ мартангүй ябагты.

Таабаринууд - загадки

Хаар-хаар дуутай, хара торгон дэгэлтэй. (турлааг)

Дүрбэн аханар нэгэ малгайтай. (стол)

Далан хубсаhатай, нэгэ шагтатай.(капуста)

Үбэлдөө сагаан дэгэлтэй, зундаа боро дэгэлтэй. (шандаган)

Газар доро гахай түрэбэ. (хартаабха)

Мүльhэн дээрэ мүнгэн шагта (hара)

Аяга соо алаг булаг. (нюдэн)

Домбо долоон нүхэтэй. (толгой)

Ехэ гэр соо бага гэр, бага гэр соо балшар хүбүүн.(гутал,хүл)

Хадын хажууда жалжагы гутал. (шэхэн)

Самса бэшэ аад, оёотой, хүн бэшэ аад, хөөрэдэг. (ном)

Харахада дүтэ, хазахада холо. (альган)

Хүхэ малгай хуу халааhан. (үүлэн)

Гар хүлгүй аад, хүүргэ баридаг. (жабар)

Хон-хон дуутай, хондолой дээрээ дэгээтэй. (нохой)

Арбан хүбүүд арадаа мүльhэ үргэлбэ (хурган, хюмhан)

Аяга соо алаг булаг. (нюдэн)