Олимпиадные задания
олимпиадные задания по теме

10 класс

1-це туронь  заданиятне

        1-це заданиясь. Валонь рисьметнестэ ливтинк фонетикань коряс а эрявикс валтнэнь. Толковинк эсенк вановтонк.

        1) Тейтерь, веле, пире, тетя, сезьган, сельме, пиземе, кедьге, видьме, менель; 2) нармунь, кудо, пурьгине, пакся, тумо, вайгель, моро, лопа, варма, мода.

        2-це заданиясь.  Максозь рузонь валтнэнь ютавтынк эрзякс: дятел, соловей, жаворонок, журавль, перепёлка, лебедь, скворец, воробей.

        3-це заданиясь. Явинк валтнэстэ смустень кандыця пелькстнэнь (морфематнень). Тейтерне, рудазовсто, сёрмадомс, кирьгапарь, покштя.

        4-це заданиясь. Кодамо кортамо пельксэкс эрсить неть валтнэ? Максодо контекст, конась топавты меленк-арсеманк:  башка, кедьстэ, кельме, кисэ, мейле.

        5-це заданиясь. Максозь валтнэнь явинк курова сень лангс ванозь, кодамо смусть канды суффиксэсь: суркс, кедькс, татарокс, рузокс, ломанекс, пилекс, ризкс, эйкакшокс, сырнекс,  керявкс, визькс, нармунекс. Толковинк суффиксэнть смустензэ эрьва куросонть.

        6-це заданиясь. Явинк валсюлмавкстнэнь курова прявт валонь коряс: мазый тейтерь, кортамс тевде, мондень превей, пек вадрясто, паро куля, виде рунго,  якамс вирьга, аламодо покш, вельть састо, молемс кудов.

7-це заданиясь. Максозь валрисьметнесэ путнинк лотксема тешкстнэнь. Ёвтынк, мезе сынь явить эрьва валрисьмесэнть.

1) Васёнкань эйсэ весемесь кенярдовтсь шольниця чудикерьксэськак лей чиресэ толпандяськак толпандянть эйстэ кузиця сэнь качамнеськак розь паксяськак зоря ланга атякшонь мороськак. 2) Чись ульнесь маней. Ансяк чуросто появильть пелеве ёндо сезневезь ашо пель панкст но сыньгак сеске жо ёмильть ды менелесь таго кадовиль ваньксэкс. 3) Друк кивчкадсь ёнтол зэрькстась пурьгине кармась валомо пиземе. 4) Вирь потмова яннэсь ульнесь теинька секс начко тарадтнэ секе тев хропаесть эйсэнек.

        8-це заданиясь.   7-це заданиянь текстэнть эйсэ муеде примыкания марто 5 валсюлмавкст.

        9-це заданиясь. Муинк эрзянь валтнэнень малавикс мокшонсетнень.

1. Кизна, эйтне, чоподава, килей, умарина, баягине, тейтерь, вейке;
2. Шобдава, келу, фкя, эйхне, пайгоня, стирь, марлю, кизонда.

                     10-це заданиясь. Сёрмадодо нурькине сочинения (вейке страницадо аволь седе ламо) «Тиринь кель, тиринь веле, тиринь ёнкс» теманть  коряс.

8-це класс

1-це туронь заданиятне

        1-це заданиясь. Те валонть  содасынк, бути сайсынк остатка гайтенть сёксь валстонть, 2-це гайтенть моро валстонть, 3-це гайтенть курго валстонть, гайтенть, кона ёвтави кавксть рамамс валсонть, 1-це гайтенть арсемс валстонть. Кодамо вал тынк лиссь? Муеде сонензэ 3 раськень валт.

                2-це заданиясь. Рузонь существительнойтнень  ютавтынк  эрзякс:         полынь, свирель, стрела, журавль, дятел, радуга, сугроб, свеча.

                3-це заданиясь. Мельс ледстинк, эрзянь кельсэ кодат кемекставозь         валсюлмавкст  (фразеологизмат)  саевить ломанень обуцянь истямо ёнксонь         невтемань         кисэ.

                1. Ламо кортыця ломань.  

                2. Потмо валонь а кирдиця ломань.

                3. Кеме, аволь чевте  обуця марто ломань.  

                4. Аволь превей ломань.

                5. Паро обуця марто ломань.

                4-це заданиясь. Максозь валонь форматнесэ невтинк орфограмматнень.         Путынк валтнэнь истямо формас, конасонть парсте маряви а марявиця         согласноесь.

                Содтано - …, казсь - …, кандт -…, пижелгадсь - …,  ломантне - …,          вазт         - …,  тарадке - …, эмежть - … .  

                5-це заданиясь. Сёрмадомс валрисьметь валт, паро, якшамо валтнэнь         марто. Мельсэ кирдемс неть валтнэнь аволь вейке кортамо пельксэнь         смустест.

                6-це заданиясь. Теемс артомс, кандомс, сёрмадомс, тонгомс,         чарькодемс глаголтнэнь кармавтомань наклонениянь формаст         (вейкень         числань).

                7-це заданиясь. Ёвтамс, валонь кодамо пелькснэнь кандовить кавонзазь         согласнойтне (валъюрнэнь, суффикснэнь): пиксстэ, васттано,         ломаннень,         салмукссо, суркссто.

                8-це заданиясь. Керш пеле максозь  валмеревкстнэнь пельксэст муинк          вить пеле максозтнень ютксто. 

                   9-це заданиясь.  Валсюлмавксонь эрьва куростонть муинк а                    эрявиксэнть. Толковинк эсенк вановтонк.

1. Ашо паця, нурька моро, ламбамо пряка, тантей чине, виде ки, вармадо виев;
2. тонавтнемс вадрясто, морамс мазыйстэ, пек састо, туемс куроксто, молемс састыне;
3. тондеть покш,  мондень эряза, ялгадонзо превей, чувтодо сэрей, мазый тейтерь;
4. вельть вадрясто, васоло веле, овсе маласо, пек виевстэ, аламодо лавшосто.

                10-це заданиясь. Сёрмадодо нурькине сочинения (вейке страницадо         аволь седе ламо) «Ютан чачома масторган» теманть  коряс.

9 класс

1-це туронь заданиятне

        1-це заданиясь. Те валонть  содасынк, бути сайсынк остатка гайтенть тол валстонть, гайтенть, кона ёвтави кавксть моро валсонть, 1-це гайтенть пакся валстонть, меельце гайтенть чопода валстонть. Кодамо вал тынк лиссь? Муеде сонензэ 3 раськень валт.

        2-це заданиясь. Максозь валонь форматнесэ невтинк орфограмматнень. Путынк валтнэнь истямо формас, конасонть парсте маряви а марявиця согласноесь.

        Содтано - …, казсь - …, кандт -…, пижелгадсь - …,  ломантне - …,  вазт         - …,  тарадке - …, эмежть - … .

        3-це заданиясь. Кочкинк   валонь  куротнестэ существительноень  падежень форматнень.  Сёрмадынк падеженть.  

          1) вадрясто,  эрязасто, кудосто, валсто, лиясто; 2)  паксясо, ярмаксо, моросо,  ютксо,  маласо;  3)  вирев, малав,  удалов, масторов, васов.

        4-це заданиясь. Эрьва валонть явинк смустень кандыця пелькс (морфема) лангс: покштя, пелькске, кудазор, виев, пштилгадсь, сёксня.

               5-це заданиясь. Сёрмадодо валрисьметь валт, паро, якшамо валтнэнь         марто. Мельсэ кирдемс неть валтнэнь аволь вейке кортамо пельксэнь         смустест.

        6-це заданиясь. Путнинк  лотксема тешкстнэнь.

        Самай вана те чистэнть истямо жо сэтьме валскестэ сон велесэ шнамо од цёра мольсь ярмункав. Мольсь аволь ськамонзо тейтерь марто. Те ульнесь Наста сонзэ вечкевиксэсь. Сестэ истя жо кода вана ней келей розь паксянть велькссэ чольнесь норовжорчонь морось истя жо чись варштась виренть экшстэ ды валызе паксянть сырнень валдосонзо (В.Коломасов).        

                7-це заданиясь.  Ёвтынк, синтаксис ёндо мезекс кармить улеме         явозь пелькстнэ.

1. Ямось сатотсь весенень: цёратнененьгак, аватнененьгак, эйкакштнененьгак (К. Абрамов); 
2. Баня вальмалов пачкодезь, кискась лоткась цийнемеде, озась удалце пильгензэ лангс ды, ожо пилензэ верев кепедезь, кунсолозевсь (А. Доронин);
3. Горниповт, горниповт, мезде арсетядо? Чинек-венек тундонь моронк моратадо (Н. Эркай);
4. Арась, кортыть, вейкеяк эрзянь веле, козонь Серафима Люлякина аволь пачколе эсь моронзо марто (Р. Щанкина);
5. Ансяк од иеде мейле, окойники, сась Яхимень пельде сёрма (В. Коломасов).

                8-це заданиясь.  Кочкинк  валмеревкстнэнь  омбоце пельксэст.

  1. Мазый ломанесь одсто,                    А) кельсэ а тееви

  2. Сыре ломанесь вечки ёвтнеме,         Б) кельме теленть сюдосак.

  3. Ломань вийсэ пря а трят -              В) мазый сон сырестэяк.

  4. Лембе кизэнть удосак –                    Г) од ломанесь – кунсоломо.

  5. Кедьсэ а тейсак,                               Д) карентькак а кодасак

  6. Тевенть а содасак –                          Е) ломань превсэ а эря.

                9-це заданиясь. Явинк сёрмадовкстнэнь кавто курова. Кодамо         тувталонь коряс теинк те явоманть?

                Кувака кель, каямс вал, кудос совасть, чиемс прянь-полдань синдезь, валонок ладить,         пеензэ сэредить, поремс пейть, ваявтызе вадрянть, пе сась, самс чокшне, совамс превс, ям каямс, эрязасто чиинь, теке ведьс ваясь, ливтизе келензэ, валонь апак ёвта.

                10-це заданиясь. Сёрмадодо нурькине сочинения (вейке страницадо аволь седе ламо) «Тиринь кель, тиринь ава, тиринь ёнкс » теманть  коряс.