Тезислар. Җыр һәм Муса Җәлил. Хакимова Э. Ф.
проект

Хакимова Эмилия Филарис кызы

" Җыр һәм Муса Җәлил".

Җитәкче: татар теле һәм әдәбияты укытучысы

Мортазина Алия Фоатовна

“Җыр һәм Муса Җәлил” дигән тикшерү эшебездә түбәндәге максатлар күздә тотыла:

• Муса Җәлилнең иҗаты белән танышу;
• Муса Җәлил иҗатында җырларның тоткан  урынын билгеләү;

Җырлар Муса Җәлилнең поэзиясен тагын да нурландырып, яктыртып җибәрәләр.

Муса Җәлил- күп милләтле әдәбиятыбызның горурлыгы һәм даны. Ул безнең өчен үрнәк  булып  тора. Шуның өчен дә без бу  иҗатка тирән хөрмәт һәм рәхмәт хисләре  белән якын киләбез.

Җыр – шагыйрьнең биографиясендә гаять күңелле, дулкынландыргыч бер күренеш. Җыр аның бөтен иҗат юлына сибелеп бара. “ Гомерем минем моңлы бер җыр иде”,- дип яза  шагыйрь, үзенең шигырьләрендә.

     Халык җырларын, халык әкиятләрен  һәм бәетләрен ул кечкенәдән аерым- аерым дәфтәрләргә язып  барган, алардан үзенчә язма китаплар ясаган. Аның беренче укытучысы -Гыйльми әби.

Яшьлек елларында язылган “Бибкәй кыз”, “ Каз канаты” пьесалары әбисеннән алган фольклор дәресләренең уңышлы үрнәкләре.

    Зур язучыларның иҗат биографияләре фольклорга тамырланып үсә. Моны Александр Сергеевич Пушкин, Михаил Юрьевич Лермонтов, Николай Васильевич Гоголь, Николай Алексеевич Некрасов, Габдулла Тукай, Мухтар Ауэзов, Нәкый Исәнбәт, Гомәр Бәширов һәм башка бик күп рус, татар, кардәш халыкларның язучылар биографиясеннән  күрергә мөмкин.

Муса Җәлил шигырьләренә музыка язмаган татар композиторлары юк дияргә була. Салих Сәйдәшев, Фәнис Яруллин, Нәҗип Җиһанов, Мансур Мозаффаров, Александр Ключарев, Җәүдәт Фәйзи, Заһид Хәбибуллин һәм башка композиторлар Муса Җәлил белән иҗади багланышта булалар.

Җәлил исемен илебез горурлык белән искә ала. Һәр буын аны йөрәгендә саклый. Аның көрәше һәм эшчәнлеге – күпләр өчен кыюлык һәм батырлык үрнәге.