Үштілділік - заманның талабы.
статья на тему

Үштілділік - заманның талабы.

 «Жақсы ұстаздан шәкірт озар» деген мақал бекерге айтылған жоқ. Оқушыларымызға жақсы білім беру үшін , біз олар үшін ең мықты мұғалім, үлгі тұтар адам, дана болу үшін өмір бойы оқу керекпіз. Халық: «Оқу – инемен құдық қазғандай» - дейді. Шынымен де, мұғалімдер жыл сайын өзінің білімін жетілдіру үшін оқуға барады. Биыл мен «Қазақстан Республикасында орта білім беру мазмұнын жаңарту аясында орыс тілінде оқытатын мектептердегі «Қазақ тілі» пәні бойынша» курстан өттім, ал менің әріптестерім үш тілді білім беруді тиімді енгізу үшін оқуға жіберіліп жатыр. Себебі әр мұғалім өз оқушыларын көптілді меңгерген, өзін-өзі әлеуметтік  және кәсіби билеуге, өздігінен дамуға, өздігінен жетілуге қабілетті тұлға болуды қалайды. Ал қазіргі заманның талабы – үштілділік. Өйткені тіл - танудың, түсінудің, дамудың құралы. Көп тіл білу біздің мемлекетіміздің халықаралық байланыстарын дамытуға мүмкіндік беретін тұлғааралық және мәдениаралық қарым-қатынастардың аса маңызды құралы болып табылады. Қазақстан Республикасының шетелдермен халықаралық байланыстары күннен-күнге арта түсуде. Сол байланыстарды дамыту үшін шет тілін білетін мамандар қажет-ақ.

Президентіміз Н.Ә.Назарбаев Қазақстан халқына Жолдауындағы білім беру жүйесінде үш тілдің  – мемлекеттік тіл ретінде қазақ тілін, ұлтаралық қатынас тілі ретінде орыс тілін және әлемдік экономикаға үйлесімді кірігу тілі ретінде ағылшын тілін меңгерген, бәсекеге қабілетті маман даярлау міндетін атап көрсеткенін білеміз. Бұл дегеніміз оқу орындарына жаңа міндеттер, жаңа талап, жаңа мақсаттар қойып отыр дегенді түсіндіреді. Негізгі мақсаты – өмірден өз орнын таңдай алатын өзара қарым – қатынаста өзін еркін ұстап, кез келген ортаға тез бейімделетін, белгілі бір ғылым саласында білімі мен білігін көрсете алатын, көптілді және көпмәдениетті құзіреттіліктерді игерген  полимәдениетті жеке тұлға қалыптастыру