Китапханә ишекләре укучыларга ачык
статья по теме

Китапханә ишекләре укучыларга ачык.

        Сыйфатлы белем алу, уку- укыту һәм мәдәни мирасны тапшыру чарасы буларак, китапка ихтыяҗ даими саклана.Фәннең һәр тармагы дистәләрчә китап,  журналлардагы мәкаләләр һәм башка материаллар аша тәкъдим ителә, ә аларны бер урынга туплау бары тик китапханәләрдә генә мөмкин.

        Бүгенге көндә китапханәнең күпкырлы эшчәнлеге укучыларның мәгариф һәм мәдәни мәнфәгатьләреннән чыгып алып барыла. Эшнең сыйфат күрсәткече фондларда сакланучы беренчел  чыганаклар санында түгел, ә анда тупланган мәгълүматны иркен, ирекле куллану мөмкинлеге булуда.

        Укучылар өчен төрле вакыйгалар уңаеннан, әдипләребезнең юбилейларына багышланган төрле күргәзмәләр эшли. Алар ай саен үзгәртелеп, тулыландырылып торылалар.

        Китап аша балаларда туган телне, туган җирне ярату хисе тәрбияләү китапханәнең төп максаты булып тора. Әйтек, 2 а сыйныфы укучылары белән “Туган телем- иркә гөлем” исемле кичә үткәрелде.Анда татар теленең тарихын, әһәмиятен, аны саклап калырга тиешлеге безне балаларга аңлаттык. Әлеге чара алар күңелләренә рухи байлык өстәде. Без халкыбызның акыл чишмәсе, олуг фикерләре саекмасын өчен укучыга рухи азык бирү юлында барлык мөмкинлекләрне кулланырга тырышабыз.

        Китапханә ишекләре укучыларга һәрвакыт ачык.Теләүчеләр анда милләтебезнең рухи мирасын үзләштерә ала.

Нурсия Хисамова

2008 ел