Тәрбиячеләргә кулланма
консультация на тему

Балаларга  сөйләм  вакытында  дөрес  сулыш  алырга  өйрәтү   бик  әһәмиятле.Сөйләшкәндә  һаваны   авыз  аша   салмак  кына  чыгара   белергә  кирәк.Сөйләм  вакытында  дөрес  суларга  өйрәтү  өчен  түбәндәге  күнегүләрне  тәкъдим  итәргә  мөмкин:

                               “Кем  ераграк?”

Бала  белән  бергә  өстәл  өстендә  яткан  мамык  шарга  өрегез.Бала  һаваны  авыз  аша  салмак  кына  чыгарсын.Сулыш  борын  аша  алына.

                                      “Фокус”

Борын  очына   мамык  куярга.Телне  чыгарып  борын  очына  өрергә  һәм  мамыкны  өскә  таба   очырырга.

                                      “Давыл”

Сок  шешәсенең  эченә  кечкенә  мамык  шарлар  тутырырга.Шешәнең   бөкесен  тишеп   көпшә  тыгарга. Бала  борыны  белән  сулыш  ала  һәм  көпшәгә  өрә.

                                    “Энә  карагы”

Кәгазь  битенә  энә  карагының  гәүдәсен  ясагыз.Канатларын  юка  кәгазьдән  ясап, гәүдәгә  тоташкан  өлешен  генә  беркетегез.Бала  салмак  кына ,  яңакларын  кабартмый  гына   “энә  карагына”  өрә,  “энә  карагы”  канатларын  җилпи.

                                    “Кар  бөртеге”

Җепкә  кәгазьдән  киселгән  кар  бөртеге  беркетелә.  Бала   салмак  кына  “кар  бөртегенә”  өрә.  Кар  бөртеге  оча.

                                      “Көймә”

Тәбәнәк  савытка   су  алына. Кәгазьдән  ясалган  көймә  су  өстенә  куела. Балаларга  көймәгә  өреп,  аны  суда  әкрен,  тиз, тагын  да  тизрәк  йөздерергә  кушыла. Балалар  көймәнең  йөзүен  күзәтәләр.