сонгы кынгырау!2
методическая разработка (9 класс) по теме

Соңгы кыңгырау кичәсе.

(Чыгарылыш-2012)

1 аб.   2003  нче елның 1 нче сентябрендә ак бантиклы, ак алъяпкычлар кигән нәни генә кызлар, кара костюм, ак күлмәкле шук малайлар 1 нче тапкыр мәктәпкә белем дөньясына кереп киттеләр. Шушы көнннән соң күпме айлар, атналар, көннәр сизелми дә үтеп киткән.

2 аб.  Бу  кызлар һәм егетләр кабат мәктәп бусагасында. Бүген аларның бәйрәме! Әйдәгез алкышлар белән аларның үзләрен чакырыйк!

(Көй яңгырый, укучылар сәхнәгә менәләр.)

1 аб.         Кайчан гына әле күбәләктәй

                Ашкынып килдегез мәктәпкә

                Җиз кыңгырау дәште сезне һәркөн

                Яңалыклар тулы дәрескә.

2аб.         Үтте бик күп айлар, үтте еллар.

                Күз алдында үсеп җиттегез.

                Белем үрләренә омтылдыгыз

                Бәйгеләрдә бик еш җиңдегез.

1аб.         Мәктәптә сез канат ныгыттыгыз,

                Хәзер инде очып китәсез.

                Шатлык, куаныч, изге күңел белән

                Каршылагыз һәр көн иртәсен.

(Сәхнә экранында укучыларның кечкенә вакыттан алып мәктәпкә кадәр төшкән фотолары күрсәтелә бара.)

2 аб.         Бәйрәм бүген барлык мәктәпләрдә,

                Хис ташкыны дулый күкрәктә.

                Остазларның моңсу карашлары

                Озату сүзен яза йөрәккә

1 аб.        Укулар инде артта калды

               Җыелыштык соңгы бәйрәмгә.

               Һәркем тоя үзен әзер итеп

               Таулар , диңгезләрне кичәргә.

                                                                                                                                                                                                                                                                                                                                                                                                                                                                                                                                                                                                                                                                                                                                                                                    2 аб.                       Уй –хыялларыгыз, канатлы

                               Кулыгызда чәчәк бәйләме.

                               Еларгамы, көләргәме бүген,

                               Күңелләрнең иләс бер мәле.

1 аб.       Белем сукмакларыннан атлап бара торгач  9 көз, кыш, яз, жэй  айлары үтеп,  күңелләрдә онытылмаслык хәтирә булып уелып калды. Бу сүзләр , әлбәттә, безнең

9 нчы сыйныфларга хас.

                Ә хәзер сүзне үзләренә бирик.

-:             Саубуллашыр вакыт җитте менә,

                             Дәреслегем, язу дәфтәрем,

                             Парталарым, класс бүлмәләрем,

                             Укытучым, сөйгән мәктәбем.

 -:       Кире кайтмас өчен үтте инде

                    Балачагым, үсмер елларым,

                    Беренчедән тугызынчыга хәтле

                    Үткәрдек күк бер ел нибары.

Миләүшә:                Бүгенгедәй күз алдымда тора

                                 Очар коштай йөргән чакларым.

                                 Сумка тотып, “сабак укырга” дип,

                                 Борма сукмак буйлап атлавым...

Жыр:   “Хәтерлим мин әле бүгенгедәй”

1 аб.           Әле кайчан гына Сез беренче сыйныфка укырга кергән идегез. Әйе, ул вакытта барысы да сезнең өчен беренче иде: беренче укытучы, беренче кыңгырау, беренче хәрефләр, беренче бишлеләр. Белем иленә сәяхәтне сез  тәүге укытучыгыз- Роза апа Габдулхаковна белән башладыгыз. Хөрмәтле мөгаллимәбезнең дә укучыларына әйтер сүзләре бардыр, сузне ана бирэбез.   Рәхим итегез!

(.)

2 аб. Бүген монда сезнең  өчен  янып-көеп йөрүче, һәр адымыгызны күзәтеп, ялгышларыгыздан саклаучы сыйныф  җитәкчегез Гарифуллина Раилә Рифкатовна да бар. Мәктәп елларында Ул сезгә терәк, кирәк чакта язгы җилдәй йомшак, ә кайчагында кырыс та була белде. Хәзер сүзне хөрмәтле сыйныф җитәкчесенә бирәбез.

(.)

-:    Укытучым минем , сунмәс назым,

                      Якты язым-балачакларым,

                      Мин гомергә, әнкәм белән бергә,

                      Күңелемдә Сезне саклармын.

-:       Мөмкин микән сезнең хезмәтне

                         Таң нурлары белән зурларга?

                         Юк! Тиңләмим якты хисләремне

                         Караңгыда сүнгән нурларга.

-:          Тормышымның тәүге сукмагында

                      Шат елмаеп каршы алдыгыз,

                      Канат куеп якты хыялларга,

                      Олы юлга озатып калдыгыз.

Илдар:          Күпме йөрәк, күпме сабый җаннар

                     Ялкын алган Сезнең күңелдән.

                     Бер-бер артлы якты йолдыз булып

                     Кабына алар илем күгендә...

Миләүшә:       Җылы караш назлы сүзләреңнән

                        Тойдым синең йөрәк җылыңны

                        Укытучым , иң кадерле кешем,

                        Бүләк итеп ал син җырымны.

“Сез иң, гүзәл кеше икәнсез”. – җыр.

Алинә Сәлимулловна!

Тәүге укытучыбыз булып,

Хәтердә уелып калдыгыз.

Рәхмәт сезгә бүләгебезне

Кабул  итеп алыгыз.

Альбина Сергеевна!

Сезгә  теләк,

Бәхетле, сәламәт булыгыз.

Кайгы-хәсрәтсез  үтсен,

Сезнен  тормыш  юлыгыз.

Тормышка аша күрсен

Сезнен бар теләгегез

Рәхмәтебезне анлата

Кечкенә бүләгебез.

Татар телем , туган телем

Иң яраткан үз телем

Үз телемдә  Рушания апа,

Яратып бирде белем.

Дәресләрдә инша  яздык

Мактап туган телне  без.

Мәктәп елы хатирәсе

Булсын безнен голебез.

Илсур Ризович!

Карта аша сәяхәткә йөрдек

Тауга мендек,гиздек диңгезне

Зур корабның  капитаны сыман

Әйдәдегез сез алга безне.

Тарих,тарих,тарих дию белән

Күз алыма Ләйсән апа килә.

Әйтә кебек   күзләремә карап

Әйдә үткән параграфны сөйлә.

Сөйлә миңа,син шул хакта

Ниләр язалар  китапта

Укып булса  да килденме?

Сорыйсымы син белденме?

Указка тотып кулларга

Картадан шәһәр  табарга.

Өйрәтә Гөлшаһидә апа.

Микробларны курергә

Саклана да белергә.

Өйрәтә гөлшаһидә апа.

Табигатьне анларга

Җирне-суны сакларга

Өйрәтәләр мәктәпләрдә,мәктәпләрдә

Гөлләрне үстерергә

Гүзәллекне  күрергә.

Өйрәтә Гөлшаһидә апа.

Кая  барма урыс теле кирәк

Без  ул телне  ныклап  өйрәндек.

Дәресләр дә урыс телендә  без.

Күпме әкият,шигырь  сөйләдек.

Хәркемгәдә  бирелмәгәндер ул

Розалия апа төсле укытучы

Урыс телен өйрәнгәнбез икән,

Юкка тугел, юкка түгелдер.

Алия Аухадулловна!

Рәхмәт сезгә, безнен  өчен

Бик тә  нык тырыштыгыз

Математик мәсьәләләр  

Чишәргә булыштыгз.

Лилия  Рашитовна!

Ду ю спик инглиш?

Слышем мы часто.

Мы понимаем,это прекрасно.

Может  ответить мы:

Ес,Ай ду!

И рассказать на английском

Как я живу!

Айгөл Салимулловна!

Җылы караш,назлы сүзләреңдә

Тойдым сезнең йөрәк җылысы.

Укытучым,җырларымда чагыла

Изге уйларымның чаткысы.

Кар бетүгә Айдар абый,

Круг буенча йөгертә.

Сыбызгы тавышы белән

Китәбез чабып бергә.

Йөрәк тибә,нидер  чәнчи

Утлар күренә  күзгә.

Тик шулай да туктамыйбыз,

Йөгерәбез максатка

Йөгермибез, очабыз.

Дәрт бар чакта  йөрәктә.

 Корабльләр йөртергә,

Бик күп  белергә кирәк.

Ренат абыйның фәне,

Шуңа да безгә кирәк.

Чәчәк тотып чыктык буген,

Алмаз абый, сезнең  каршыга.

Алдыгызда баш ичбез.

Рәхмәт әйтеп барсына!

Гүзәл апа, Резидә апа,

Мәдинә апа, Энҗе апа!

Сезгә булган хөрмәтебез,

Мәңге калыр йөрәктә

Чәчәк букетыбыз  сезгә

Чын  күңелдән,бүләккә!

ГҮЗӘЛИЯ,СВЕТЛАНА,Илһамия,Суфия  апалар!

Ничә еллар бер бинада,

Бер гаиләдә булып яшәдек.

Бу елларны  хәзер  күңелебезгә,

Өзелмәслек итеп бәйләдек.

Җирдә ничә кояш бар дип?

Әгэр сорау бирсәгез.

Шул кояшларның берсе ул

Тәрбияче апалар!

Тәнәфестә бергәләп  без,

Ашханәгә керәбез.

Гөлфинә,Гөлнур апа аш пешерә,

Аны барыбыз беләбез.

Аш та тәмле, боткасы да,

Барысы өчен дә рәхмәт!

Тамак туйгач, дәресләрдә

Утыруы да рәхәт!

Гөлфинә,Гөлнур апа белән,

Эшли Диләрә апа.

Рәхмәтебезне җиткерәбез,

Чын күңелдән аларга.

Мәдинә һәм Фирдинә апа!

Чиста тота  мәктәпне

Бүген сезгә  шигырь аша

Әйтәбез без  рәхмәтне

Эшләрегез уң булсын,

Изге булсын юлыгыз.

Салкын  судан сакланыгыз,

Сызламасын  кулыгыз!

-:              Чәчәк бәйләмнәре кулыбызда-

                               Сезне котлыйк ихлас күңелдән?

                               Гөлләребез, Сезгә-укытучылар,

                               Бүләк булсын йөрәк түреннән.

Гөлләр  булэк иту.

1 аб.:                          Әнкәй кулларына сыенып үстем,

                                    Күңелемнең тоеп аклыгын.

                                    Васыять итеп алдым юлларыма

                                    Сабырлыгын аның сафлыгын.

2 аб.        Егетләр -кызлар! Хәзер әйтеләчәк сүзләрнең әти-әниләрегезгә, туган йортыгызга багышланачагын күңелегез сизәдер, мөгаен. Әти-әниләргә бүген бик ямансу. Сез әти-әни өчен бар матурлардан матуррак, кыйммәтледән-кыйммәтрәк, үз җаннарыннан да газизрәк. Хәзер сүзне әти-әниләргә бирәбез. Рәхим итегез!

-:         И мәктәбем, күңел җырым аша ,

                    Җитсен сиңа олы рәхмәтем.

                    Мин һаман да укучысы әле,

                   Тормыш дигән олы мәктәпнең.

-:   Сау булыгыз, мәктәп елларыбыз,

                     Таралабыз төрле якларга.

                     Аерылганда бергә сүз бирәбез

                     Гел биеккә, үргә атларга.

 Илдар:     Зур юлларга озатып кала

                  Мәктәп  кыңгыраулары.

                  Еллар аша озатып барыр

                  Соңгы яңгыраулары.

Кынгырау чылтыратып эйлэну

Миләүшә:                               Тугыз ел буе безне, мәктәп,

                                                Үстердең сөеп.

                                                Үз күрде һәр укытучы

                                                 Баласы кебек.

                                                 Хушлаша бүген күңелләр,

                                                 Бер сүзне кабатлый телләр:

Бергә:                Йөз рәхмәт,

                          Мең рәхмәт, и туган мәктәп!

1 аб.:       Бүген мәктәптә - соңгы кыңгырау, ләкин тормышыгызда ул соңгысы булмасын. Алган белемнәрегез сезне һәрчак әйдәп торсын!

2 аб.:           Соңгы кыңгырау яңгырый бүген.

                    Яңа юл яра гомер агышы.

                    Соңгы кыңгырау - әнкәй догасы,

                    Изге юл тели аның тавышы.

1 аб.:                               Ашыгабыз һаман ашыгабыз

                                        Ни көткәнен белми һичкем дә -

                                        Сезнең юллар вакыт кулында гел,

                                        Сезнең юллар язмыш иркендә.

Жыр:   Алинэ Рахматуллина “Мәктәп еллары”