Разработка урока эрзянского языка во 2 классе
методическая разработка на тему

                                 Эрзянь келень коряс урокось

                     ( анокстызе ды ютавтызе 2-це классо Косынкина Л.М.,

                  Саранск ошонь 25-це школань тонавтыцясь)

                                                Тундо.

          Уроконть целензэ: теевемс содавиксэкс од валтнэнь марто,

                                               седе тов тонавтнемс кортамо эрзянь кельсэ.

         - Шумбратадо, эйкакшт! Озадо! Кода тевенк?

         -Минь весела эйкакштано

         Ловнотано, сермадтано.

        -Пек паро! Ушодсынек минек уроконть. Течи миненек инжекс састь лия  

       классто тонавтницят. Сынь ванносызь, мезе минь содатано,  

         невтсызь,

              мезе сынсь маштыть.

            Теевтяно содавиксэкс те церыненть марто.

      -Евтыка, кода леметь?

      - Монь лемем Саша. Мон тонавтнян омбоце классо.

      -А ней, Саша, ютак, теевть содавиксэкс эйкакштнень марто.

     ...

      -Седе тов кортатано эрзякс. Кунсолынк монь кевкстеман ды максодо  

      ответ.

     -Тон кие?

     -Кодамо классо тон тонавтнят?

     -Кодамо минек школась?

     -Кие тонавтыцят?

     -Кода авать лемезэ?

     -Кода тетять лемезэ?

     -Кодамо тынк семиянк?

     -Косо тон эрят?

     -Кода тон тонавтнят?

     Вансынек, минек весе вадрястэ тонавтнить. Истят тевть тынк а    

     эрсекшнить?  Сережа ды Андрей, 3-це ды 4-це классонь тонавтницятне

     невтить тенек миниатюра минек школань эрямосто. А тынь кунсолодо  

     ды бажадо чарькодемс, мезде тосо ули евтнезь.

     Мери Сережа Андрюшанень:

     -Якатанояк Васянень!

     -Арась шкам тей-тов якамс, аванень сави лездамс. А тон тевтеме мезть

      якат? Урокот мекс а тейнят?

    -Вася- паро монь ялгам, сон решасы задачам.

      Ней налксетяно.  «Муинк тюсонть».    ...

    Те налксемась лездась тенек лецтямс валтнень( ашо,раужо,сэнь, пиже,

    ожо, якстере),конатне миненек течи кармить эрявомо.

     Седе тов минек инжетне анокстасть тенек стихотворения.

          Ашо чевте ловне

          Састынестэ пры.

          Ожо вишка ковне

          Менельстэ ваны.

         Зяро лов тештинеть

         Течинь вестэнть прасть,

         Зняро жо тештинеть

         Менельсэнть кирвайсть.

        -Эйкакшт, мезде кортави те стихотворениясонть?

       -Виде, теледенть.

        -А тынь кодат стихотвореният содатадо те мазый шкадонть эрзякс?

         Кунсолотадызь.

        Теле,теле,телине,

        Ашо паля руцине,

        Ашо паля руцине,

        Сияждыця мазыйне.

         Еще вейке…

         Теле, теле, телине,

         Ашо ловне мазыйне,

         Чинь каршо сон цитниця,

         Раужо китнень витниця.

      Весе неть стихотворениятне теледенть. Сон ней ютамо лангсо.

    Ушосонть тундо – пек мазый ды весенень вечкевикс шка. Сонзэ самонть

    весе мельспаросо учить ды кенярдыть тензэ. Кунсолотано Е. Благининань  

    стихотворениянзо тундодонть рузонь кельсэ.

            ...

      Тундонть ланга минь течи карматано кортамо эрзянь кельсэ.

     Васняяк теевтяно содавиксэкс од валтнэнь марто.

          Менель

          Чипай

          Нармунь

         Тикше

         Чудикерькс

          Эйзюро

          Кеняркс

       - Тынь чарькодиде, мезде корты ть неть валтне?

       -Да, тыненк теньсэ лездасть монь артовкстнэ.

         Досканть лангсо теезь словарик, ловносынек эрьва валонть апак капша  

          монь мельга.

        Седе тов – налксетяно. «Эхо» налксемась.

        Мон евтаса валонть эрзякс, а тынь мельган – рузокс.

           ...

        А ней сермадтано диктант. Мон валонть евтаса рузокс, тынь  

      сермадтадо эрзякс. Кие пели тапавомс – тыненк лезды доскасо

      .материалось. Кунсолодо седе парсте:

           Весна

           Трава

           Птица

           Сосулька

           Солнышко

                          ...

          Сермадовсть? Вансынек, мезе лиссь? Кие тейсь ильведевкс? Истят

          аламот, те пек вадря.

           Ютатано седе тов. Икеленк эрзякс предложеният. Мон карман

         ловномост, а тынь арседе, мезде эйсэст кортави.

             Тундось сась!

             Нармунтне морыть.

            Менелесь сэнь.

            Тикшесь пижелды.

            Чудикерькстнэ’ чудить.

             Ловось солы.

            Эйзюротне авардить.

            Ломантне кенярдыть.  

         Неть предложениятнесэ вастовсть аволь ансяк од валтнэ, но и сетне,

          конатнень минь содылинек.

          Котатано эрзякс. Кода меремс:

            Снег тает.

           Небо синее.

            Ручейки текут.

            Сосульки плачут.

            Люди радуются.

          Еще истямо прдложения:

             Мон (а) вечкса тундонть.

             А тон вечксак тундонть?  

           Кода меремс те кевкстеманть каршо? Арседе.

            Сась шка теевемс содавиксэкс од  стихотворениянть марто.

          Мон ловноса, а тынь чарькодинк, мезде тесэ моли кортамось.

             Сась мазыйка-тундось,

             Ловоськак солась.

            Пиже тикшесь ловонть потсто

            Касомо кармась.

            -Эйкакшт, мезде евтневи те стихотворениясонть? 

                            ...

              Ловносынек весе вейсэ те стихотворениянть. Ловнотано вейкенек-

           вейкенек кунсолозь ды марязь. А ней кунсолан эрьва рядонть башка.

                  ...

             Седе тов миненек Лиза евтни эрзянь кельсэ стихотворения.

                      Тундонь само.

                Ютась кежей телесь,

                Лембе тундось сась!

               Весе масторонтень

               Пек покш кеняркс кандсь.

               Васняяк лейнетнень

               Удомсто стявтынзе,

               Мейле чувтынетнень

               Тарадост токинзе.

               Нармунтне чи пельде

               Кудов таго састь.

               Сынст морамост вельде

                Тундось кеняркс кандсь!

            Миненек вастовсть ламо а содавикс валт, но ялатеке весе    

           чарькодсть, мезде тесэ кортави? Виде, кортави тундонть  

           самодонть, покш кеняркстонть, конанть сон казизе весе

            ломантненень.  

           Седе тов кунсолосынек    Оксанань, конась анокстась еще вейке  

           стихотворения.

              Тундось сай, тундось сай!

              Курок ловсь солай, юмай,

              Меки нармоттне мрдайхть,

              Пизонь тиема кундайхть.

               Тундость саманц колга пачфтсть

               Васцекс равжа варсись – грацсь.

               Конашка сон кандсь куля,

              Сяшка теенза – сюкпря!

         А тесэ мезде кортави? Тесэяк – тундодонть.

          Те миненек пек вадрястэ содавсь, хоть и сермадозь те

        стихотворениясь мокшонь кельсэ. Мокшотне ды эрзятне – пек

       малавикс народт, сынь свал чарькодсть вейкест-вейкест ды эрясть    

       вейсэ, ладязь.

                Седе тов панжсынек минек учебникенть 72-це страницасо.

          Тесэ максови текст. Минь пек ламо течи важодинек,арсян  

          чарькодьсынек сермадозенть апак майсек.

         Арседе, кода отвечамс кевстематнень лангс.

           Течи минь кортынек пек мазый иень шкадонть – тундодонть.

          Весенень седейс сон пачти ламо кеняркс. Весе пек учить те шкасонть.

          Кодамо мазый минек тиринь енксось тунда!

          Тиринь енксось, конась питней эрьва ломанентень свал!

            Минь уроконок прядсынек тиринь мастордонть стихотворениясо.

                           А. Мартынов

               «Шумбрачи, Мордовиям, шумбрат!...»