Разработка урока по теме "Квадрат суммы и разности"
план-конспект урока по алгебре (7 класс) по теме

Урыссу махсус (төзәтү) гомуми белем бирү мәктәп-интернаты

        Сыйфат темасын йомгаклау

(7 нче сыйныф)

                                  I  категорияле татар теле

                                              һәм татар әдәбияты укытучысы

                                           Фаткуллина Зилә Аләм  кызы

2011-2012 нче уку елы

7 нче сыйныф

Тема:         Сыйфат темасын йомгаклау.

Максат:

1)Сыйфат турында өйрәнгәннәрне гомумиләштереп кабатлау һәм укучыларда аларны гамәлдә дөрес куллана белү күнекмәләләрен ныгыту;  

2) Сөйләм һәм язу телен үстерү;

3)Укучыларда туган якның матурлыгына мәхәббәт хисе уяту,туган төбәгебезне ихтирам итү хисе тәрбияләү. Эстетик һәм патриотик тәрбия бирү.

Материал һәм җиһазлау: 

1) матур язу тексты – плакат “ Туган ягым”;

2) биремле карточкалар;

3) музыкаль тасма;

4) кроссворд һәм тестлар;

5) презентация.

Дәрес барышы.

I.Оештыру этабы.

   1. Дәреснең темасы,максаты,эш тәртибе белән таныштыру.

   2. Уңай психологик халәт тудыру.

   3.Өй эшләрен тикшерү.

II. Төп өлеш. Белемнәрне актуальләштерү, сыйфат темасын кабатлау.

1. Матур язу күнекмәсен үстерү. Текст- плакаттан күчереп язу.

   1 нче бирем. Сыйфатларны табып дәфтәрләргә язарга.

   2 нче бирем. Шул сүзләр белән  җөмләләр төзергә.

2. Компьтерда тестлар белән эшләү.

   1. Сыйфат нинди сүз төркеменә керә? ( Мөстәкыйль)

   2. Сыйфат лексик-грамматик яктан нәрсәне белдерә? (Предметның билгесен)

   3. Морфологик яктан сыйфатның төп үзенчәлеге нинди? ( Төрләнми)

   4.Сыйфат нинди сорауларга җавап бирә? (Нинди ?Кайсы?)

3. Карточкалар белән эшләү. (Укучыларга карточкалар тарату )

Биремнәр.

1. Җөмләне күчереп язарга һәм сыйфатны табып морфологик анализ ясарга. Колынның ялына аллы-кызыллы чуклар бәйләдем.

2. Матур, ирекле, чиста сүзләренә синонимнар; боек,карт,кап-кара сүзләренә антонимнар табарга.

3. Матур,кара,зур,кызыл,караңгы сүзләрен төрле дәрәҗәләргә куеп чыгарга.

4. Физкульминут. 1. Күнегүләр ясау. Җил исә, исә, исә,

                                                      Агачларны селкетә.

                                                      Җил тына, тына, тына,

                                                      Агачлар үсә, үсә, үсә.

                                  2. Кроссворд чишү.

1.Тышы сары,эче ак,ерактан торып елата (суган).

2. Өй түбәсендә кызыл әтәч кычкыра (янгын).

3. Зур үлчәүле,авыр сөякле (буйчан).

4. Аяксыз,кулсыз,үзе агачтан сикереп тәшә (яфрак).

5. Көмеш тәнле,ите тәмле (балык).

6. Ак җир,кара тап,нәрсә булыр уйлап тап (китап).

5.  Презентация карау “Туган ягым”.

6. Уен “Дәвам ит” Үткән заман сыйфат фигыльләр кергән мисаллар.

-        Аерылганны аю ашар, ... (бүленгәнне бүре ашар)

-        Тырышкан табар, ... (ташка кадак кагар).

-        Әйткән сүз, ... (аткан ук).

-        Эшләмәгән (кеше) … (ашамый).

-        Егылганны тукмамыйлар, ... (коралланмаганга ташланмыйлар).

 Нәтиҗә: Мәкальләр - татар халык авыз иҗаты үрнәкләре, тапкыр сүзләр.

7.        Музыкаль пауза. Р.Галиева сүзләре, В.Алексеев музыкасы «Тагын килде яз».

        Җыр текстыннан  сыйфатларны  табып уку.

8.  Бәйләнешле сөйләм үстерү. Рәсемнәр буенча җөмләләр төзү.

Ш.Маннур иҗаты буенча укучылар ясаган рәсемнәр күргәзмәсенә күзәтү.

1, 2, 3 төркемнәр – “Яшь туристлар җыры”на, 4, 5, 6 төркемнәр “Су буенда” шигыренә карата ясалган рәсемнәр буенча җөмләләр төзиләр.

III.  Күнекмәләрне ныгыту.

1. Сәламәтлек турында әңгәмә.

- Текста кайсы ай турында язылган? (февраль)

- Февраль – салкын тию, грипп авыруының иң таралган вакыты. Авырмас өчен алдан сакланырга кирәк. Нинди яшелчәләр ашау зарури? (суган, сарымсак)

2.  Табышмак: ишектән керә, энә күзеннән чыга. Нәрсә ул? (чир, авыру)

IV.        Нәтиҗә ясау.

 Нинди тема өйрәндек?

VI. Өй эше. Сыйфатлар кулланып миниатюр инша язып килергә “ Туган авылым -Әбсәләм”.

VII. Билгеләр  куела.