Дәресләрдә куллану өчен уеннар
методическая разработка по зож на тему

Дәресләрдә куллану өчен уеннар

1.”Ун адым-ун серле сүз”

Бер укучы каршыга чакырыла һәм түбәндәге бирем бирелә: “10 адым яса һәм һәр адым саен бер серле сүз әйт” Калган укучылар дөреслеген тикшерә. (исәнмесез, хәерле көн, һ.б. санарга мөмкин)

2. “Игътибарлы бул”

Укытучы дәрестә укыган материал буенча( хикәя, мәзәк, шигырьгә туры килә торган рәсем яки предмет күрсәтә.Укучылар хикәя, мәзәкнең, шигырьнең исемен әйтергә тиешләр.

 3. “Кем җитез”

Ике команда уйнатыла. Һәр команда члены өстәл янына йөгереп килә һәм әдәпле сүз яза, кайсы команданыкы күбрәк , дөрес, шул җиңүче.

4. Бирелгән хикәядән кем күбрәк ялгыш таба?

Марат урамга чыкты. Кибеттән авыр сумка күтәреп кайтып килүче әбине күрде. Әби арттыннан көлеп карап калды.  Урам буйлап аяк астындагы чүпләргә тибә - тибә юлын дәвам итте. Һ.б.

5. “Дөресен сайла”

Ике команда сайлана. Малайларга, кызларга гына хас сыйфатларны дөрес аерырга. Беренче командага бары тик малайларга, икенче командага кызларга гына хас сыйфатлар.

Кыю, матур, батыр, тырыш, чиста, тәмле пешерә, әтигә ярдәм итә, сөйкемле, чибәр, гүзәл, озын толымлы, кызларны яклый, тыйнак, авыр эшләрдә ярдәм итә һ.б.

Шулай ук укучылар табышмаклар буенча кроссвордлар төзергә, мәкальләрне дәвам итәргә, бирелгән рәсем буенча хикәя төзергә, хикәягә исем уйларга өйрәнәләр. Әлеге  эшләрне укучылар бик кызыксынып һәм яратып башкаралар.