Тәрбия программасы.
рабочая программа на тему

                                          Тәрбия программасы.

Девиз: Атаң- анаң – чын дусың,

               Дус- ишләрең – юлдашың.

Максат: укытучылар,укучылар  һәм ата-аналарның үзара килешеп эшләве;

                       бердәм коллектив  формалаштыру.

Үтәлеш формалары: индивидуаль һәм тематик консультацияләр;

                                               ата-аналар  җыелышлары һәм  конферецияләре

                                               ачык дәресләр; укучыларның өйләрендә булу;

                                               анкеталар алу; походлар, экскурияләр оештыру;                                                        

                                               класстан тыш чаралар үткәрү.

Аңлатма язуы.

       Балаларда Туган илгә мәхәббәт, белем алуга омтылыш, иптәшлек, дуслык, намуслылык,ихтияр көче, әдәплелек,туганлык кебек иң күркәм сыйфатлар тәрбияләү башлангыч мәктәп алдында торган иң мөһим бурычларның берсе. Әхлаклылык сыйфатларының, үз-үзеңне тоту, кешеләр белән аралашу күнекмәләренең нигезе гаиләдә салына. Ә мәктәптә бу күнекмәләр  үстерлә, формалаша. Әлеге мөһим бурычны нәтиҗәле тормышка ашыру өчен мәктәп белән гаилә арасында тыгыз элемтә урнаштырырга кирәк. Ата –аналар белән мәктәп үзара килешеп, аңлашып балага бердәм таләпләр куеп, проблемаларны бергәләп чишкән очракта гына тормышка яраклы, әхлаклы, әйләнә-тирәдәгеләргә игътибарлы чын Кеше тәрбияләргә мөмкин. Моның өчен ата-аналарны мәктәпкә тартырга, балалар белән күбрәк аралашу мөмкинлекләре тудырырга кирәк.

Менә шуларны исәпкә алып  «Гаиләм–ныклы терәгем, гаиләм-таянычым» тәрбия программасы төзелде.

    Программаның актуальлеге шунда, аның үтәлеш процессында балага, кешенең тормышы, аңы һәм сәламәтлеге – иң кыйммәтле әйбер;  үзенең, якыннарының, туганнарының, әйләнә-тирәдәгеләрнең бәхете, уңышлары, белемлелеге, әхлаклылыгы, хезмәт сөючәнлеге бары тик үз өстендә туктаусыз эшләүдән икәнлеген аңларга шартлар тудыра.

    Программа көндәлек укыту-тәрбия эшчәнлеге проблемаларын чишүгә ярдәм итә. Әлеге программа цикллар  принцибы  буенча 4 елга  төзелде.

1нче цикл – 1нче класс:

- мәктәп тормышына, уку шартларына уңышлы адаптация;

- укучыларның эмоциональ ныклыгы;

- класс коллективы туплау;

- ата-аналарның класс һәм мәктәп тормышында актив катнашуы.

2нче цикл – 2нче класс:

-уку хезмәтендә уңышлы нәтиҗәләргә ирешү;

-укучының класс, мәктәп, район тормышында актив катнашуы;

- начар гадәтләргә тискәре караш булдыру;

- класс үзидәрәсе органы булдыру.

3нче цикл – 3нче класс:

- республика, Россия буенча интеллектуаль сәләтләрен күрсәтә белү;

- үз гаиләсенең, мәктәбенең, район һәм шәһәренең (башкалабыз Казанның) тарихын һәм кунакчыл урыннарын белү;

- укытучы җитәкчелеге астында класстан тыш чаралар  оештыра белү;

- кылган гамәлләре өчен җавап бирә белү.

4нче цикл – 4нче класс:

- үзконтроль һәм үзтәрбия методларын белү;

- үзләреннән кече яшьтәгеләргә игътибарлы булып, аларга контрольлек итү;

- мөстәкыйль рәвештә иҗади активлыкларын күрсәтү, класстан тыш чаралар оештыру һәм үткәрү.

Программаның максаты: гаилә белән берлектә һәр яктан киң үсеш алган

                                                         социаль яктан актив, толерант шәхес  

                                                         тәрбияләү.

Төп тәрбияви бурычлар:

1. Гаиләдә һәм мәктәптә укыту – тәрбия эшендә бердәм таләпләр кую.
2. Гаилә белән берлектә баланың интеллектуаль һәм иҗади сәләтләрен үстерү.
3. Гаиләләрнең сәламәт яшәү рәвешен өйрәнеп, баллада  үз сәламәтлегең белән идарә итә белү сәләте формалаштыру.
4. Гаиләдә һәм мәктәптә баланың әхлак тәрбиясен формалаштыру.

Үтәлеш вакыты: 4ел.

Көтелгән нәтиҗә:

• Һәр яктан киң үсеш алган бала.
• Социаль яктан актив бала.
• Әхлаклы бала.
• Патриот бала.
• Мөстәкыйль бала.
• Җаваплы бала.
• Хезмәт сөюче бала

                      1нче класс  

                                         2нче класс    

3нче класс

4нче класс  

Якынча ата-аналар җыелышы темалары

1 класс

1. 1нче класс укучысы, аның уку шартларына ярашуының психоло-педагогик үзенчәлекләре. 6 – 7 яшьлек баланың яшь үзенчәлекләре.
2. 1нче класс укучысында уен һәм хезмәт.
3. Гаиләдә баланы чыныктыру һәм йогышлы авыруларга каршы көрәш чарасы.
4. Баланың характеры формалашуы.
5. Балага дәрес хәзерләргә ничек ярдәм итәргә?
6. Балалар коллективында дуслык һәм үпкәләшүләр.

2 класс

1. 8 яшьлек баланың психологик үзенчәлекләре.
2. Баланың бер көне. Көндәлек режим.
3. Дәрес хәзерләгәндә баланың мөстәкыйллеген үстерү, ярдәм итү.
4. Билге кую таләпләре.
5. Балада аңлы дисциплина тәрбияләү. Баланы мактау һәм җәза бирү.
6. Гаилә тәрбиясе прицибы.
7. Китап – белем чишмәсе.

3класс

1. 3 класс баласының үсеше. 9 яшьлек баланың психологик үзенчәлекләре.
2. Балада укуга, белем алуга омтылыш тәрбияләүдә гаиләнең роле.
3. Балада начар гадәтләр.
4.  Әйләнә-тирә дөньяга толерант караш тәрбияләү.
5. Баланың иҗади сәләтен үстерү.
6. Гаиләдә балага патриотик тәрбия бирү.

4 класс

1. Кече яшьүсмер һәм аның үзенчәлекләре.
2. Компьютер уеннары.
3. Бала тәрбияләүдә китап, телевизор, бердәм информация чаралары.
4. Баланың хокук һәм бурычлары.
5. Бала белән ничек аралашырга?
6. Балага экологик тәрбия бирүдә гаиләнең роле.
7. Урта звенога күчкәндә балага ничек ярдәм итәргә?