"Крик души"
статья по теме

                                Сагыш-сеткилдин кыйгызы

    Кижи бурузу элээди назынны эрткен болгай.Ынчан элээди кижи хорадаачал, ундаргай, чоок кижилеринден хой кичээнгей негээр.Кевин-херекчок чуулден безин карак чивеш аразында хомудай бээр. Ынчангаш ажы-толдун элээди уези келири билек, оларга ада-ие кичээнгейлиг болуру кузенчиг.

    Оларнын агаар-бойдустун оскерилгени-биле домей аажызында  чамдыкта билдинмейн баар таварылгаларда толу-биле чугаалажыры чугула. Ону чуу дувуредип турарыл? Ол чуну кылыксап турарыл? Кымга хомудап турарыл? Чуу дээш? Мындыг хевирлиг айтырыгларны оожум, оон- биле сагыш-сеткилден чугаалажып тура, билдитрпес кылдыр салыр болза эки.  Чуге дизе элээди уруг сагыш-сеткилдин берге уезинде хой чугаага хону чок база болур.Ол кым-биле-даа харылзашпайн, хагдынып болур. Бо таварылгада кончуг бодамчалыг болуру чугула. А кажан «оскерлиишкиннин» чылдагааны билдине бергенде, «ажыл» эгелээр, тодаргайлаарга, уругну берге уеден унеринге дуза чедирери. Кол-ла чуул – ынакшыл, билиишкин, деткимче. Бо бугуну элээди уруг ада-ие болгаш чоок кижилеринден ап турар болза, ол «кризистен» дурген унер.Бир эвес уруг чугаалажыр хонну чок болза, ону албадаан ажыы чок. Кажан уруг боду бирги базымны кылырын мананар. Ада-ие элээди уругнун берге уезинде эн-не чоок сумелекчизи, даянгыыжы, айтыкчызы. Элээдилернин сагыш-сеткилин аартыпкан чылдагааннарга чуу-даа хамааржып болур. Чаа хеп, ойнаарак, компьютер, техника… Чамдык ада-ие уруунун иштики байдалын эки билбейн, харын-даа удурланып, оон  хой-ле негелделер кылыр. Ол шын эвес. Холун эрттир оон аайынга база турбас. Байдалды кончуг кичээнгейлиг сайгарып коор, чугааны бодамчалыг эгелээр. Канчаар дузалап болурул? Ажы-толду чуртталгага сонуургалдыг болурун хун буруде хевирлээр. Кижинин амыдыралынын, оруунун, салым-чолунун, чогумча чок чоруктун, чедиишкиннин дугайында чугааны кылыр. Ол чугаанын уезинде «Амыдыралдын дорт шыйыы» деп чурукту чурудуп болур.Уруг амыдыралынын эрткен,амгы, келир уезин чурааш, кайы уеде оорушку, мунгарал хой турганын ада-ие – биле сайгарып коор.

       «Чедиишкиннин хоойлузу чудел?» деп темага чугааны база чорудуп болур. Чедиишкинниг кижи кайыын тыптып келирил? Бойдустан бе? Салым-чол бе? Бурган хайырлаан бе? Кижинин бодунун кужениишкинниг ажылында бе? Бо чугаа эдээдинин сонуургалын оттурар, силер – биле сырый харылзаанын магадылалы улуг болур. Чугле боду хун буруде кызымаккай ажылдаан туннелинде кижи чедиишкинниг болур деп чуулду билиндирер.

      «Амыдыралда бергелер кайыын тыптып келирил?» -деп, айтырыгны элээдилер салып болур. Оон дугайында  чугаалажыры база солун. Бо таварылгада ада-ие-биле элээди уругнун, оолдун аразы чоок болуру чугула. Ажыт-чажыт чок чугаалажыр. Ол – эн-не эки «эмнээшкин». Кажан сагыш-сеткилин ажыдып чугаалашкан соонда, кижи чиигей берген ышкаш сагындырарын шупту билир бис, «сагыжым ажый берди» деп чугаалаар бис. А ол бистин ажы-толувуске улуг деткимче, дуза. Ынчангаш ажы-толувусту бергелерге кагбайн, дузавыс коргузуп чоруулунар, хундулуг ада-иелер.