Юл йөрү кагыйдәләрен беләсеңме?
методическая разработка (2 класс) по теме

  Юл йөрү билгеләрен һәм транспорт чараларын беләсеңме?

                                      ( йолдызлар сәгате уены )

Максат. Башлангыч сыйныф укучыларының юл билгеләре,аларның төрләре турында белемнәрен камилләштерү; игътибарлылык, фикерләү сәләтен үстерү.

Җиһазлау: һәр бер балада 1-6га кадәр язылган саннар белән карточкалар; йолдызлар; компьютер,мультимедиа.

Уен барышы.

-Исәнмесез,хөрмәтле балалар һәм тамашачылар.Бүген без юл билгеләре һәм транспорт чараларына багышланган “Йолдызлар сәгате” уенына җыелдык. Уенчыларыбызга уңышлар теләп уеныбызны башлыйбыз.

1 тур. Сезнең алда транспорт чаралары:

1.Трактор

2.Трамвай.

3.Янгын сүндерү машинасы.

4.Экскаватор.

5.Су сиптерү машинасы.

1нче сорау(табышмак) Ул үзе шундый көчле,

                                        Тешле-тешле,чүмечле.

                                         Бер үзе эшли ала

                                         Йөз кешелек эшне.

2нче сорау: Кылга асылына,

                     Тимергә таяна.

                     Утыртып чаба

                      Теләсәң кая.

3нче сорау:Тыр-р дисәң,туктамый

                    На-а дисәң,атламый,

                    Печән салсаң ашамый.

4нче сорау:Бу машина еш кына

                    Кинәт бәйдән ычкына:

                    Йөрәкләргә шом салып,

                    Елый-елый кычкыра.

5нче сорау:Чүп –чар,тузан йота ул,

                     Юлны чиста тота ул.

                     Себереп кенә үтми,

                     Яңгыр яудырып китә ул.

6нчы сорау: Бу машиналарның кайсысы төзелештә кулланыла?

7нче сорау: Бу транспорт чараларының кайсысы авыл хуҗалыгында кулланыла?

Беренче тур нәтиҗәләре буенча иң әз йолдыз җыйган бала уеннан чыга.

Музыкаль пауза.

2 тур. Сезнең алдыгызда транспорт төрләре:

1.Җигүле транспорт.

2.Су транспорты

3.Тимер юл транспорты

4.Автомобилҗ транспорты

5.Һава транспорты.

1нче сорау:Бу транспортларның кайсысын машинист йөртә?

2нче сорау: Нинди транспортны капитан йөртә?

3нче сорау: Кайсы транспорт белән очучы идарә итә?

4нче сорау: Кайсы транспортны олаучы йөртә?

5нче сорау: Кайсы транспорт бик борынгы дип санала?

6нчы сорау: Кайсы транспорт чарасы иң арзаны?

7нче сорау: Кайсы транспорт бик тиз хәрәкәт итә?

8нче сорау: Җилкәнле көймә,корабль, паром нинди транспорт төренә керә?

9нчы сорау: Дөя,фил,ат нинди транспорт төренә керә?

Икенче тур нәтиҗәләре санала.

Музыкаль пауза.

3 тур.

Тактада  рәсемнәр:

1.Ашыгыч ярдәм машинасы.

2.Су сиптерү машинасы

3.Милиция машинасы.

4.Янгын сүндерү машинасы.

1нче сорау: Янгын вакытында кайсы транспорт безгә ярдәмгә килә?

2нче сорау: Бу транспорт төрләренең кайсысы “артык”?

3нче сорау: “02” дип кайсы транспорт төрен атыйлар?

4 нче сорау: Бу транспорт төрләренең кайсысы шифаханәләрдә кулланылы?

Рәсемнәр алыштырыла, “алгы”, “арткы” дигән сүзләр языла.

1нче сорау: Автобус,троллейбус, трамвайга кайсы ишектән керергә?

2нче сорау: Автобус, троллейбус, трамвайдан төшкәндә, кайсы ишектән төшәргә?

3нче сорау: Трамвайдан төшкәч ,аны кайсы яктан әйләнеп үтәргә?

4нче сорау: Автобус, троллебустан төшкәч, аны кайсы яктан әйләнеп үтәргә?

Өченче тур нәтиҗәсе буенча иң әз йолдыз җыйган бала уеннан чыга.

Музыкаль пауза.

4 тур.

Тактада юл билгеләре ясалган рәсемнәр чыга.

1.                                         4.                                       6. 

 2.                                                      5.                                         7. 

 3.      

1нче сорау: Кайсы билге җәяүлеләр өчен урам аша чыгу юлын күрсәтә?

2нче сорау: Бу билгеләрнең кайсысы велосипедта йөрүне тыя?

3нче сорау: Кайсы билге җәяүлеләргә йөрергә ярамый дигәнне аңлата?

4нче сорау: Мин-иң кирәкле билге,

                     Җәяүле белә мине.

                     Күрсәтәм урам-юлның

                     Аркылы чыгу урынын.

5нче сорау: Бу билгегә карасаң,

                     Сөенә авырулар.

                     Димәк,якында гына

                     Ярдәм күрсәтүчеләр.

6нчы сорау: Бу билгеләрнең кайсысы  “кеше тора торган зона” дигәнне аңлата?

7нче сорау: Юл билгеләренең кайсылары тыючы билгеләр төркеменә керә?

8нче сорау:  Нинди билге сервис билгеләре төркеменә керә?

9нчы сорау: Җир өсте җәяүлеләр юлын нинди билге аңлата?

Дүртенче тур нәтиҗәләре буенча иң әз йолдыз җыйган балалар уеннан чыгалар.Уенда 2 бала кала.

5 тур.Финал.

“ТУКТАЛЫШЛАР” дигән сүздән яңа сүзләр ясарга (1 минут эчендә).Сүзләр баш килештә һәм берлек санда булырга тиешләр.

Соңыннан җиңүче билгеләнә,истәлек бүләкләре тапшырыла.Бәйрәм чәй табыны артында дәвам итә.