Исемең матур-кемнәр куйган!
план-конспект занятия (1 класс) на тему

Тәрбия сәгате

Тема:Исемең матур-кем куйган!

Максат:1.Балаларга һәрбер исемнең бер мәгънә бирүе турында    

                төшенчә бирү.  Фамилияләрнең килеп чыгышын аңлату.

.             2.Бәйләнешле сөйләмнәрен, танып белү активлыгын  

                 үстерү.

              3.Исемнәрнең матурлыгын күрә белергә, әти-әниләргә      

                хөрмәт тәрбияләү.

Җиһазлау:мәкальләр «Исемсез кеше-канатсыз кош», «Исем кешене  

                 бизәми- кеше исемне бизи», уен өчен тартма, ребус өчен  

                 язулар.

План

1. Актуальләштерү.

- Хәерле көн, укучылар! Бүген без сезнең белән «Исемең матур-кем куйган!»- дигән темага сөйләшербез.

2.Класс сәгате барышы.

(Кошлар сайравы ишетелә. «Таң атканда» көе уйнала.)

-Барлык җиһанны ал нурларга күмеп таң ата. Таң белән бергә дөньяга яңа сабый аваз сала. Бер гөнаһсыз нарасый, үзенең барлыгын сиздереп, тәүге елау авазын ишеттерә.

  И сабый! Бу тормыш дулкыннары сине кайсы юл белән алып китәр соң? Синең тормыш сукмакларың нинди булыр?

  Яңа туган сабый өйгә, гаиләгә ямь, юаныч, бәхет өсти.Шуның белән бергә ул ата-анасына куанычлы мәшәкатьләр дә китерә.(«Бишек җыры» башкарыла-1 куплет)

-Туачак баланы өйдә зур түземсезлек, олы өметләр белән көтеп алалар.Яңа туган сабый гаиләне ныгыта. «Яшь балалы гаиләгә нур иңә, анда тормыш кайный, гайбәт сүз, ызгыш-талашка урын калмый»-ди халык.

  Гаиләдә бала туу зур шатлык санала.Тәрбия бала туган көннән башлана.Безнең татар халкында бала туу уңаеннан  бик матур гореф-гадәтләр бар.Ул – балага исем кушу.

  Татар халкы элек-электән яңа туган сабыйга исем кушуга зур җаваплылык белән караган.Исеме җисеменә туры килә торган, матур, мәгънәле, җиңел, анык әйтелешле исемнәр бирергә тырышкан.

-Балалар, әйдәгез, сезнең исемнәрегез, аларның мәгънәләре белән танышып үтик.

-Минем исемем-Зөһрә. Ул зөһрә йолдыз исеменнән.

-Минем исемем-Булат. Ул бик нык, корыч кебек дигәнне аңлата.

-Укучылар, сезнең исемнәрегез дә бик матур, мәгънәле.

3.Уен-шакмак тәгәрәтү. Шакмак кырыйларына хәреф беркетелгән . Шул хәрефтән  башланган 1 кыз, 1малай исеме әйтергә.

4.Фамилияләр белән таныштыру.

-Мин -Риназ Әхмәтов

-Мин-Зөһрә Мирзаянова

_Мин -Булат Рахманов

-Мин-Булат Нуретдинов

 -Димәк , укучылар , сезнең фамилияләрегез, ул сезнең бабаларыгызның исемнәре.

5.Мәкаләләр өстендә эш.

-Исемсез кеше-канатсыз кош.

-Исем кешене бизәми, кеше исемне бизи.

-Исемне яхшы эшләр, әдәпле, шәфкатьле, якты йөзле, тәмле телле булуың белән бизәп була.Ә бу сыйфатлар безгә әти-әнидән, гаиләдәге тәрбиядән килә.

  Исеме бик матур булып та, ул кешенең тәртибе бик начар икән, ул кеше инде һәркемгә дә ямьсез күренәчәк.

6.Ребуслар чишү.

             гөл                                                 наз

нур                                                шат

             наз                                                нур

             +      сылу                          Гөл             нара

                      зат                                                 сәрия

                      дар                                                бикә

                      гиз                                                 чәчәк

                      рат                                                

                      ваз

8.Укучылар, татар халкында кеше исемнәренә багышлап, чыгарылган   җырлар да бик күп.Мәсәлән: «Рәйхан», «Галия», «Резидәкәй», «Әпипә», «Әнисә».Зуррак үскәч, сез алар белән дә танышырсыз әле.

9.Йомгаклау.

-Нинди темага сөйләштек инде?

-Исемнәрегез бик матур.Күңелегез, башкарган эшләрегез, матур булсын.Әти-әниләрегезне сөендереп, акыллы булып үсегез!

-Дөньяга туганда сабыйлар

Җиһанны яңгыратып елыйлар.

Нарасый күзләрен ачканда

Бәхетле булсын дип юрыйлар.

Сабыйлар-мәхәббәт җимеше,

Сабыйлар күз яше түкмәсен

Булмасын илләрдә сугышлар,

Сабыйлар ятимлек күрмәсен!