Г.Гыйльманов "Минем исемем - Бүрек"
план-конспект урока по чтению (4 класс)

Әдәби уку.                                      

Тема: Г.Гильманов «Моё имя – Бурек» Г.Гыйльманов. «Минем исемем – бүрек».

Максат: Г. Гыйльманов, Д. Гайнетдинова, Л. Гыймадиева әсәрләрендәбалалар тормышының чагылышы белән таныштыру, авторланың ни әйтергә теләвен ачыклау.

Бурычлар: 11) Нинди кешеләрне батыр дип әйтергә булуын Г. Гильмановның “Минем исемем- Бүрек”, Д. Гайнетдинованың “Батыр Хәбир”, Л. Гыймадиеваның “Кара урман, караңгы төн” әсәрләре аша аңлату.

2) Әсәрне мәгънәви кисәкләргә бүлү, логик фикерләү сәләтен үстерү.

3)Батырлык эшләргә омтылышын булдыру, аның өчен, үзеңне кечкенәдән хәзерләргә кирәклеген төшендерү.

Дәрес барышы.

1. Оештыру өлеше.
2. Актуальләштерү.

• Өй эшен тикшерү.
• Әңгәмә.
• Балаларның яшьтәшләре турында ниниди китаплар укыганы барлыгы турында сөйләшү. Хайваннар турындагы  әсәрләр укыганнары бармы икәнлеген белү.

3.  Бала нинди аврлыклар белән очраша?

“Батырлык” төшенчәсен аңлатканда, мисаллар белән дәлилләгәндә, “Син батырлык эшли алыр идеңме?” дигән сорауга җавап биргәндә.

4. Авырлыктан чыгу юллары.

“Батырлык” төшенчәсен тормыштагы мисаллар белән дәлилләп  аңлатып: а) сугыш батыры,  б) хезмәт батыры, 3) Спорт батыры, 4) Сабантуй батыры.

5.  Яңа материалны аңлату..

1) Г. Гильмановның дәресләрдә укылган әсәрләрен искә төшерү, китаплар күргәзмәсен карау.

2) “Минем исемем – Бүрек”  хикәясенең беренче кисәген чылбыр буенча уку. (84-90 бит)

3. “Музей йорты”на  сәяхәт. А. Байбекованың “Балалар” картинасы өстендә эшләү.

6. Белемнәрне беренчел ныгыту.

1) “Минем исемем – Бүрек” хикәясенең төп героен тап.

2) Хикәянең иң ошаган өзекләрен сайлап уку.

3) А. Байбекованың “Балалар” картинасы белән хикәя арасында уртаклык бармы? Бәлки юктыр? Фикеңне мисаллар белән дәлилләп аңлат.

7. Мөстәкыйль эш.

 1) Л. Гыймадиеваның “Кара урман, караңгы төн” хикәясен сәнгатьле итеп уку.  (3 кисәк)

2) “Хәлим- батыр малай” дигән фикерне дәлилләп сөйләү.

3) Хрестоматиянең 87 нче битендәге сорауларга җавап бирү.

8. Өйрәнгәннәрне  ныгыту күнегүләре.

1) Мөстәкыйль эшне вариантларда тикшерү.

2) Су коену кагыйдәләрен искә төшерү.

3) Ике әсәрне укып, без балалар тормышыннан нинди вакыйгалар белән очраштык?

4) Сезнең этегез бармы? Аның нинди һөнәрләрен сөйли аласыз?

9.  Дәрескә йомгак. Рефлексия.

1) Җөмләләрне язып бетер.

- Батыр булу өчен...

- Батырлыкны һәркем....

- Бу дәрестә тагын ниләр белергә теләр идең....

- Ничек уйлыйсың, үз-үзеңне җиңү җиңелме? Ни өчен алай уйлыйсың?

2) Смайликлар белән эш.

3. белем баскычына фишкалар кую.

10. Өй эше.

Д. Гайнетдинованың “Батыр Хәбир”, хикәясен укып, ни өчен шулай аталуынаңлатырга.

Хәбирнең батырлыгын кемнәр күрә, кемнәр сәламли?

Тормышта үзегез эшләгән берәр батырлык турында сөйләргә әзерләнеп килегез.