План-конспект бурятского языка в 3 классе
план-конспект урока (3 класс)

План – конспект урока бурятского языка в 3 классе.

Хэшээлэй сэдэб: Yйлэ үгэ.

Зорилго: үйлэ үгэ тухай мэдэсэ бэхижүүлхэ, хэлэлгэ соо зүбѳѳр илгажа шадаха;

аман хэлэлгэ соо хэрэглэхэ шадабари бэхижүүлхэ;

байгалида гамтайгаар хандалгые хүмүүжүүлхэ.

Хэшээлэй ябаса.

1. Эмхидхэлэй үе.
2. Хэшээлэй зорилгонуудтай танилсалга.

Сайн байна!

Класстаа орожо хэшээлээ эхилhэндэнь баяртайб! Хурсахан нюдыетнай харахадаа бэлигтэй үхибүүд гээд найданаб! Сугтаа амжалтатайгаар үнгэргэе даа, хэшээлээ!

3. Yйлэ үгэ тухай үзэhэнѳѳ дабталга.

 Хабарай саг тухай хѳѳрэлдэхэ.

 Слайд

Халуун хабар ерэбэ,

Хабарай наран игааба.

Дулаахан үдэрнүүд болобо,

Дууша шубууднай бусаба.

- Энэ шүлэг уншагты.

- Yйлэ тэмдэглэhэн үгэнүүдые шүлэг соо ологты.

- Ямар асуудалда харюусанаб?

- Эдэ үгэнүүд ямар хэлэлгын хубида ороноб?

- Мүнѳѳ хэшээлдээ ямар хэлэлгын хубиие дабтахабди?

Yйлэ үгэ тухай мэдэсэеэ үргэдхэлгэ.

Самбарта бэшээтэй.

Алтан шара наран аятай дулаанаар шарана. Харьялаа горход урдаба. Тала газарта хабарай hалхин hэбшээлнэ. Удангүй уран гургалдай жэргэхэ.

_ Аман соогоо аалихан уншагты. (нэгэ hурагша шангаар уншаха)

Словарна хүдэлмэри.

- Зай үхибүүд, харьялаа горход гэжэ холбуулал юун гээд ойлгонот?

- Гургалдай гэжэ мэдэхэ гүт?

- Мүнѳѳ энэ мэдүүлэлнүүд сооhоо үйлэ үгэнүүдые ологты.

- Ямар үгэнүүдтэй холбоотойб?

- Эдэ үгэнүүд ямар асуудалда харюусанаб?

- Энэмнай ямар хэлэлгын хубинууд болоноб?

-Тобшолол: үйлэ үгэ ямар хэлэлгын хубитай холбоотойб?

- Юумэнэй нэрэ ба үйлэ үгэ мэдүүлэл соо шухала гэшүүд  болодог, мэдүүлэлэй грамматическа hуури болоно, саашадаа энээние узэхэт.

4. Бэхижүүлгэ.

- Мүнѳѳ дэбтэр соогоо юумэнэй нэрэ үйлэ үгэтэйнь бэшэгты.

Yйлэ үгын hуури, залгалта олое, тэмдэглэе. Ѳѳрыгѳѳ шалгагты.

- Шарана гэжэ үйлэ үгэдэ дүтэрхы удхатай үгэнүүдые hанагты.

- Урдаба гэжэ үйлэ үгэдэ харша удхатай үгэнүүдые hанагты.

- Буряад хэлэндэмнай үйлэ үгэнүүд хэрэгтэй гээшэ гү? Юун гэжэ hананат?

5. Хэшээлэй дүн гаргалга.

 Yйлэ үгэ тухай үзэhэнѳѳ дабтабабди, хабарай hайхан хаhа тухай хѳѳрэлдэбэбди. Ѳѳрынгѳѳ hанамжануудые хэлэгты. Иимэ даабари дүүргэгты. Хабар тухай үгтэhэн шүлэг хүсэлдүүлжэ, ѳѳрынгѳѳ үгѳѳр нэмэжэ бэшэгты.

Хүйтэн үбэл ________________

Хүхюун хабар_______________.

Ургы сэсэг _________________

 Тала дайдые ______________.

 6. Гэрэй даабари.

Хабар тухай шүлэг гү, али богонихон рассказ бэлдэхэ.