Татар теле дэресенә үзанализ.
план-конспект урока (4 класс)

Башлангыч сыйныф укытучысы Солтанова Гөлназ Дилшат кызының татар теле  дәресенә  үзанализы.

Тема: Асыл һәм нисби сыйфатлар.

Тематик план буенча  сыйфат сүз төркеменә 7 сәг. каралган, бу темага 1 сәгать бирелә .

Дәрес тибы: Яңа белемнәрне формалаштыру.

Дәреснен максатлары:

-асыл һәм нисби сыйфатларны аерырга өйрәтү; сыйфат, сыйфат дәрәҗәләре турында белемнәрне ныгыту; сүзлек байлыкларын арттыру, иҗади фикерләргә, белемне башкалар белән уртаклашырга өйрәтү; туган як табигатенә мәхәббәт тәрбияләү.

Дәресне структур яктан куелган максатларга туры китерерлек итеп оештырырга тырыштым. Укучылар дәрестә кызыксынып катнаштылар, бу – аларның актив булуларында чагылды.

Дәрестә парларда, индивидуаль һәм фронталь эш формалары оештырылды. Алар укучыларны актив эшчәнлеккә тартырга ярдәм иттеләр дип уйлыйм. Дәрес материалын фәнни дәрәҗәдә һәм максатка туры китерерлек итеп төзергә тырыштым. Тероретик материал практик күнегүләр белән ныгытылды. Экран белемнәрне кабатлау өчен, ә эш дәфтәрләре укучыларның белемнәрен ныгытырга һәм тикшерергә ярдәм итте.

Дәрес этапларына күчсәк, оештыру этабында дәрес яхшы кәеф белән башланып китте. Актуальләштерү өлешендә укучылар кроссенсны чишеп, сыйфат турында белгәннәрен искә төшерделәр. Тылсымчы язган хикәядән сыйфатларны табып алып,аларны дәрәҗәгә куеп була торган һәм дәрәҗәгә куеп булмый торган ике төркемгә бүлеп, яңа теманы ачтылар. Дәреслектәге күнегүләр ярдәмендә белемнәре ныгытылды. Тест биремнәре ярдәмендә укучыларның дәрес темасын үзләштерүләре тикшерелде һәм бәяләнде.

Минемчә, дәрес нәтиҗәле узды. Җиңелдән авырга барган катлаулыктагы күнегүләр материалны үзләштерергэ ярдәм иттеләр. Гомумән, куйган максатыма ирештем дип уйлыйм.Игътибарыгыз өчен зур рәхмәт!