Бәйрәмгә әзерләнү
материал (4 класс)

  Бәйрәмгә әзерләнү

                                                                            Садыкова Гөлсинә Минзариф кызы,

                                                                                          I нче квалификацион категорияле

                                                                                         туган тел һәм әдәбият укытучысы,

                                                                                         Алабуга муниципаль районы «1нче урта

                                                                                           гомуми белем бирү мәктәбе»

Чыршы бәйрәменә безнең

Килерләр дусларыбыз.

Җитез тиен, куркак куян,

Кыланчык сусарыбыз.

Соры бүре инде күптән

Матур тунын тектергән.

Ә хәйләкәр төлкебез

Итәкләрен кистергән.

Мәш киләләр әзерләнеп

Яңа ел бәйрәменә.

Ә аюның уенда  юк,

Йоклап ята өнендә.

Аю йоклый, уйламый да,

Бәйрәмдә юк һич гаме.

Ул бармагач, күңелсез бит,

Бәйрәмнең булмас яме.

Киңәшләшкәч, уйлый торгач,

Хәйләсен бит таптылар.

Чүлмәге белән балны

Аркасына астылар.

Уянды аю йокысыннан.

Бөтен дуслар шатлана.

Чыршы әйләнәсендә

Тиздән була тантана!