Монгол оньhон нааданууд
план-конспект занятия (2 класс)

Захааминай аймагай

Сагаан – Мориной дунда hургуули

Классһаа гадуур хэшээл

Темэ: Монгол оньһон нааданууд

Бэлдэгшэ: эхин hургуулиин багша

Гуржапова Д.В.

2021

Классһаа гадуур хэшээл

Темэ: Монгол оньһон нааданууд

Гол зорилго: монгол оньһон наадатай танилсалга.

Зорилгонууд:

1. монгол оньһон наада наадахадаа оюун ухаагаа хүдэлгэжэ, дүй дүршэлтэй болгохо.

2. Ухаан бодолоо түргэн гүйлгэжэ һураха.

3. Сэдьхэлдээ түрэһэн бодолоо хүгжөөхэ

4. монгол оньһон наада таажа шадаха дадал, шадабаритай болгохо

Хэшээлэй хэрэгсэлгэ: ноутбук, проектор, экран, саарһаар хэгдэһэн тэбхэрнүүд,  яһаар бүтээгдэһэн оньһон наадан.

1 этап Хэшээлэй ябаса:

Зай, үхибүүд мүнөөдэрэмнай хэшээл ехэ һонирхолтой, ямар бэ даа ондоогоор үнгэргэгдэхэ.

Самбар руу анхаралаа табиты. ( самбар дээрэ амитадай дүрсэнүүд харуулааатай).

Юун  харуулатай байнаб?  Юугээр хэгдэһэн байнаб?  

Зай, бэрхэт даа. Зүб саарһан тэбхэрнүүдээр бүтэлгээтэй амитадай дүрсэнүүд. 2 этап Мүнөөдэр монгол арадай  оньһон наадануудай нэгэнтэй танилсахабди. Оньhон наадамнай ородоор хэлэбэл – головоломка болоно.

Дэлхэй дээрэ монгол арад эгээ олон оньһон наадануудтай. Юундэб гэхэдэ, урда  сагһаа хойшоо нүүдэл байдалтай монголнууд иишэ тиишээ нүүхэдээ  һэеы гэрээ, үхэр малайнгаа дал, үбһөө хадагалдаг сарайнуудаа хуу абаад ябадаг байгаа. Тиимэһээ ондоо газарта ошоод, тэдэнээ  бушуу суглуулжа табихадаа, али үгышье һаа задалхадаа эгээ хүнгэн, бушуу аргыень олодог байгаа. Энээн дээрэһээ  монгол оньһон нааданууд дэлгэрһэн байна. Монголнууд үхибүүдээ балшар багаһаань оньһон нааданда һургадаг . Оньһон наада  үдэр бүри наадажа байбал, ухаан  бодол һонор, уян болоно, ухаагаа  түргэн гүйлгэжэ һурана.. Зай, иигээд наадая эхилэе.

3 этапТанай урда саарһаар хэгдэһэн  тэбхэрнүүд байна.  Хараад үзэгта даа, эдээгүүр юу хэжэ болохоб? Таанад юун гэжэ һананат?  Хэды тэбхэрнүүд

байнаб?(Үхибүүдэй харюу).

Зүб, эдэ тэбхэрнүүдээр элдэбын дүрсэнүүдые  суглуулжа болоно.  

4 этап Би  танда жэшээ харуулхам, таанад  эдэ тэбхэрнүүдээр өөһэдөө ямаршьеб даа дүрсэ суглуулжа туршагты. Эндэ амитадайшье дүрсэ байжа болохо, машинашье суглуулжа болоно.  Эгээ гол юумэнь хадаа хэн 11 хуби хуу оруулнаб тэрэ эгээ эрхим гэжэ тоологдоно. Хубинуудаа дээрэ дээрэһээнь дабхар табижа болохогүй.

Үхибүүд  суглуулжа шадана гүт? Хэн ямар амитаниие суглуулнаб? (Үхибүүдээ ядаралдабал багша бэлэн схемэ үгэнэ).

Иимэ оньһон наада наадахада һонирхолтой байба гү?

Муноо хэhэн ажалнуудаа асараад, самбарта  улгэгты.

5 этап Зай, мүнөө үшөө нэгэ монгол оньһон наадатай танилсая. Энэ оньһон наадамнай яһаар бүтээгдэһэн. би танда харуулжа үгэхэм, таанад өөһэдөө туршагты. Энэ хоер сахариг (кольцо)  хоер таладаа, аминдаа байна. Танай  зорилго нэгэ сахаригынь  нүгөө сахаригтайнь нэгэ болгохо.Эндэтнай һонор ухаан,  бэлиг хэрэгтэй. (описание)  

6 этап Рефлексия.

7 этап Гэрэй даабари . Энэ   наада  оньһыень олоод, наадажа һураха.