Укучылар иҗаты (укучылар иҗат иткән шигырьләр)
творческая работа учащихся (4 класс) на тему

Әбиләрдә кунакта.

 Каникулга чыккан саен

Барам мин әбиләргә,

Авылда ял итүләре

Рәхәтлек бирә безгә.

 Апам,сеңлем белән бергә

Күңелле соң ял итү,

Рәхәтләнеп ял иткәч

Читен була инде китү.

 Әби безне каршы ала

Тәмле ашлары белән,

Ә киткәндә озатып кала

Юл догалары белән.

Каникулның ял көннәре

Менә үтеп тә китте,

Авылдан өйгә кайтырга

Вакыт та килеп җитте.

4 нче сыйныф укучысы Абдуллин Рәдис Әсгать улы.

Тукайлы яз.

                                            Китап укырга яратам-

                                            Бик кызыклы бу шөгыль.

                                            Яз айларын көтеп алам:

                                           Күңелгә якын фасыл.

Тукай бабайны укыйм мин:

                                           Шигырьләрен ятладым.

Сәхнәбездә Былтыр булып,

                                           Шүрәлене алдадым.

                                           Укытучы апа безне

                                           Җырларга да өйрәтә.

                                           Әкиятләрен укытып,

                                           Тәртибемне төзәтә.

Песи.

Олы апам Чаллыдан

    Алып кайтты бер песи.

                                                 Ияләште ул өйгә

      Тышка чыкса, эт тешли.

Баш ватабыз без бергә,

                                                Каян табасы ия?

Берәүгә дә бирмәс идем,

                                              Апамда аллергия.

Көчекләр.

Безнең клуб янында

Үсә бик күп көчекләр.

 Карасы бар, агы бар,

Йомшак, мамык кебекләр.

Килә алар йөгерешеп,

Без килгәнне күрсәләр.

Шатланабыз, сөенәбез,

Безгә карап өрсәләр.

Ундүрт көчек бергәләшеп,

Һау-һау диеп өрәләр.

Ашарларына бирәсен

Әллә каян беләләр.

Алып кайтып, бәйләп куйсак,

Әллә кайда йөрмәсләр.

Алып кайтып ашатсак,

 Алар ачтан үлмәсләр.

Гасимов Фидәил Илсур улы, 4 класс