Яңа ел шигырьләре
творческая работа учащихся по чтению (2 класс) по теме

Яңа ел  шигырьләре

Чыршы   янында.

Купшы  тунын  киеп  чыршы

Бәйрәмгә килеп  җитәр.

Кыш  бабай  белән  җәнлекләр

Әзердер  инде,күптән.

Безнең  ничек  тырышканны

Алар килгәч күрәчәк.

Залга  килеп керү белән

Барысын  да  беләчәк.

Чыршыбызны  бизәрбез  без

Матур   мөһерләр  белән.

Яңа  елны  каршыларбыз

Якты  теләкләр  белән.        (Сабирова Адилә 2 класс)

Кыш  бабай  килгәндә.

Кыш бабай  юлга  чыкты ,

Зур-зур  капчыгын  асып.

Балалар  каршы  алды

Сөенешеп ,шатланып.

Берсен-берсе   уздырып

Алар  шигырь  сөйләде.

Кыш  бабай  бик сөенеп

Изге  теләк  теләде.

Бәхет  килсен  ишелеп,

Сәламәт  булсын  һәркем.

Гөрләп  үтсен  бәйрәмнәр,

Тыныч  яшәсен  халкым.   (Сабирова Диләрә, 2 класс)

Яңа  ел  теләкләре.

Кыш  бабайны  көтәбез  без,

Шигырләр  өйрәнәбез.

Яңа  елда  һәрберебез

Бәхеткә  төренәбез.

Бу  бәхет  булсын мәңгелек,

Гомерле  бәхет  булсын.

Яңа елдагы  теләкләр

Һәрвакыт  кабул  булсын.      (Сабирова Диләрә,2 класс)