Информацион технологияләр татар телендә
методическая разработка на тему

Информацион технологияләр татар телендә

• Заман алга барган саен, бүгенге уку-укыту процессында иң әһәмиятле урынны  заманча технологияләрнең берсе булган компьютер технологиясе алып тора.
• Технологик алгарыштагы һәр яңалыкка балалар сокланып карый, һәм, әлбәттә, аларның кызыксынучанлыгын һәм танып-белү активлыгын үз шәхесләренең максатчан үсешенә юнәлдерү мөһим.
• Туган тел дәресләрендә татар сайтларыннан куллану да искиткеч нәтиҗәләр бирә. Татар теленә өйрәтү сайтлары, андагы кызыклы мультимедиа, рәсемнәр, татар гәзит-журналлары сайты -  болар барысы да иҗади, бары тик алга гына омтыла торган  кызыксынучан укучылар өчен бик мөһим.
• Бүгенге көндә телебез информацион технологияләрнең теленә әйләнеп бара. Татарча клавиатуралар, шрифт бар. Компьютер ярдәмендә без татарча яза алабыз. Шулай ук генератив морфологиягә нигезләнгән  корректорлар да эшләнелгән. Татар җырчыларының, артистларының татарча сайтлары эшләп килә. Интернет битләрендә төрле темаларга туган телебездә басылган мәгълүматлар таба алабыз. Бу -  бик мөһим күрсәткеч.
• Безнең туган телебез – татар теле дә башка  телләрдән калышмыйча, интернет челтәрендә үзенең татар теле өйрәтү ресурсларын булдырды.
• “Татар иле” сайтында укучы ресурста телне өйрәнеп кенә калмый, ә татар дөньясы, аның мәдәнияте белән дә таныша.
• Бу сайтта күп кенә кызыклы бүлекләр бар, алардан “Төп бүлек”, “Аралашу”, “Татар теле”, “Каталог”,  “Энциклопедия”, “Китапханә”, “Даталар”, “Конгресс”, “Яңалыклар”, “Сораштыру”, “Аудиолар”, “Видеолар”, “Фотолар” дип исемләнгәннәре бар.
• “Ана теле” онлайн мәктәбе ярдәмендә бөтен дөнья халкы татар телендә сөйләшергә өйрәнә ала
• Укучылар өчен хәзерге информацион заманда татар матбугатының да интернет битләрендә булуы мөһим. Татар телендә берәр китап яки яңа басылып чыккан әсәрләрне уку өчен,  без татар гәҗит, журналлар сайтларына мөрәҗәгать итәбез.
•  “Салават күпере” татар әдәби-нәфис журналы - балалар өчен иң әйбәт журнал. Әлеге сайт яхшы гына үзебезнең туган телебездә эшләп килә. Сайт искиткеч  балачак атмосферасы тудырылып эшләнгән.
• Интернетта, яңа технологияләрдә татар теленең кулланылышы шатлыклы күренеш. Алар татар телендә аралашырга, татарча язарга, татарча укырга, татар телен чит тел буларак өйрәнергә ярдәм итәләр. Без туган телебездә эшләп килгән сайтлар күбрәк булсын дигән теләктә калабыз.