Урок марийского языка в 3 классе
план-конспект урока (3 класс) по теме

Сапаева   Регина   Фардеевна

Мензеля   район   Калтак   кыдалаш   школын   тÿҥалтыш   класс туныктышыжо

3   классыште    марий   йылме   урок – модыш   «Пиалан тат»

Тема: Лÿм мут нерген шинчымашым  иктешлымаш.

Цель: лÿм мут нерген шинчымашым пеҥгыдемдаш;

            арун да чаткан возымо навыкым вияҥдаш;

            йоча – влакым шинчымашым келгемдыше модыш дене модаш    

            кумылаҥдаш.

Оборудований: перфокарта – влак, «Лото» модыш гыч кубик – влак.

   Урокын  эртымыже

I. Тÿҥалтыш.

- Шогалына мотор ыштен. Икте весынам ончалына, икте – весыланна шыргыжалына, ынде сайын шинчына.

II.Урокын темыжым каласымаш.

 -Урокым таче изиш вес тÿрлын, «Пиалан тат» модыш семын эртарена.Мотор возаш, чын вашмутым пуаш тыршена.3 команда вашлиялтеш. Мемнан задачына – сеҥыше командым палемдаш.

III.Арун возымо паша.

  -Каласыза, могай буква омашла коеш?

 Ик корно изи л буквам, вес корнеш кугу Л буквам возена.

IV. Модыш «Пиалан тат».

 1 гейм. Умбакыже, умбакыже.

 Кажне командылан туштым туштем, вашмутым возеда. Чын вашмутлан очко пуалтеш.

*Телым ошо, кеҥежым сур.  (мераҥ)

*Чондымо чонаным шортара.  (шоган)

*Вич изак-шоляк эре пырля коштыт. (парня)

-Нине мутла мо дене икгай улыт, а мо дене ойыртемалтыт? (йодышышт икгай,  но тÿрлым ончыктат).

 2 гейм. Шем имне.

 Мемнан геройна шкеж нерген теве мом каласен кертеш:

Мый – ойлымаш ужаш, число да падеж дене вашталтам.Мый пеш кÿлешан ойлымаш ужаш улам. Тÿнямбалне шукертсек илем. Предмет – влаклан лÿмым пуэм. Могай ойлымаш ужаш нерген тыге ойлаш лиеш?

 Урокнан темыже «Лÿм мут нерген шинчымашым иктешлымаш». Цельже – лÿм мут нерген чыла шинчымынам ушештараш.

 «Шем имне» модшо – влаклан йодышым пуа.Иканаште 3 командыланат пуалтеш.Кö чын да вашке вашешта, очком налеш.

1.Мо тугай лÿм мут?

2.Могай ойлымаш ужаш – влакым паледа?

3.Пиалан тат могай ойлымаш ужаш лиеш?

4.Лÿм мут кузе вашталтеш?

5.Лÿм мутын единственный але множественный числаште шогымыжым  кушеч палаш лиеш?

6.Единственный числаште шогышо лÿм мутым множественный числаш шынден возыза. .(Заданий кажне командылан посна пуалтеш)

коча                       пуш                                     школ

ручка                      ушкал                                 мече

тунемше               машина                              книга

7.Падеж дене лÿм мутын могай ужашыже вашталтеш?

8.Марий йылмыште мыняр падеж уло?

9.Падеж лÿмым да йодышыжым каласыза.

V.3 гейм.  Аҥыртарыше кубик – влак.

Кажныда поче – поче цифран кубикым луктеш. Тудын номерже – заданийын номерже лиеш. Те вашмутым пуэда. Тушечын «10», «11» номерже – влак – Пиалан тат. Кöлан тиде номер логалеш – «5» оценка шындалтеш.

1.Пуалтме лÿм мутым падеж дене вашталте:   пире

2.Пуалтме лÿм мутым падеж дене вашталте:   школ

3.Пуалтме лÿм мутым падеж дене вашталте:   ава

4.Лÿм мутын падеж ден числожым палемде.  лышташ,школеш, йоча - влаклан

5.Лÿм мутын падеж ден числожым палемде.  Клубеш,йоча – шамыч школышто

6.Лÿм мутын падеж ден числожым палемде.  Машина,комбым, пöртын

7. Единственный числаште шогышо лÿм мутын мут мучашыжым палемде.

Р.п.                                                                Д.п.

книга…                                                          пасу…

тунемш…                                                     рвезе…

ава…                                                             школ…

8. Предложений – влакыште лÿм мутым муаш да число ден падежшым палемдаш.

Мый шочмо ялемым йöратем.  Насекомый – влак шудым кочкыт.

9. Предложений – влакыште лÿм мутым муаш да число ден падежшым палемдаш.

Мый школышто тунемам. Пырыс колям куча. Пий чот опта.

VI. 4 гейм. Ончылно кайышым поктымаш.

Кажне командылан мутым ойлем, падежшым палемдыза.

йочалан                            книган                                      ÿстел

пöртыштö                       школышто                             пудалан

ача                                     йоча – шамыч                        шудым

шудын                              садлан                                     кочан

шудо – влак                    кайыкым                                 школеш

VII.Иктешлымаш

-Мо нерген шинчымашым иктешлышна?

-Урок келшыш мо?

-Молан келшыш?

Сеҥыше  командым  пöлеклымаш.

VIII. Мöҥгö паша

 Карточка  почеш паша, пуалтме  мут – влакым падеж дене вашталте:

рвезе, пöрт.