"Исемнэрнен килеш белэн торлэнеше"
план-конспект урока (4 класс) по теме

Тема: Исемнәрнең килеш белән төрләнеше.

Максат:1.Исемнең сүз төркеме турындагы төшенчәләрне искә төшерү.

              2.Телдән һәм язма күнекмәләр белән ныгыту,исемнең килеш        

                 кушымчаларын,килешләрен  таба белергә өйрәнү.

              3.Игътибарлыкларын үстерү.

Җиһазлау: карточкалар,слайдлар,дәреслек Ф.Ф.Харисов – Татар теле - Рус телендә белем бирүче дүртьеллык башлангыч мәктәпнең 4 нче сыйныфы өчен дәреслек

( татар балалары өчен), Казан “ Мәгариф”,2009

Дәрес барышы.

I.Оештыру өлеше.

Уңай психологик халәт тудыру.

        Дәресне галимебез Риза Фәхретдиннең “Нәсыйхәт” китабыннан алынган дәрестә дөрес утыру,эшләү кагыйдәләре белән танышудан башлыйсы килә.(1 слайд)

1. Үз урыныңда авышмыйча дөрес итеп утыр.
2. Дәрескә күңел сал.
3. Сораган сүзне дөрес аңлап, ачык тавыш белән җавап бир.
4. Укытучының һәр сүзен мәхәббәт белән үтә.

II. Белемнәрен актуальләштерү.

       1.Игътибарлылык күнегүе.

    Карточкалар белән эш.Парсыз хәрефне табып сүз төзе.(исем)

1 нче бирем: һәр юлдан парсыз хәрефне тап һәм сүз төзе.

        2.Исем нәрсә ул? Исем турында нәрсәләр беләбез? (2 слайд)

           Таблица ачыла.

        3.Карточкалар белән эш.Исемнәрне берлек һәм күплек санга куеп язу.

2 нче бирем. Исемнәрне ике баганага аерып яз: имән, җырлар, сарырак, алмагач,

чишмәләр, урамнар, укыйлар, ачы, китап,рәсемнәр,бала,алмалар,уенчык.

     4.Татар телендә ничә килеш бар?(Килешләрне искә төшерү һәм таблицаны ачу),(3 слайд).

        Димәк бүгенге дәреснең темасы: Исемнәрнең  .илеш белән төрләнеше.

Теманы язганда нинди хата җибәрелгән?( к хәрефе)

III. Матур язу күнегүе.(к – парлы, саңгырау тартык,калын һәм нечкә әйтелештә)

              К    к      Кк

              килеш      кеше      ком

IV. Төп өлеш.

      1.Сүзләрне килешләр белән төрләндерү:

               1в. бабай,көрәк

                2в. әти,урындык ( 4 слайд). 2 җөмлә төзеп язарга.

          Нәтиҗә:Калын әйтелешле исемнәргә-калын,нечкә әйтелешле исемнәргә- нечкә кушымчалар ялгана.

       2. Кагыйдә 48 бит.

       3. 116 нчы күнегү.Җөмләләрдән дәфтәр сүзен язып алырга һәм килешләрен билгеләргә.

V.Физ/минут.

VI.Ныгыту.

       1. Җөмләләрдә килеш кушымчаларын кую.( 5 слайд)

        2.Тест” Сүз төркеме исем.” (6 слайд)

       3.Фонетик анализ.Перфокарта.

VII.Өй эше: 117 нче күнегү.Тиешле кушымчаларны өстәп,җөмләләрне күчереп язу.

       Дәресне йомгаклау.Нәтиҗә ясау.