План работы ШМО учителей начальных классов МБОУ "Кайбицкая ООШ Буинского муниципальног района РТ"
календарно-тематическое планирование на тему

2016-2017 нче уку елына Кайбыч гомуми белем  мәктәбенең башлангыч сыйныф укытучыларының методик берләшмә планы

Методик тема:

Белем алу һәм үзүсешне дәвам итәргә этәргеч бирүче танып-белү мотивациясе формалаштыру.

Максат:

Укучы шәхесенең иҗади үсешен тәэмин итү.

Бурычлар:

1.Укытучының белем бирү һәм методик осталык дәрәҗәсен күтәрү.

2. Сыйфатын һәм нәтиҗәлелеген күтәрү максатыннан заманча дәрес үткәрү юлларын тагын да нигезле өйрәнү, инновацион технологияләрдән актив файдалану.

3. Ныклы исәпләү күнекмәләре формалаштыру һәм логик фикерләүне үстерү максатыннан эшнең төрле форма һәм методларын куллануны камилләштерү; орфографик сизгерлекне, уку техникасын үстерү өстендә эшне камилләштерүгә булышлык итү.

4.Укыту-тәрбия процессында укучыларның физик сәламәтлекләрен ныгыту өстендә эшләү.

5. Халык традицияләренә нигезләнгән бәйрәм һәм дәресләр аша укучыларга әхлак тәрбиясе бирү.

6. Сәләтле балалар белән эшне максатчан оештыру.

7.Үзләштерү дәрәҗәсе төрле булган укучыларга педагогик ярдәм күрсәтү.

8 . Укыту-тәрбия эшендә милли- региональ материаллардан файдалану.

I нче утырыш (август)

Тема: 2016-2017 нче уку елына эш планын раслау. Яңа уку елына бурычлар.

Көн тәртибе:

1.Узган уку елындагы методик эшкә йомгак ясау.

2. Башлангыч сыйныф укытучылары методик берләшмәсе алдында торган бурычлар.

3. Дәреслекләр һәм методик ярдәмлекләрне барлау.

4. Электрон журнал тутыруга, балаларның көндәлекләрен, дәфтәрләрен алып баруга бердәм таләпләр.

5. Эш программаларын карау.

Утырышлар арасындагы эш:

1.Кабинетларда эш, дидактик материаллар эшләү.

2. Тәрбия планнарын төзү.

3. Ата-аналар җыелышын үткәрү.

4. Контроль эшләр үткәрү.

5. Үзара дәресләргә керү.

6. Эш программаларына төзәтмәләр кертү.

Традицион чаралар:

“ Белем бәйрәме”,”Укытучылар көне”,”Уңыш бәйрәме”,  “Өлкәннәр көне”н билгеләп үтү, көзге табигатькә экскурсия.

II нче утырыш (ноябрь)

Тема: Предметара бәйләнешләр нигезендә кече яшьтәге балаларда экологик культура формалаштыру.

Көн тәртибе:

1.«Дәрестә һәм класстан тыш чараларда предметара бәйләнешләрдән файдалану» темасына доклад(Шарафутдинова Г.И.)

2.«Укучыларда экологик  культура формалаштыру» дигән темага фикер алышу.

3. Башлангыч сыйныфлар атналыгын планлаштыру.

4. 1 нче сыйныф укучыларның адаптация чоры. (Хамидуллина  М.М..)

 Утырышлар арасындагы эш:

1. I яртыеллык өчен контроль эшләр һәм тестлар.

2. I яртыеллык өчен уку күнекмәләрен тикшерү.

3. Укытучыларның ачык дәресләре.

4. Ата- аналар җыелышы уздыру.

5. Интерактив такта белән эшләү күнекмәләре булдыру өстендә эш.

Традицион чаралар:

1.“Әниләр көне”  бәйрәме, “Яңа ел “ бәйрәме, “Юл йөрү кагыйдәләрен  беләсезме?” темасына класстан тыш чара.

Ш нче утырыш (январь)

Тема: Математика дәресләрендә укучыларның исәпләү күнекмәләрен камилләштерү.

Көн тәртибе:

1.”Сәләтле балалар белән эшләү”  темасы буенча доклад. (Музаффарова Р.М..)

2. “Түгәрәк өстәл”:”Математика дәресләрендә укучыларның исәпләү күнекмәләрен камилләштерү”:

 а) укытучының математика дәресенә әзерләнүе (һәр укытучы),

 б) телдән исәпләүне оештыру алымнары,

 в) математика дәресендә укучыларның мөстәкыйль эшен оештыру,

 3. Педагогик әдәбият яңалыклары.

 4. Олимпиадаларга әзерлек .

Утырышлар арасындагы эш:

1 Укытучыларның үзбелемнәрен күтәрүләре.

2. Контроль эшләр үткәрү һәм анализ.

3. Үзара дәресләргә керү.

4. Башлангыч сыйныфлар атналыгы үткәрү.

5. Интерактив такта белән эшләү күнекмәләре булдыру өстендә эш.

Традицион чаралар:

“Ягез әле, егетләр!” бәйрәме, ”Күңелле стартлар”,  “Китап сөючеләр”.

IV нче утырыш (март)

Тема: Укыту процессында укучыларның логик фикерләү сәләтләрен үстерү.

Көн тәртибе:

1.“Грамоталы язуны камилләштерү” доклад(Хамидуллина М.М.)

2. I- IV класс укучыларының  орфографик хаталарын кисәтү алымнары.

3. Күчереп язу алымнары.

4. Рус теле дәресләрендә сүзлек эше.

5. Дәресләрдә логик фикерләүне үстерү турында.

Утырышлар арасында эш:

 1. Интерактив такта белән эшләү күнекмәләре булдыру өстендә эш.

 2. Ата-аналар җыелышы.

 3. Фәннәр буенча олимпиада.

Традицион чаралар:

Гаилә бәйрәмнәре, “Кошлар - безнең дуслар”, “Сәламәтлек көне”.

V нче утырыш (май)

Тема: Методик берләшмә эшенә анализ

Көн тәртибе:

1. Контроль эш нәтиҗәләре.
2. Укытучылар һәм укучылар катнашкан конкурслар. Олимпиада нәтиҗәләре.
3. 2016-2017 нче уку елына МБ эшчәнлегенә анализ. Алдагы уку елына бурычлар.

 Утырышлар арасында эш:

1. Еллык контроль эшләр

2. Укучыларның уку күнекмәләрен тикшерү

3. Ата-аналар җыелышы үткәрү.

Традицион чаралар:

“Җиңү бәйрәме”, “Соңгы кыңгырау” бәйрәмнәре, табигатькә экскурсия.

Балалар бакчасы һәм башлангыч мәктәп арасында дәвамчылык булдыруда методик берләшмәнең эш планы

2016 -2017 нче уку елы