Башлангыч сыйныфта математикадан дәрес эшкәртмәсе. 4 сыйныф.Тема.Зурлыклар.Километр - озынлык үлчәү берәмлеге.
методическая разработка по математике (4 класс) на тему

Нургалиева Раушания Мирхәтим кызы

Баулы районы Татар Кандызы урта мәктәбе

башлангыч сыйныф укытучысы

4нче сыйныфта математика дәресе

Тема. Зурлыклар. Километр- озынлык үлчәү берәмлеге.

Максат.1.Балаларны яңа озынлык үлчәү берәмлеге- километр белән  

                 таныштытру, тормышта бу берәмлекнең  кулланышы.

              2.Күбурынлы саннарны яза, укый, чагыштыра белү күнекмәләрен

              ныгыту.Өйрәнгән озынлык үлчәү берәмлекләрен кабатлау.

              3.Логик фикерләүне үстерү.

Җиһазлау.таякчыклар, шырпы коробкасы, метрлык, рулетка,линейкалар,

                   карандаш, туп,  төсле ленталар,компьютер(слайдлар)

Дәрес барышы.

I.Оештыру өлеше.Дәрескә әзерлек.Дәреснең максаты.

II.Телдән исәпләү.

     1.Тапкырлау таблицасын  тикшерү.( “мин - сиңа, син-миңа” туп белән уен)

     2.”Тапкырлар һәм зирәкләр” уены.

      - Хәзер балалар сезнең тапкырлыгызны тикшереп китәрбез.Иң зирәге кем    икән?   

     а) Сезнең каршыда әкияттән күренеш.Бу нинди әкият? (“Шалкан”, слайд карау)

     Бабай, әби, онык, эт, песи, тычкан шалканны тартып чыгарганнар. Бу шалканны

       ничә пар күз күргән?   (6 пар күз)  

    б) 6 бәрәңге 30 минутта пешә. Бер бәрәңге ничә минутта пешәр? (30мин)

    (слайд карау)

    в) дүрт таякчык ярдәмендә 15 санын язарга.( XV)

    (дәфтәрләрне ачабыз, число , сыйныф эше)

  III. Күбурынлы саннарның укылышын, язылышын  ныгыту.

1. Бирелгән мисалларны эшләү һәм тикшерү.(слайд)

 370 х 10=                          42050 х 10=

 6400 : 100=                       462000 : 100=

 8400 х 10=                        630 х 100=

 81000 :1000=                    50010 : 10=

2.Бирелгән саннарны үсә бару тәртибендә яз. ( слайдтан карау, тикшерү)

1533, 1433, 1333, 1633, 1733, 1233.

 IV. Яңа теманы аңлату.

       - Менә сезнең каршыда шырпы коробкасы. Аның калынлыгын ничек

       үлчәрбез?(линейка белән, мм)

      - Карандаш озынлыгын ничек үлчәрбез?(линейка белән,см)

      - Тәрәзә төбен ничек үлчәрбез?(метрлык белән)

      ( Метрлыкларны күрсәтү)

      - Бүлмә озынлыгын үлчәгәндә уңайлы булган озынлык үлчәү берәмлеге

      нинди? (метр, рулетка куллану)

     - Урамга чыгып юлны үлчәсәк нинди үлчәү берәмлеге кулланырбыз?(километр)

   Бүген  без яңа озынлык үлчәү берәмлеге километр белән танышырбыз.(дәреслектәге рәсемне һәм теманы күрсәтү)

Иң кечкенә озынлык үлчәү берәмлеге нинди булды? (мм)

Аңардан зуррагы? (см)

1см ничә мм? (линейканы күрсәтү)

См дан зуррак үлчәү берәмлеген атагыз? (дм)

1 дм ничә см ? (линейканы күрсәтү)

Дм дан зуррак үлчәү берәмлеге ?(метр)

1 м да ничәсм бар? Ничә дм булыр?

Метрдан да зуррак үлчәү берәмлеген әйтегез? (км)

1 км  1000м га тигез булыр.

Таблицаны уку һәм күчереп язу.(слайд)

V.Ныгыту.

Практик эш. Бирелгән  ленталарны үлчәү.

                       Зәңгәр лента- 12 см.Ничә дм , ничә см?

                       Сары  лента – 10 см. Ничә дм?

                       Яшел лента – 5 см . Ничә мм?

Дәреслек белән эшләү.

                        № 150 ( дәфтәргә сызу)

Юнәлешләр. Километрлар белән юлларны үлчиләр булды. Ә юлда бик күп машиналар йөри. Алар төрле юнәлештә йөриләр. Мәсьәләләр чишкәнче менә шул юнәлешләргә күз салыйк әле. (слайдлар карау)

Мәсьәләләр чишү. (слайд карау) №153.

                        Ике автобус кара каршы килә.Берсе 160 м, икенчесе 140 м

                        ара үткән. Аралары 1км булган.Хәзер алар арасындагы ераклык

                        күпме булыр? Ике төрле үлчәү берәмлеге. Бер исемгә

                        китерәбез. 1км= 1000 м. 1000 – 160 - 140= 700м

                        ( 2 нче слайд) Аралары 1км булган ике тукталыштан  капма-

                        каршы юнәлештә ике автобус кузгала. Берсе 160 м, икенчесе  

                        140 м юл китә. Алар арасындагы ераклыкны табыгыз?

                        Арадагы ераклык арта.160+ 140 =300 м   1000м + 300м=1300м

                       1 км 300м

Кабатлау. Дәрестә нинди үлчәү берәмлеге турында сөйләдек?

                    Күмәк эш. №170

VI. Йомгаклау. Билгеләр кую.  Өй эшен язу. № 154(яз), 37 бит , озынлык үлчәү берәмлекләрен белергә.  (слайдның соңгы битенә басу)