«ПОЙ, АДЫГЕЯ МОЯ!»
план-конспект занятия (подготовительная группа) по теме

ГБОУ ДО РА, для участия в республиканском творческом конкурсе « Овеянные славою флаг наш и герб» в номинации сценарии праздников, конкурсов, викторин, классных часов.

СЦЕНАРИЙ ПРАЗДНИКА, ПОСВЯЩЁННЫЙ ДНЮ РЕСПУБЛИКИ АДЫГЕЯ, для старших и подготовительных групп на двух языках.

«ПОЙ, АДЫГЕЯ МОЯ!»

Автор сценария воспитатель подготовительной группы

МБДОУ № 9 Кудайнетова Анисет Хазретовна

Контактный телефон – 8-928-474-73-21

Г. Майкоп, 2015 год.

Ведущий (воспитатель):

 Шъуимафэ ш1у, тихьак1э лъап1эхэр!

Шъуимафэ ш1у, ныбджэгъу к1асэхэр!

Ведущий  (ребёнок): Добрый день, дорогие гости! С праздником, дорогие друзья! Сегодня мы отмечаем дорогой и светлый праздник – день рождения Республики Адыгея! Сегодня исполняется 23 года со дня провозглашения нашей республики.

Ведущий (воспитатель): Адыгея зыт1ок1э къыубытрэр бэ. Ащ ич1ыгу мафэ къэси зеушъомбгъу, идэхагъи хэхъо зэпыт. Тэ тич1ыгоу тызыщыпсэурэм тызэреджэщтыгъэр Адыгэ Автономнэ область, ау чъэпыогъум и 5-м 1991-рэ илъэсым щегъэжьагъэу Адыгэ Республикэ тыхъугъ. Ти Республикэ чэщи мафи нахь дахэ мэхъу,ипсыхъо чъэрхэм  заушъомбгъу, имэзы дахэхэр нахь к1ыры мэхъух. Тиреспубликэ идэхагъэ нэр п1апехы.

1-й ребёнок:

Адыгея – Родина моя!

Уголок страны привольной нашей.

Глянешь вся в цвету твоя земля,

Кажется, что нет на свете краше.

2-й ребёнок:

Тихъэгъэгу к1асэу тигупсэр.

Адыгэ ч1ыгушъ терэ1!

Зы бын унагъоу лъэпкъыбэр,

Щызэгуры1оу щэрэ1!

«ДАХЭ СИДУНАЙ». Гущы1эхэр зыер Мэщбэш1э И., орэдышъор зыер Натхъо ДЖ.

Ведущий (воспитатель): Мыекъуапэ – Республикэ Адыгеем икъэлэ шъхьа1. Ар Кавказскэ хребетым итемыр лъэныкъок1э щыт, исэмэбгъук1э псыхъоу Шъхьэгуащэ речъэк1ы. Мыекъуапэ икрепость загъэуцугъэр жъоныгъуак1эм и 8-м 1870-м. Ащ  щегъэжьагъэу Мыекъуапэ къалэ хъугъэ.

Тикъэлэ дахэу Мыекъуапэ фэгъэхьыгъэу, Яхъул1э Сэфэр ытхъыгъэ усэм к1элэц1ык1ухэр къытфеджэщт.

Ведущий (ребёнок):

«ТИКЪЭЛЭ ДАХ»

О тикъэлэ дахэу, хэкум икъэлашъхъэ,

О сигупсэ дэдэу, къалэу Мыекъуап.

О уисад бырабэхэр  жьыбгъэм дэ1ушъашъэх,

Уипсыхъо Шъхьагуащэ хэкум идэхак1.

Тыдэ зыдгъэзагъэми тэ тыгу имык1рэр

Хэкум икъэлашъхьэу, къалэу Мыекъуап.

Ведущий (воспитатель): Прекрасен наш город Майкоп в своей утренней заре, как и песня А. Апанасова «Зори Майкопа». Хореографическая группа нашего сада «Ожерелье». Встречайте!

Звучит песня «ЗОРИ МАЙКОПА» в исполнении А. Апанасова, танцует группа мальчиков и девочек.

Ведущий (воспитатель): У адыгов в старину было много прекрасных обычаев, которые своей красочностью могли бы и сейчас доставлять людям огромное эстетическое удовольствие.

К сожалению, в современном мире народ потерял много праздничных обычаев, и это обстоятельство диктует необходимость бережного отношения к старинным традициям.

Именно поэтому со своими воспитанниками мы проводим различные мероприятия, где обыгрываем старинные обряды, посвящённые: рождению ребёнка, укладыванию ребёнка в колыбель («кушъэхапх»), первому шагу ребёнка («лъэтегъэуцу»), свадьбе («нысащ»). Эти праздники сопровождаются определёнными ритуалами, играми, песнями и танцами.

Дорогие гости, сегодня, в продолжении нашего праздника мы хотели бы показать вам обряд привоза невесты и последующие празднества («джэгу»).

К1элэц1ык1ухэр  зэрэгъэкуохэу щагум къыдэлъэдэжьых, нысэр къэзэращагъэар къэбарэу къафахьы.

Сабыйхэр: Къэсыжьыгъэх! Къэсыжьыгъэх! Нысэр къащэ!

Хьатияк1ор апэ итэу  нысэр  пчэгум къыращэ,  шэк1 данэм  къырэк1о, ахъчэ жъгъэйхэр тыратакъо, къогъум къуагъэуцо.  Шъоур 1уац1алэ.  Хъохъухэр къа1ох.

Зезыщэрэр: Тхъум фэдэу ишэн шъабэу, шъоум фэдэу ыбзэ 1эш1оу. Лъэпэ мафэ къыридзэнэу тыфэлъа1о.

Ащ  ыужым хьатияк1ом гущы1эр ештэ.

Хъатыяк1ор: Непэ Цэймэ нысэ къафащагъ! Непэ ахэмэ яхъяр! Янысащ! О Мардж! Ини, ц1ык1уи Цеймэ яхъяр пае шъугуш1у, шъучэф, шъукъашъу. Шъукъеблагъ Цеймэ яхъяр!

Ащ ыужым т1эк1урэ къэшъох. Нысэм 1ахьылхэм нэ1уасэ зыфаш1ы.

Зезыщэрэр: Мыхэр уипщыпхъух: Мариетрэ  Фат1имэтрэ. Мыхэр уипхъорэлъфых.

Ахэмэ хъохъухэр къа1ох.

1-рэ сабыир: Нысэ мафэ ухъунэу.

2-р сабыир: Унэгъо к1ыхьэ ухъунэу.

3-рэ сабыир: Лъэпэ мафэ къибдзэнэу.

4-рэ сабыир: Къобын – шъэбын ухъунэу тыпфэлъа1о.

Тэк1урэ хьатияк1ом къегъашъох. Ащ ыужым къе1о.

Хъатияк1ор: Джы тиджэгу лъэтэгъэк1уатэ. К1элэджэгухэр едгъажьэмэ тш1оигъу. Тик1алэмэ л1ыгъэу ахэлъыр тыуплъэк1ущт. Апэрэ джэгук1эм ыц1эр «шыу». Ят1онэрэм «к1апсэзэпэкъудый».

К1элэджэгумэ ауж хъатияк1ом джэгур зэрылъыгъэк1уатэрэ къе1о,  тэк1урэ къегъашъох.

Хъатияк1ор: Непэ Цеймэ яхъяр агъэдахэмэ аш1оигъоу орэды1о купэу «АЩЭМЭЗ»  къеблэгъагъ. Ахэмэ къытфа1ощт «САУСЫРЫКЪО ИОРЭД» Шъукъеблагъ.

Орэды1о купыр пчэгум къехьэш орэдыр къа1о.

Хъатияк1ор: Джэгур джы къэшъон зэнэкъокъухэмк1э  лъэтэгъэк1уатэ. Анахь дахэу къашъорэм ш1ухьафтынэу дэжъые быракъыр фэдгъэшъошэщт. Шъукъашъу! шъучэф! Къегъа1у, пщынаор!

Хьатияк1ом къегъашъох. Нахь дахэу къэшъуагъэр къыхахы. К1алэмрэ, пшъашъэмрэ дэжъые быракъыр а1ыгъэу пчэгум джыри зэ къыщагъэшъожьых. Ащ ыужым нысэр ныомэ ахащэ .

1-рэ сабыир ( ныор): Тфу-тфу машалахь!

2-рэ сабыир ( ныор)Тфу-тфу, сурэтым фэд!

3-рэ сабыир ( ныор): Тфу-тфу, тинысэр дахэдэд!

Унагъо исхэу, насыпыш1о хъугъэ бзылфыгъэхэм дышъэ 1уданэр шъхъатехъом хащызэ нысэм хъохъухэр къыфа1ох.

1-рэ сабыир (бзылъфыгъэр):  Унэгъо дахэ уи1энэу.

2-рэ сабыир  (бзылъфыгъэр): Унэгъо к1ыхьэ ухъунэу.

3-рэ сабыир (бзылъфыгъэр): Лъэпкъыр бгъэбэгъонэу.

4-рэ сабыир (бзылъфыгъэр): Къобын-шъэбын  уихъухьанэу.

5-рэ сабыир (бзылъфыгъэр): Насыпыш1о ухъунэу.

6-рэ сабыир (бзылъъфыгъэр): Лъэпэ мафэ къибдзэнэу.

7-рэ сабыир (бзылфыгъэр): Илъэсыбэ къызэдэжъугъэш1энэу  тыпфэлъа1о.

Пчыхьэ джэгур лъагъэк1уатэ. Т1эк1урэ къэшъуагъэхэу, нысэр пчэгум  къыращэ. Джэгуак1ом  хьак1эмэ  къаре1о.

Хъатияк1ор:  Дахэ зы1он зыш1оигъор пчэгум къетэгъэблагъэ.

Ц1ыфэу, Цэймэ яхъяр къек1ол1агъэхэр, хъатияк1ом ахъчэ къыратызэ тхъа елъэ1ух, хъохъухэр къа1ох. Ахъчэу Цеймэ яхъяр къыхэк1ыгъэр, пщынаом раты.

Нысэр ращэжьынэу зыращажьэк1э ныом   лъапэр ы1ыгъэу  ежьэжьы.

Хъатияк1ор: О Мардж! Гъогу къешъут, ныор ежьэжьыгъ!

Ныом ащ дэжьым куорэ къе1о.

Ныор:  О-уии-у. Сырафыжьэжьыгъ. Скъом икъожьым  къыщагъэм  сыригъэсыжьырэп. Егъаш1эм сызщып1уагъэу, сызщылэжьэгъэ  унэм ч1ып1э щыси1эжьэп. Нысэу къащагъэм унэм сыригъэсыжьырэп. Мары къыстефэжьыгъэр.

Ар ы1озэ, лъапэр къегъэлъагъо.

Гуащэр (к1алэм янэ): Къэгъэзэжь, тигуащэ!

Нысак1эр: Зэк1эми унэм тызэдифэщт!

Ныор: Къэзгъэзэжьыщтэп! Оры зэк1э къысэзыш1агъэр!

Къэблачъэм  зэрынэсыгъэм  тетэу  лъапэр къахедзэ, к1элак1эмэ ар зэтырахы. Ныоу ежьэжьыгъэм ыпэ итэу нысак1эр к1ыбк1э зэк1эк1о,шъхьащэ къыфиш1ызэ  къелъэ1у. Ащ дэжьым нысак1эм ытыщ къик1ыгъэ  к1элит1ур ныом къыпэгъок1хэшъ, къагъэуцужьы. К1алэм яз къе1о.

К1алэр:  Типхъу изек1уак1э тшъоемык1оу тыкъэк1уагъ. Егъаш1эм узщып1уагъэу, узщылэжьагъэ унэм, бгъэзэжьмэ тш1оигъоу тыкъолъэ1у. Емык1у къытфэмыш1.

Ныор  к1элит1ум яз къек1уал1эшъ унэм рехьажьы.

Хъатияк1ор: Нысэм изек1уак1э, и1ахъылмэ,  ашъоемык1оу, ныом гъусэ къыфэхъух, къырагъэгъэзэжьы, унэм ращэжьыгъ. Ныом шъуашэ къыфахьыгъ, къащэфыжьыгъ. Ащ  ыуж  нысэр илэгъунэ ращэжьыгъ.

Удж хъураек1э джэгур зэфаш1ыжьы. Ащ ыуж джэгум къек1ол1агъэхэр ахьак1энхэу рагъэблагъэх.