«Уяв сценарийĕ» Аслă ушкăн ачисене ăс-тăн парас уçлăхпа хатĕрленĕ Сурхурипе Раштав уявĕсене пĕрле ирттернĕ конспект.
план-конспект занятия (старшая группа)

ЧĂВАШ РЕСПУБЛИКИНЧИ КАНАШ РАЙОНĚН

«УХМАНТИ ХУТĂШЛА ЙЫШШИ «ПИЛЕШ» АЧА САЧĔ» МУНИЦИПАЛИТЕТĂН ШКУЛ УМĔНХИ ВĔРЕНŸ БЮДЖЕТ УЧРЕЖДЕНИЙĔ

«Уяв сценарийĕ»

Аслă ушкăн ачисене ăс-тăн парас уçлăхпа хатĕрленĕ Сурхурипе Раштав уявĕсене пĕрле ирттернĕ конспект.

Сценарин авторĕ:

Иванова Надежда Георгиевна,

Канаш районĕн Ухманти «Пилеш» ача сачĕн воспитателĕ.

Телефон: 89278605222

e-mail: uhman2012@mail.ru

Ухман сали – 2021

1. Вĕрентӳ тĕллевĕсем.

Ачасене нумай çул каялла (ĕлĕк) тата хальхи вăхăтра чăваш халăхĕ паллă тăвакан Сурхури, Раштав уявĕсемпе паллаштарасси.

Сурхури уявĕнче чăвашсем Çĕнĕ çул çитнине паллă тунине ăнлантарасси. Кăрлачăн 7-мĕшĕнче эпир пирĕн Турăн Иисус Христосăн çуралнă кунне, Раштав уявне, паллă тунине пĕлтересси. Çак уявсене ăнланма пулăшасси. Ачасене пĕрле калаçса, выляса хутшăнма хăнăхтарасси.

2. Аталану тĕллевĕсем.

Ачасене чăвашла шӳтлĕ юрă-сăвăсем (колядкăсем) юрлама вĕрентесси. Çавăн пекех ачасемпе килĕрен киле çӳресе, юрласа, ăшаланă пăрçа, тулă сапса çĕнĕ çул ячĕпе саламлама чăваш йăлипе вĕрентесси. Ачасенче килнĕ хăнасене тараватлăн кĕтсе илме пĕлнине аталантарасси. Çавăн пекех хăнасене тутлă апат-çимĕç парса ярса ăсатса яма вĕрентесси. Ачасене шӳтлĕ юрă-сăвăсене ăнланма хăнăхтарасси.

3. Воспитани тĕллевĕсем

Ачасене малалла та чăваш халăхĕн йăли-йĕркипе, уявĕсемпе паллаштарасси. Ачасене эпир чăваш ачисем пулнине, чăвашла калаçнине, юрланине, чăваш халăхĕн уявĕсене паллă тунине ăнланма пулăшасси. Тăван чĕлхене юратма, хамăр чăваш пулнăшăн савăнма вĕрентесси. Тата ачасене чăвашла таса, ирĕклĕн калаçма хăнăхтарасси.

4. Кирлĕ хатĕрсем.

Капăр чăрăш, çĕр хăвăлĕн макечĕ, Раштав ячĕпе икона, улăм, теттесем – ĕне, сурăхсем, качакасем, йывăçран тунă сырăш, сырăш çинче пукане выртать, ăщаланă пăрçа, тулă, 3 турилкке, кукăль-çимĕç, конфет, укçа, пĕремĕк, мăйăр, пĕр татăк хура çăкăр, хулпуççи çине çакмалли хутаç, картон-хутран хатĕрленĕ виçĕ пӳрт, хĕвел маски, асамлă хутаç, тĕрлĕ професси çыннисене ӳкернĕ карточкăсем, картон хутран касса кăларнă çăлтăрсем, виçĕ пукан.

5. Материалсемпе оборудовани

Проектор, флешка, ноутбук, колонкăсем.

6. Ачасемпе ирттернĕ ĕçсем

Ачасемпе вылянă, ташăсем ташланă, чăвашла ваттисен сăмахĕсене вĕреннĕ, чăвашла шӳтлĕ юрă-сăвăсем (колядкăсем) вĕреннĕ.

7. Воспитатель ирттернĕ ĕçсем

Ачасемпе калаçусем ирттернĕ, кĕнекесем курнă.

8. Малтан туса ирттернĕ ĕçсем

Кĕвĕ залне уява ирттерме япаласем хатĕрленĕ, илемлетнĕ.

9. Словарь ĕçĕ

Раштав, Сурхури.

Усă курнă литература.

– « Воспитание здорового ребенка на традициях чувашского народа» И.В. Махалова, стр. 228.

– «Çăлкуç» «Родник» Хрестоматия, стр. 62.

– «Ачасене шкулччен вĕрентмелли тĕслĕх программа» Т.В. Артемьева, С.Г. Михайлова, стр. 21.

Илемлĕ кĕвĕ илтĕнет. Ачасемпе (музыка) кĕвĕ залне кĕретпĕр. Зал варринче капăр чăрăш ларать. Чăрăш çумнерех, пĕр енне, урайне улăм сарнă. Çак улăм сарнă вырăнта çĕр хăвăлĕн (вите) макетне Раштав уявĕ ячĕпе туса хунă. Çакăнтах Раштав ячĕне икона та пур. Улăм çинче, сырăшра, шурă  пирпе чĕркенĕ пукане выртать. Тата теттесем – ĕне, сурăхсем, качакасем улăм çинче выртаççĕ.

Чăрăш айккинче, стена çумĕнче, маларах картон-хутран хатĕрлесе лартнă виçĕ пысăк пӳрт ларать. Пӳртсем хушши – 1,5 метр пулать. Кашни пӳрт çумне пĕчĕк пукан лартнă. Икĕ пуканĕ çине турилккепе тутлă апат-çимĕç хатĕрлесе хунă. Виççĕмĕш пӳрт çумĕнчи пукан çинчи туриллкене – пĕр татăк хура çăкăр хунă.

Ачасене мультфильм кăтартма проектор хатĕрленĕ.

Воспитатель: Сывлăх сунатăп сире пурне те – килнĕ хăнасем, ачасем.

Ачасем: Сывлăх сунатăпăр

Воспитатель: Ачасем, калăр-ха мана тархасшăн, çутçанталăкăн мĕнле вăхăчĕ-ха халĕ урамра?

Ачасем: Хĕлле.

Воспитатель: Тĕрĕс каларăр. Хĕлле.

Воспитатель: Ачасем, килĕштеретĕр-и-ха эсир хĕллене?

Ачасем: Килĕштеретпĕр.

Воспитатель: Мĕншĕн-ха эсир хĕллехи вăхăта юрататăр?

Ачасем: Мĕншĕн тесен эпир хĕлле анчах пĕр-пĕрне юр чăмаккисемпе пемелле вылятпăр, йĕлтĕрпе, конькипе ярăнатпăр. Тата çунашкасемпе те тăвайккинчен ярăнатпăр. Юртан тĕрлĕрен кĕлеткесем йăвалатпăр. Воспитатель: Маттур ачасем. Чăнах та эсир хĕллене питĕ килĕштерни сисĕнет.

Воспитатель: Паян эпир яланах хĕлле пулакан Сурхури ятлă чăваш уявне паллă тума пуçтарăнтăмăр. Сурхури уявĕнче чăвашсем Çĕнĕ çул çитнине паллă тăваççĕ.

Воспитатель: Атьăр-ха пĕрле калатпăр. Сурхури.

Ачасем: Сурхури.

Воспитатель: Сурхурипе пĕрле эпир «Рождество» - «Раштав» уявне те паллă тăватпăр. Сурхури уявĕ – Рождество «Раштав» уявĕпе пĕр вăхăтра килет. Рождество – тесе вырăсла калатпăр. Чăвашла – Раштав тетпĕр.

Воспитатель: Ачасем. Атьăр пĕрле калатпăр. Рождество – Ращтав.

Ачасем: Рождество – Раштав.

Воспитатель: Раштавра ялан ешĕл чăрăш лартаççĕ. Пирĕн те залра мĕнле капăр, илемлĕ чăрăш. Ачасем. Капăр чăрăш хăйĕн çинчен юрă юрланине питĕ юратать. Сирĕн ăна юрă юрласа парса савăнтарас килмест-и?

Ачасем: Савăнтарас килет.

Воспитатель ёлка çине пăхса калать: Илемлĕ чăрăш, итле хăвăн çинчен юрă юрланине.

Юрă                 «Ай-да ёлочка хороша, хороша

                                Ай-да ёлочка в гости к нам пришла»…

Воспитатель: Маттурсем. Чăрăша эпир юрлани питĕ килĕшрĕ. Хăй сăмах Рождество – Раштав родился, такам çуралнă тенине пĕлтерет. Кăрлачăн 7-мĕшĕнче эпир пирĕн Турăн Иисус Христосăн çуралнă кунне паллă турăмăр. Çак уяв çинчен эпĕ сире мультфильм курма сĕнетĕп (4 минут). Ачасем. Сирен курас килет-и?

Ачасем: курас килет.

Раштав çинчен ачасем мультфильм проекторпа кураççĕ. Курса пĕтерсен. Килĕшрĕ-и сире ачасем мультфильм?

Ачасем: Килĕшрĕ.

Воспитатель: Халĕ эсир пĕлтĕр ĕнтĕ, эпир çĕнĕ çул ёлки хыççăн мĕнле уяв паллă тунине.

Воспитатель: Ачасем. Мультфильм çинче эпир Турă витере, çĕр хăвăлĕнче, çуралнине куратпăр. Пăхăр-ха ачасем. Эсир ёлка айĕнче, çĕр хăвăлĕн макетне куратпăр. Çакăнтах Раштав ячĕпе икона та пур. Калăр-ха мана тархасшăн ачасем, мĕнле чĕрчунсене куратăр-ха эсир витере?

Ачасем: Ĕне, сурăхсем, качакасем.

Воспитатель: Питĕ тĕрĕс калатăр.

Воспитатель: Эпир икона çинче Турă Амăшĕ Мария пĕчĕк ачана чĕркесе сырăш çине хунине куратпăр. Пирĕн те кунта, мультфильм çинчи пекех, сырăш çинче шурă пирпе чĕркенĕ пĕчĕк ача выртать.

Воспитатель: Эпир тата сирĕнпе Турă Иисус Христос витере çурални çинчен юрă та пĕлетпĕр. Килнĕ хăнасен питĕ çак юрăна итлес килет. Юрласа кăтартатпăр-и?

Ачасем: Юрлатпăр.

Юрă                   «Овечки, коровки, склоня свои головки

                        Приятно удивились, что гости к ним явились…»

Воспитатель: Маттур ачасем. Пурне те питĕ килĕшрĕ эсир юрлани. Иисус Христос Турă пире ялан курса тăрать. Çынсене йывăрлăхран сыхлать. Эпир лайăх ĕçсем тунăшăн – Иисус Христос савăнать. Эпир начар ĕçсем тусассăн – хурланать. Çавăнпа та пирĕн ачасем, яланах ырă ĕçсем тумалла.

Пирĕн Турă Иисус Христос çуралсан, пĕлĕтри çăлтăрсем те питĕ савăннă. Пирĕн капăр чăрăш çинче те, чи çӳлте, çăлтăр йăлкăшать. Тата эпир ачасем çăлтăрсемпе ташлама пĕлетпĕр.

Ташă – çăлтăрсемпе (Ачасем алăна маларах хатĕрлесе хунă çăлтăрсене тытаççĕ).

Воспитатель: Ачасем. Эпĕ маларах каларăм ĕнтĕ, Сурхурипе Раштав уявĕсем яланах пĕрле килеççĕ тесе. Сурхури уявĕнче чăвашсем Çĕнĕ Çул çитнине паллă тăваççĕ. Сурхури ячĕпе саламлатăп тени – сана Çĕнĕ Çул ячĕпе саламлатăп тенĕ пекех шутланать. Сурхури уявĕ ячĕпе пĕтĕм çынсем пĕр-пĕрне саламлаççĕ. Кил хуçи хĕрарăмĕсем тутлă апат-çимĕç пĕçерсе хатĕрлеççĕ. Сирĕн пек ачасем тата пысăкраххисем, килтен киле çӳресе çынсене уяв ячĕпе саламлаççĕ. Аслисем те, ачасем те саламлаççççĕ пĕр-пĕрне ахаль сăмахсемпе анчах мар, ятарласа хывнă шӳтлĕ юрă-сăвăсемпе. Çак шӳтлĕ юрă-сăвăсене – колядки теççĕ. Атьăр-ха пĕрле калатпăр. Колядки.

Ачасем: Колядки.

Воспитатель: Нумай-нумай çул каялла, ĕлĕк тетпĕр, юрлакан çынсем кашни киле кĕрсессĕн, урайне яланах ăшаланă пăрçа тата тырă-тулă сапнă. Мĕншĕн-ха тулă сапнă?

Ачасем: Мĕншĕн тесен, тулăна авăртса çăнăх тăваççĕ. Çăнăхран чуста хурса çăкăр пĕçереççĕ.

Воспитатель:Тĕрĕс каларăр.  Çăкăр вăл çынсемшĕн мĕн ĕлĕк-авантанпах чи хаклă çимелли апат-çимĕç шутланать.

Воспитатель:Мĕнле ваттисен сăмахĕсене пĕлетĕр-ха эсир çăкăр çинчен?

Ачасем: Çăкăртан асли çук.

- Питне çумасăр çăкăр ан тыт .

Воспитатель:Маттурсем,питĕ тĕрĕс каларăр!

Воспитатель: Килте пурăнакансем юрлакансене хаваспах кĕтсе илнĕ. Вĕсене кукăль-çимĕç, конфет, укçа, пĕремĕк, мăйăр тата яланах ăшаланă пăрçа пĕр ачи хулпуççи çине хутаç ăшне яраса панă. Хăшпĕр  килте тутлă çимеллисем памасан, е килĕнчи çынсем хыткукар пулсан, юрлакансем вĕсене питлесе, кулса, шӳтлĕ, кӳренмелле мар сăвă-юрă юрланă.

Пирĕн ачасем те колядкăсем пĕлеççĕ. Николаева Василиса каласа парасшĕн.

                                Помогаю маме я

                                Колядую до утра

                                Пожалейте деточку

                                Дайте мне конфеточку.

Воспитатель: Маттур, Василиса.

Воспитатель: Халĕ Молофеева Оля колядка каласа парасшĕн.

                                Коляда, коляда

                                А бывает коляда

                                На кануне Рождества

                                Коляда пришла

                                Рождество принесла.

Воспитатель: Маттур, Оля.

Воспитатель: Ачасем. Атьăр юлташсене, тантăшсене пĕрле пуçтарăнма чĕнер. Çитнĕ Сурхури ячĕпе килĕрен-киле саламласа çӳрер.

Ачасем: çӳрер, çӳрер.

Пĕрле ачасем калаççĕ: Сурхури! Сурхури!

                                       Çитрĕ кĕтнĕ сурхури!

                                       Сурхури çитнĕ, куртăр-и?

                                       Хирĕç тухса илтĕр-и?

                                       Хапха уçса хутăр-и?

                                       Атьăр, тухăр, ачасем,

                                       Урам тăрăх кайăтпăр,

                                       Килĕрен киле çӳрĕпĕр,

                                       Салат-хăмла пухăпăр,

                                       Кукăль-çимĕç пухăпăр

                                       Сурхури. ĕçки тăвăпăр!

                                       Сурхури тĕк сурхури,

                                       Чаплă пултăр сурхури!

                                       Кĕркури те Варвари,

                                       Сурхурине пыратри?

                                       Пырассине пыратпăр,

                                       Кĕмĕл нухрат партри?

Воспитатель: Атьăр. Кайрăмăр ачачем. Çынсене Çĕнĕ Çул ячĕпе саламлăпăр. Килĕрен киле çӳрĕпĕр. Кукăль-çимĕç пухăпăр.

Кашни пӳрт патĕнче пĕрер ача турилккепе кукăль-çимĕç тытса тăрать. Вĕсем кил хуçисем пулаççĕ.

Илмелĕ кĕвĕ илтĕнет. Ачасемпе ирĕклĕн, алăсене пĕр-пĕринпе тытмасăр ёлка тавра юрласа çаврăнатпăр

                                        Сурхури! Сурхури!

                                        Çитнĕ кĕтнĕ Сурхури!

Чăрăш айккинче, стена çумĕнче, маларах картон-хутран хатĕрлесе латрнă пĕрремĕш пӳрт патне пыратпăр. Пӳрт çумĕнче пĕр ача аллинче турилккепе конфет, печени тытса тăрать.

Воспитатель ачасемпе пĕрле кантăкран шаккать.

- Тук-тук-тук

Килте пур-и?

Ача: Пур. Пур.

Пирĕн кĕме юрать-и?

Ача: Юрать, юрать. Иртĕр. Вăтанса ан тăрăр.

Ачасем пĕрле калаççĕ: Çĕнĕ Çул ячĕпе, Сурхури ячĕпе сире саламлама килтĕмĕр.

Ача: Тавтапуç саламланăшăн.

Ачасем юрлаççĕ:  Пурте килĕр васкаса

                                Кил умĕнче коляда

                                Алăксене уçăр

                                Конфетсем валеçĕр

                                Сире сывлăх сунатпăр

                                Конфетсене илетпĕр.

Пӳрт çумĕнчи пĕр ача (çак ачах) турилкке çинчи конфет, печенине юрлакансенчен пĕри хулпуççи çине çакнă хутаç ăшне ярса парать.

Ачасем, Воспитатель: Виçĕ тĕслĕ выльăх-чĕрлĕх

                                      Хутаçлă пăрçа пек хунавлă пултăр.

                 (Ачасем урайне ăшаланă пăрçа, тулă сапаççĕ)

      Пĕр вĕçĕ шыв патĕнче пултăр,

      Тепĕр вĕçĕ картара пултăр!

                                                           И.В. Махалова «Воспитание

                                                           Здорового ребенка на традициях

                                                           Чувашского народа» стр. 228.

Ачасем пĕрле: Тавтапуç.

Воспитатель: Халĕ тепĕр киле кайăпăр.

Илемлĕ кĕвĕ илтĕнет. Ачасемпе илемлĕ чăрăш тавра утса çаврăнатпăр (алăсене пĕр-пĕринпе тытмасăр, хăйсем тĕллĕн, ирĕклĕн). Чăрăш айккинче, стена çумĕнче лартнă иккĕмĕш пӳрт патне пыратпăр. Пӳрт çумĕнче иккĕмĕш ача аллинче турилккепе сушка, кукăль-çимĕç, мăйăр, укçа тытса тăрса кĕтсе илет.

Воспитатель ачасемпе пĕрле кантăкран шаккать

- Тук – тук – тук

  Килте пур-и?

Ача турилккене тытса тăраканни: Пур. Пур.

Ачасем: Пирĕн кĕме юрать-и?

Ача: Юрать. Юрать. Иртĕр. Килти пекех пулăр.

Ачасем пĕрле калаççĕ: Сурхури ячĕпе, Çĕнĕ Çул ячĕпе сире саламлама килтĕмĕр!

Ача: Тавтапуç пире хисеп туса килнĕшĕн.

Воспитатель ачасемпе пĕрле юрлаççĕ:

                                Пире укçа парăр

                                Пире конфет парăр

                                Эпир начар тумастпăр

                                Сире ырă сунатпăр

                                Парне памасăр ан юлăр.

Пӳрт çумĕнчи иккĕмĕш ача аллинче тытакан турилккере мĕн пуррине (сушка, кукăль-çимĕç, мăйăр, укçа) юрлакансенчен пĕри çакса килнĕ хутаç ăшне ярса парать.

Ачасем:                 Виçĕ тĕслĕ выльăх-чĕрлĕх

                                Шӳтернĕ пăрçа пек мăнтăр пултăр

                (Ачасем урайне ăшаланă пăрçа, тулă сапаççĕ)

                                Пĕр вĕçĕ шыв патĕнче пултăр,

                                Тепĕр вĕçĕ картара пултăр!

                                                           И.В. Махалова «Воспитание

                                                           Здорового ребенка на традициях

                                                           Чувашского народа» стр. 228.

Ачасем: Тавтапуç кил хуçсисене (тесе каласа тухса каяççĕ).

Воспитатель: Халĕ тепĕр киле кайпăр.

Илемлĕ кĕвĕ илтĕнет. Ачасемпе илемлĕ чăрăш тавра ирĕклĕн утса çаврăнатпăр. Чăрăш айккинче, стена çумĕнче, маларах картон-хутран хатĕрлесе лартнă виççĕмĕш пӳрт патне пыратпăр. Пӳрт çумĕнче виççĕмĕш ача аллинче пĕр татăк хура çăкăр хунă турилккепе тăрать.

Воспитатель ачасемпе пĕрле кантăкран шаккать.

          - Тук – тук – тук

    Килте пур-и?

Ача: Пур. Пур.

 - Пирĕн кĕме юрать-и?

Ача пӳрт çумĕнче тăраканни: Юрать. Юрать. Иртĕр малалла.

Ачасем пĕрле калаççĕ: Сурхури ячĕпе, Çĕнĕ Çул ячĕпе сире саламлама килтĕмĕр.

Ача: Тавтапуç.

Кил хуçи хытă пирки ачасем питлесе-кулса юрлаççĕ:

                                Çакă хытă кил хуçин

                                Ырашĕ ăнса пултăр.

                                Пучахĕ пушă пултăр.

                                Улăмĕ çăра пултăр.

Пӳрт çумĕнчи виççĕмĕш ача турилккери хура çăкăра юрлакансенчен пĕри çакса килнĕ хутаç ăшне ярса парать.

Ачасем:                 Виçĕ тĕслĕ выльăх-чĕрлĕх

                                Ӑшаланă пăрçа пек хăрăк пултăр.

                                Пĕр вĕçĕ шыв патĕнче пултăр,

                                Тепĕр вĕçĕ картара пултăр.

                (Ачасем урайне ăшаланă пăрçа, тулă сапаççĕ)

Ачасем: Тавтапуç кил-хуçине – (тесе каласа тухса каяççĕ)

Воспитатель: Маттур ачасем. Сурхури, Çĕнĕ Çул ячĕпе саламласа тухрăмăр. Кукăль-çимĕç пухрăмăр. Хутаçри тутлă çимĕçсене кăшт каярах çийĕпĕр.

Воспитатель: Ачасем. Эпĕ каласа хăварнăччĕ ĕнтĕ çăкăр е хăпарту çынсемшĕн чи хаклă апат-çимĕç тесе. Эсир ачасем хăпарту, çăкăра хисеплесе вăйă пĕлетĕр-и? Сирĕн выляс килмест-и?

Ачасем: Выляс килет.

Воспитатель: Атьăр-ха алăсене хытă тытса, пысăк çаврака çăкăр форми евĕр тăватпăр.

                                Сурхури уявĕпе  

                                Пĕçертĕмĕр хăпарту  (алăсене тытса утатпăр)

                                Çакăн пек пысăкскер  (алăсене çӳлелле çĕклетпĕр)

                                Çакăн пек пĕчĕкскер  (ларатпăр)

                                Çакăн пек тутлăскер  (çавракана кĕретпĕр)

                                Çакăн пек çавраскер  (тухатпăр)

                                Хăпарту, хăпарту

                                Кам килĕшет кăмăл ту.  (алă çупатпăр)

                                                Хрестомати. Çăлкуç. Родник. Стр. 62

Воспитатель: Маттур ачасем. Сурхури уявĕнче çынсен тĕрлĕрен маскăсем тăхăнас йăла пур. Çак  маскăсене тăхăнса выляма юратаççĕ. Эпир те паян тĕрлĕрен маскăсем тăхăнтăмăр. Ачасем. Эсир выляма юрататăр-и-ха?

Ачасем: Юрататпăр.

Воспитатель:         Сарă ача, сар ача

                                Тух-ха урама

Ачасем:                 Мĕн тума?

                                Мĕн тума?

Воспитатель: Вăйă выляма.

Ачасене пуçа тăхăнмалли хĕвел маскине кăтартатăп.

Воспитатель: Ачасем. Пăхăр-ха. Пирĕнпе Сурхури уявне уявлама мĕн кĕнĕ-ха?

Ачасем:Хĕвел.

Воспитатель:Хĕвел савăннипе енчен енне сиксе ташлать. ( Маскăна ташланă пек силлесе кăтартап). Сирĕнпе унăн питĕ выляс килет курăнать. Ачасем, сирĕн те хĕвелпе выляс килет-и?

Ачасем: Выляс килет

Воспитатель:. Вăйă йĕркипе хĕвеле чĕнмелли сăмахсене аса илер-ха:

Пурте пĕрле:                 Çутат Хĕвел, вăйлăрах

                                        Çулла пулĕ шăрăхрах,

                                        Хĕл кунĕсем ăшăрах,

                                        Çурхи кунсем çутăрах.

                                                           И.В. Махалова «Воспитание

                                                           Здорового ребенка на традициях

                                                           Чувашского народа» стр102.

Воспитатель: Хĕвел «Вĕри» тет те ачасене хăвалама пуçлать.

Ачасене выляма илемлĕ кĕвĕ яратăп. Выляса пĕтерсен ачасене ларма сĕнетĕп.

Воспитатель: Ачасем. Пăхăр-ха. Пирĕн капăр чăрăш айне (ачасене çӳлелле çĕклесе кăтартатăп). Хĕл Мучи сире валли асамлă хутаç хăварнă. Пĕлес килет-и сирĕн, мĕн-ши унта?

Ачасем: Пĕлес килет.

Воспитатель: Пăхăр-ха ăна. Уçатăп. Вăйă пытанса ларнă иккен хутаç ăшĕнче. Вăйă ячĕ «Ӱссен эсĕ кам пулан?» Ачасем. Сирĕн выляс килет-и? Пĕлес килет-и сирĕн ӳссен кам пулассине?

Ачасем: Пĕлес килет.

Воспитатель: Сирĕн хутаçран пĕр карточкăна илмелле. Мĕнле професси çыннине карточка çинче эсир куратăр, ӳссен эсир çавă пулатăр. Илемлĕ кĕвĕ илтĕнет. Ларакан кашни ача патне пыратăп. Вĕсем хутаçа алăна чиксе ярса карточка кăлараççĕ. Черетпе кашни ача хăйĕн профессине тăрса кăтартса калать. Выляса пĕтерсен.

Воспитатель: Маттур ачасем. Мĕн пĕлтĕмĕр-ха эпир вăйă выляса?

Ачасем: Уссен кам пулассине.

Воспитатель: Ачасем. Пирĕн чăрăш питĕ илемлĕ, капăр. Чăрăш тăрринче çăлтăр мĕнле хитре йăлтăртатать. Хăйĕн çинчен пире юрă юрлама чĕнет.

                          Юрă                  «Яркая звёздочка на небе горит

                                        Детям у ёлочки мама говорит…»

Воспитатель: Ачасем. Çакăнпа пирĕн уяв вĕçленсе пырать. Мĕнле уявсене паллă турăмăр-ха эпир паян?

Ачасем: Сурхури, Раштав уявĕсене паллă турăмăр. Пирĕн Турă Иисус Христос çурални çинчен мультфильм куртăмăр.

Воспитатель: Тĕрĕс каларăр. Тата эпир ташларăмăр, юрларăмăр. Чăваш йăлипе çынсене Çĕнĕ Çул ячĕпе саламларăмăр. Кукăль-çимĕç пухрăмăр. Халĕ пурте пĕрле группăра пуçтарнă тутлă апат- çимĕçсене çийĕпĕр, чей ĕçĕпĕр.

Çакăнпа эпир сирĕнпе сывпуллашатпăр. Чипер юлăр. Тепре тĕл пуличчен.