Оҕо ситимнээх саҥатын сайыннарыыга олоҥхо урамньытын туһаныы
проект (старшая, подготовительная группа) по теме

                  Төрөөбүт ийэ тылы иҥэриигэ, кини өлбөт мэҥэ уутун курдук киһиэхэ илгэлээх, күүстээх дьайыыны оҥорор кыаҕын арыйыыга олоҥхо тыла толору эппиэттиир.

                  Тыл кэрэтэ, күүһэ, имэҥэ, илбиһэ олоҕу уус-ураннык дьүһүйэн киһи барахсан кулгааҕын арыйан, хараҕын көрдөрөн Үс дойду улаҕатынан урбачытар. Тыл сүдү күүһэ – түҥ былыргыттан норуот өйүн-санаатын мындырын түмэн                 сылдьарыгар. Күндү баай – өй-санаа баайа – олоҥхо тыыннаах тылыгар.

                   Оҕону олоҥхону истэ-сэргии, толоро үөрэттэххэ тылын саппааһа байар.      

                   Толлон турбакка баҕатын, санаатын этэр. Дойдутунан, дьонунан-сэргэтинэн киэн туттар. Атын омук ортотугар саханы саха дэтэргэ олук уурар

                  “Биһик” детсадка оҕоҕо  олоҥхону билиһиннэрии “Утум” тосхолунан (Т.Ильинова) сүбэтинэн-аматынан ситиһиилээхтик барар. Оҕо олоҥхону ылыныытыгар сүрүн дьарыгар оонньууга тирэҕирэн ыытар тоҕоостооҕун бэлиэтээтибит.

                    Ол курдук олоҥхону урамньы оонньуутун көрүҥнэрин туһанан оҕо олоҥхо уус-номоҕо уран тылын ылынан өйдүүрүгэр, тылы чуолкайдык саҥарарыгар туһаныы көдьүүстээҕин үлэ хаамыыта көрдөрдө. Олоҥхо уустук тылын                                       суолтатын ылыннаран өйдөтүүгэ оҕо дьарыгын дьүөрэлээн ыыталлара оҕо тыла сайдыытыгар туһалаах.

                    Ол курдук, олоҥхо олугун остуол урамньытынан көрдөрүү, ырытыы, сэһэргэһии, олоҥхо олугун оонньотон көрдөрүу, хамсанан-имсэнэн, сирэйи-хараҕы уларытан герой иэйиитин, уйулҕатын туругун оонньоон көрдөрүү, олуктаах         түгэннэри быһаартарыы, уруһуйдатыы, эти-сиини сынньатыы барыта олоҥхо олуктарынан барар.

                    Олоҥхо урамньытын үлэтигэр оҕо, иитээччи эрэ кыттыбат, төрөппүттэр кыттыылара эмиэ улахан суолталаах буолар. Олонхо тематыгар деловой оонньууларга, кулуубнай үлэ араас көрүҥэр, мастер-кылаастарга, сандалы тула                    сэһэргэһиилэргэ, педмастерскойдарга уо.д.а. тэрээһиннэргэ кытталлар. Оҕолорун кытта олонхо олугуттан быһа тардыыны оонньоон көрдөрөллөр. Төрөппүттэр олонхо урамньытын эйгэтэ хаҥыырыгар көмөлөһөллөр.

                Биһик детсадка оҕо тылын-өһүн чочуйууга, быһыытын-майгытын тупсарыыга оруннаах үлэ түмүгэ көстөр .

                Бу маннык хайысхалаах үлэ  түмүгүнэн оҕо тылын баайа хаҥыыр, өйө-санаата, быһыыта-майгыта кэрэ эйгэҕэ тардыһыыта тупсар, күүһүрэр.