Цикл развивающих игр по УМК с использованием информационно – коммуникативных технологий «Уйнап үсә сабыйлар» авторская разработка
методическая разработка по развитию речи (старшая, подготовительная группа) по теме

Уеннар циклының максаты:

Балаларның сүзлек запасын баету.

Бурычлар:

1.Тәрбия бурычы: Балаларда мѳстәкыйльлек, эшчәнлеккә карата кызыксыну, башлаган эшне ахырына кадәр җиткерергә теләктәрбияләү.

2.Үстерү бурычы:Балаларны сорауларга тѳгәл һәм тулы җавап бирүләрен камилләштерү.

3.Белем бирү бурычы: Темалар буенча алган белемнәрен тирәнәйтү, сүзлек запасын ныгыту.

Домино «Яшелчә – җимешләр» - «Овощи – фрукты»

     «Уйный – уйный үсәбез» проектына

Максат: Рәсемнәрен бер- берсенә туры китереп чират буенча карточкаларны кую, яшелчә – җимешләрнең исемнәрен татар телендә дѳрес итеп әйтүне камилләштерү. Дусларча мѳнәсәбәт тәрбияләү.

Җиһазлау: Ике кисәккә буленгән, тема буенча рәсемнар тѳшерелгән карточкалар.

Уен барышы: Уенда 5-6 бала катнаша. Балаларга карточкалар таратыла.  Алар чират буенча рәсемнәрен туры китереп карточкаларны бер – бер артлы куялар.Кулында кирәкле рәсем булмаган бала йѳрешне үткәреп җибәрә. Карточкалары алдан беткән бала җиңүче була.

Домино «Савыт – сабалар» - «Посуда»

     «Уйный – уйный үсәбез» проектына

Максат: Рәсемнәрен бер- берсенә туры китереп чират буенча карточкаларны кую, савыт - сабаларның  исемнәрен татар телендә дѳрес итеп әйтүне камилләштерү. Дусларча мѳнәсәбәт тәрбияләү.

Җиһазлау: Ике кисәккә буленгән, тема буенча рәсемнар тѳшерелгән карточкалар.

Уен барышы: Уенда 5-6 бала катнаша. Балаларга карточкалар таратыла.  Алар чират буенча рәсемнәрен туры китереп карточкаларны бер- бер артлы  куялар.Кулында кирәкле рәсем булмаган бала йѳрешне үткәреп җибәрә. Карточкалары алдан беткән бала җиңүче була.

Домино «Киемнәр» - «Одежда»

     «Уйный – уйный үсәбез» проектына

Уенны интерактив тактада да оештырырга була.

Максат: Рәсемнәрен бер- берсенә туры китереп чират буенча карточкаларны кую, киемнәрнең  исемнәрен татар телендә дѳрес итеп әйтүне камилләштерү. Дусларча мѳнәсәбәт тәрбияләү.

Җиһазлау: Ике кисәккә буленгән, тема буенча рәсемнәр тѳшерелгән карточкалар.

Уен барышы:Уенда 5-6 бала катнаша. Балаларга карточкалар таратыла.  Алар чират буенча рәсемнәрен туры китереп карточкаларныбер – бер артлы куялар.Кулында кирәкле рәсем булмаган бала йѳрешне үткәреп җибәрә. Карточкалары алдан беткән бала җиңүче була.

Дидактик уен «Курчакны киендер» - «Одень куклу»

«Уйный – уйный үсәбез» проектына

Уенны интерактив тактада да оештырырга була.

Максат: Күлмәк, чалбар сүзләрен кабатлау. Исеменә, тѳсенә туры китереп киемне сайлап алу күнекмәләрен ныгыту. Сакчыл караш тәрбияләү

 Җиһазлау:Картоннан киселгән кыз һәм малай курчаклар; тѳрле тѳстәге кием комплектлары.

Уен барышы: 1вариант: Балаларга кыз һәм малай  рәсем курчаклар таратыла. Бирем буенча исеменә, тѳсенә туры китереп киемне сайлап алып рәсем курчакны киендерергә.

2 вариант:Курчакны тѳрле тѳстәге киемнәргә киендерергә (зәңгәр күлмәк, кызыл чалбар һ.б.).

Дидактик уен «Ѳйдә кем яши?» - «Кто в доме живет?»

«Минем ѳем» проектына.

Уенны интерактив тактада да оештырырга була.

Максат: Әти, әни, әби, бабай, малай, кыз сүзләрен,  «кил монда»  сѳйләм үрнәген ныгыту. Ѳлкәннәргә хѳрмәтләү хисе тәрбияләү.

Җиһазлау: Ѳй макеты, гаилә әгъзалары рәсемнәре.

Уен барышы: Уенда 4-5 бала катнаша. 1вариант: Балаларга ѳй рәсеме тәкъдим ителә. «Ѳйдә кем яши?» дигән сорауга әни( әти, әби, бабай, малай, кыз) рәсемнәрен табып күрсәтәләр.

2 вариант: «Әни ( әти, әби, бабай, кыз, малай), кил монда» дигән тәкъдимгә туры килгән гаилә әгъзасын  ѳйгә урнаштыру.

Дидактик уен «Нәрсә артык?» - «Что лишнее?»

«Уйный – уйный үсәбез проекты.

Уенны интерактив тактада да оештырырга була.

Максат: Бирелгән группадан артык рәсемне сайлап исемен дѳрес әйтүдә күнектерү. Игътибарлылык тәрбияләү.

Җиһазлау: Дүртәр итеп тѳркемләнгән рәсемнәр (киемнәр, савыт – сабалар, йорт җиһазлары темалары буенча)

Уен барышы:Балаларга 4 рәсем ясалган карточкалар бирелә. Бер рәсем  бирелгән  тѳркемгә туры килми.  Рәсемнәрнең исемнәрен атау,тѳркемгә туры килмәгән рәсемне билгеләү.

Лото «Уенчыклар» -«Игрушки»

«Минем ѳем» проектына.

Максат: Уенчыкларның исемнәрен атау. Алып баручы күрсәткән рәсемне үз карточкасына туры китереп, сайлап алу күнекмәләрен булдыру. Игътибарлылык тәрбияләү, хәтер сәләтен үстерү.

Җиһазлау: Рәсемнәр ясалган карточкалар, таратма рәсемнәр.

 Уен барышы: Балаларга 6  уенчыклар  рәсеме тѳшерелгән карточкалар таратыла. Алып баручы күрсәткән рәсемне бала  үз карточкасына  туры китереп  рәсем  ѳстенә  куя.  Карточкасы  алдан капланып беткән бала җиңүче  була.

Лото « Гаилә» - «Семья»

«Минем ѳем» проектына.

Максат: Гаилә әгъзаларының исемнәрен атау. Алып баручы күрсәткән рәсемне үз карточкасына туры китереп, сайлап алу күнекмәләрен булдыру. Игътибарлылык тәрбияләү, хәтер сәләтен үстерү.

Җиһазлау: Рәсемнәр ясалган карточкалар, таратма рәсемнәр.

Уен барышы: Балаларга 6 гаилә әгъзаләре тѳшерелгән карточкалар таратыла. Алып баручы күрсәткән рәсемне бала  үз карточкасына  туры китереп, исемен әйтеп    сурәт ѳстенә  куя.  Карточкасы  алдан капланып беткән бала җиңүче  була.

Дидактик уен «Әнигә булыш» - «Помоги маме»

«Без инде хәзер зурлар – мәктәпкә илтә юллар»

Максат: Аш, салат, компот әзерләгәндә кулланыла торган яшелчә, җимешләрнең исемнәрен дѳрес итеп атау. Бирелгән ( аш, салат, компот) тѳркемнәргә дѳрес сайлый белү  күнекмәләре булдыру. Ѳлкәннәргә карата хѳрмәт хисе тәрбияләү.

Җиһазлау: Картоннан ясалган кәстрүл, тәлинкә, яшелчә, җимеш рәсемнәре.

Уен барышы: Балаларга тәлинкә, кәстрүл рәсемнәре бирелә. Бирелгән рәсемнәр арасыннан  компот (аш, салат) ѳчен кирәкле яшелчә, җимеш рәсемнәрен табып, исемнәрен әйтеп кирәкле  савыт – сабага урнаштыру.

Дидактик уен «Җѳмләләр тѳзе» - «Составь предложение»

«Без инде хәзер зурлар – мәктәпкә илтә юллар» проектына.

Уенны интерактив тактада да оештырырга була.

Максат: Хәрәкәт һәм предметларны аңлаткан пиктограммаларны кулланып2-3 сүздән торган җѳмләләр тѳзү. Җѳмләдәге сүзләрне дѳрес урынга кую.Фикерләү сәләтен, танып белү активлыгын үстерү.

 Җиһазлау:Предметлар, хәрәкәтләр тѳшерелгән пиктограммалар.

Уен барышы:

1 вариант - Балаларга  предметлар һәм хәрәкәтләр тѳшерелгәнкарточкалар таратыла. Алып баручының «Кем нишли?» дигән соравына балаҗѳмлә тѳзеп  җавап бирә.

2 вариант «Тәрҗемәче» - Алып баручының хәрәкәтне белдергән соравынакарточкасы туры килгән бала җавап бира.

3 вариант – Бала үз теләге буенча карточкалар сайлап алып җѳмлә тѳзи.

«Кашыклар» театры.

Максат: Балаларның шѳгыльләрдә алган белемнәрен гомүмиләштерү, сүзлек байлыгын ныгыту. Балаларның хәтерен, сәнгатьле сѳйләм күнекмәләрен үстерү.

Җиһазлау: Яссы агач кашыклар, аларга беркетү ѳчен  театр персонажлары.

Эчтәлеге: Темаларга туры килгән театр персонажларын уен ситуацияләрендә, сюжет-   лы–рольле, дидактик, җырлы–биюле уеннарда куллану, кыска әкиятләрне сәхнәләштерү.

Дидактик уен  «Кисәкләрдән җый» - « Собери из частей»

«Минем ѳем» һәм «Уйный – уйный үсәбез» проектларына.

Максат: Кисмә рәсемнәрне бербѳтен итеп җыю процессында предметларның исемнәрен дѳрес әйтүдә күнектерү. Сабырлылык, түзем-лелек тәрбияләү.

Җиһазлау: Предметлар ясалган кисмә рәсемнәр.

Уен барышы:Уенда 5-6 бала катнаша. Балаларга кисәкле рәсемнәр таратыла. Аларны бербѳтен итеп җыеп, исемнәрен атау.

Дидактик уен «Нәрсә ярата?» - «Что любит?»

«Уйный- уйный үсәбез» проектына.

Уенны интерактив тактада да оештырырга була.

Максат: Карточканың сул ягында ясалган рәсемгә туры китереп яраткан ризыкны сайлап дѳрес әйтү,  «Мә, аша» сүзтезмәсен куллана белүне ныгыту. Игътибарлылык тәрбияләү.

Җиһазлау: Бер ягына кеше әгъзалары, җәнлекләр тѳшерелгән, икенче ягы буш карточкалар; ашамлыклар рәсемнәре.

Уен барышы:Балаларга бер ягына кеше әгъзалары, җәнлекләр, икенче ягы буш карточкалар таратыла. Карточканың  сул ягындагы рәсемгә туры китереп ризыкны сайлау, дѳрес әйтү.

Дидактик уен «Шкафта тәртип урнаштыр»

«Уйный- уйный үсәбез» проектына.

Уенны интерактив тактада да оештырырга була.

Максат: Бирелгән киемнәр рәсемнәрен силуэтка, тѳскә тәңгәл китерү күнекмәләрен булдыру. Исемнәрен, тѳсләрен дѳрес атау, гомумиләштерү, логик фикерләү сәләтләрен үстерү.

Җиһазлау: Тѳсләр, силуэтлар билгеләнгән карточкалар, киемнәр (чалбар, күлмәк) рәсемнәре.

Уен барышы: 1 вариант: Уенда 2-3 бала катнаша. Бирелгән карточкаларга кием рәсемнәрен тѳсләренә туры китереп исемен, тѳсен әйтеп кую.

2 вариант: бирелгән рәсемнәрне карточкага тѳсенә, кием силуэтына туры китереп урнаштыру.

Дидактик уен «Сана» - «Сосчитай»

«Уйный- уйный үсәбез», «Без инде хәзер зурлар – мәктәпкә илтә юллар» проектларына.

Уенны интерактив тактада да оештырырга була.

Максат: Балаларның дѳрес саный белү күнекмәләрен камилләштерү.Уй – фикерләү сәләтләрен үстерү.

Җиһазлау: 1дән 10 га кадәр предметлы рәсем тѳшерелгән карточкалар.

Уен барышы: Уенда 1дән  10 га кадәр бала катнаша ала. Бирелгән карточкалардагы предметларны санау.

Дидактик уен «Телевизор»

«Без инде хәзер зурлар – мәктәпкә илтә юллар» проектына.

Максат:Телевизорда алышынып торган рәсемнәргә «нишли?» дигән сорау биреп җавап алу, җѳмләдәге сүзләрне дѳрес урынга кую. Уй – фикерләү сәләтләрен үстерү.

Җиһазлау: Телевизор макеты, хәрәкәтне белдерә торган рәсемнәр.

Уен барышы: Балалар алдында хәрәкәтне белдерә торган рәсемнәр куелган телевизор макеты, тәрбияче рәсемнәрне алыштырып тора – балалар «нишли?» соравына җавап бирәләр.