илалтын удэр
план-конспект

Муниципальное бюджетное образовательное учреждение

«Хилганайская общеобразовательная средняя школа им.Э-Д.Ринчино»

671617, Республика Бурятия, Баргузинский район, с. Хилгана, ул. Очирова,29,

тел/ факс: (30131)    93-396, e-mail:   hilgana_ school @ mail.

__________________________________________________________________

Классhаа гадуур ажал

Илалтын 70 жэлэйн ойн баярта зорюулагдаhан хүгжэмэй ба литературна композици

Бэлдэгшэ: буряад  хэлэнэй ба

 литературын багша

Шараева А.С

2015 он

1 вед: Амар сайн, хγндэтэ манай дайнай ветеранууд, дайнай ара талын ажалшад ба эндэ ерэhэн айлшад! Мγнѳѳ жэлдэ бγхы арад зон Илалтын 70 жэлэй ойн баярые γргэн дэлисэтэйгээр угтажа, тэмдэглэжэ байна.

2 вед.: Дүрбэн ута жэл, дүрбэн зоболонто жэлнүүд соо бүхы манай орон, бүхы дэлхэй Илалтын үдэрые хүлеэгээ.

1 вед.  Энэ дайн хэды мянган, миллион хγнγγдэй ами наhа абаашаа. Айл бγхэн дайнай гашууниие γзѳѳ, зобоо гээшэ. Тиигэбэ яабашье манай Совет арад зон хорото дайсанаа даража, Илалта туйлаhан байна.

2 вед: Олон хото городууд hандаргагдажа, хγдѳѳ нютагууд галда шатаагдаhан юм.

1 вед: Брест, Смоленск, Сталинград, Ленинградай блокада.

2. вед.: Брестhээ Москва хүрэтэр 1000 км. Москваhаа Берлин хүрэтэр 1600. Бүхыдөө 2600 км. Поездоор ябахада 4 хоног. Мүлхиhөөр 4 жэл.

1. вед.: 1418 үдэр, 34000 час, 40000000 алуулhан совет зон, 1 км-тэ 15000 алуулhан, 30 хүн  газарай 2 метр бүхэндэ.
2. вед.: 40000000 1418 үдэр соо! Үдэр бүри 28000 алуулhан хүнүүд, нэгэ час соо 1200, нэгэ минутада 20 хүн. Тиигээшье hаа бидэ илаабди.

Реквием. Роберт Рождественский (поэмэhээ хэhэг)

(Б.-Д. Б. Батоев буряадшалба)

   Эсэгэ ороноо хамгаалгын Агууехэ дайнда унаhан манай эсэгэнэрэй, аханарай, Совет Армиин офицер болон солдадуудай арюун дурасхаалда.

   Үдэр гарагай    

hубаряан дундуур

Бү мартагты!

Үе сагай

үнгэрөөн соогуур

Бү мартагты!

Энэ наhандаа

Эрьен ерэхэгүйшүүлые

Бү мартагты!

Гажаржа сэдьхэлээ

Бү уйлагты!

Гашуун нулимсаяа

Баригты!

Хүнүүд!

Хүрин зүрхэнэйнгөө

Сохилоо сагта

Бү мартагты!

Үри хүүгэдтээ хэлэжэ үгэгты!

Аша гушадаа хэлэжэ үгэгты!

Дуун «Байсын шулуун хүндэ юм даа»

Хахасалгын үе. Тайзан дээрэ залуу басагад гарана. Нэгэ хүбүүн басаган хоёр хөөрэлдэнэ.

  -Илахаяа ошохомнай

Зай, баяртай, инагни!

Магад, бусажа

Ерэхэшьегүйдөө болохолби.

Инаг дулаахан үгэнүүдые

Холбожо намдаа

Холын фронт эльгээгээрэй.

- Хүндэтэ инагни, найдаарай

Хүлеэхэб шамаяа заатагүй!

1 вед.: Мүнөөдэр, энэ мүнхэ дурасхаалай үдэр манай hургуулида Эсэгэ ороноо хамгаалгын дайнай гал дүлэн соогуур гараhан ара талын  ветеран Гомбоева Б.С ерэhэн байна. Бидэ, hургуулиин үхибүүд, таниие  тайзан дээрэ уринабди.

    (Хөөрэлдөөн. Үхибүүд асуудалнуудые hурана. Багахан гарай бэлэг барина)

…Хүнхинэнэ хонхонууд, hүрөөтэйгөөр, гашуудалтайгаар хүнхинэнэ    

хүбшэтэ тайга соогуур, сагаан хуhата ойнууд дээгүүр, бүхы газар    

нютагууд дээгүүр зүрхэ хүдэлгэмэ хүгжэм зэдэлнэ.

    Энэнь реквием – дурасхаалта аялга. Энэнь хэдэн миллион буудуулhан, үлгүүлhэн, зэрлиг муухайгаар зобоон алуулhан, амидыгаар шатаалгаhан совет хүнүүдэй мүнхэ дурасхаал.

   Энэнь гимн – баясхаланта аялга. Энэнь хара муухай дайсадай урда hүгэдэн унаагүй, үбдэг дээрээ hэхэрээгүй, Эхэ оронойнгоо нэрэ дурдан унагша баатар сэрэгшэдтэ зорюулагдана.

  Энэнь хэтэ мүнхэдэ дэлхэйн түрүү зоной, совет арадай мартагдашагүй баатаршалга hанажа ябахын тулада.

   Композици «Эхын зүрхэн»

Ч. Цыдендамбаев «Геройн эхэ»

Удаан хүлеэгдэhэн бэшэгынь

Уйдхарта мэдээсэл асараа hэн

Эхэ ороноо хамгаалжа хүбүүнтнай

«Алагдаба», - гэhэн байгаа hэн.

Үдэр бүри дурдуулhан,

Эмгэн буурал эхын

Эгээл ганса хүбүүн hэн.

Хүгшэн эжын хасар дээгүүр

Хүндэ нёлбоhод мухарижа,

Уруугаа хаража, хүдэлэнгүй,

Удаан шэмээгүй hуугаа hэн.

Хамта наадаhан нүхэдыень

Хараха бүридөө уйлахаб.

Хүбүүгээ огто мартахагүйб

Хуурсагта оротороо шаналхаб!

Булат геройн эхэ гээшэб!

Бусадай хажууда уйлахагүйб!

Хүгшэн эхын нюдэд соо

Хүбүүнэйнь зоригые харуужаг лэ!

Дуун «Эхын зүрхэн» (багшанар дуулана)

Yхибγγд Ж.Тумуновай, Д.Хилтухинай, Ц.Номтоевой дайнай дγлэтэ γдэрнγγд тухай шγлэгγγдые уншана (ханада дайнай ветеранууд тухай презентации гарана).

«Илалтын γдэр» гэhэн дуун зэдэлнэ.