Авторские стихи и песни
материал по теме

Кæстæрты зарæг!

Мах 'стæм кæстæртæ, кæстæртæ,

Байхъусут, байхъусут, хорз адæм.

Иумæ нæ буц рæстæг, буц рæстæг,

Худгæйæ арвитæм, худгæйæ.

Байхъусут хистæртæ, байхъусут,

Кæстæртæм, сабитæм, байхъусут.

Хистæрты буц хæстæ, хистæрты,

Заргæйæ бафидæм, заргæйæ.

Хæсты уæлахизæй, уæлахизæй,

Хастат нæ тырыса, тырыса.

Бузныг, нæ хистæртæ, хистæртæ,

Бузныг уын кæстæртæй, кæстæртæй.

Мах 'стæм кæстæртæ, кæстæртæ,

Хистæрты хорздзаутæ, хорздзаутæ.

Цардагур барджытæ, барджытæ,

Фидæны ног фæлтæр, ног фæлтæр.

Бирæ фæцæпут нын, фæцæрут,

Нæ кадджын хистæртæ, хистæртæ.

Хорз зæндтæ амонут, хорз зæндтæ,

Уæ уарзон кæстæртæн, кæстæртæн.

Уæ уарзон кæстæртæ, кæстæртæ,

Ма фенæд хæсты зын, ма фенæд.

Чингуытæй базонæнт, чингуытæй,

Хæсты, фыдракæндтæ базонæнт.

Бирæ уæ уарздзыстæм, уарздзыстæм,

Бирæ нæ хистæртæ, хистæртæ.

Æмæ уыл зардзыстæм, зардзыстæм,

Иры нæ зарджытæ, зарджытæ.

Нæ диссаджы дзуар

Джызæлдоны фарсмæ

Теджы хъæу, Теджы хъæу

Æрбынат дзы кодта

Нæ диссаджы дзуар

Табу йæхицæн уæд

Рыны дзуар, Рыны дзуар

Табу йæхицæн уæд

Ацы дзуар у нæ кæстæрты дзуар

Цæмæй нын æнæниз уой

Цæмæй нын бирæ цæрой

Æмæ нын бындурджын уой.

Нæ кадджын хистæртæ

Кæстæрты амондæй

Бирæ нын бирæ цæрат

Нæ хорз хъуыддæгта уынат

Мах та уын уæ хорздзинæдты

Лæггадкæнæг куыд уæм

Теджы хъæу, Теджы хъæу

Рæсугъд куывдтæ кæнат

Цæй рæсугъд у

Ацы бæрæгбон

Табу йæхицæн уа.

Гал куы ‘рзилы

Æнæхъæн хъæуы

Кувæккаг лентытимæ

Æртæ чъирийы йæ размæ рахæссынц

Æмæ сæ ‘скувынц.

Кафгæ, заргæ Джызæлы фæссивæд

Йæ разæй фæцæуынц.

Уый фæстæ æнæхъæн хъæу

‘Стыр куывд æскæнынц.

Джызæлы фæссивæд гыццылæй ‘стырæй

Стыр хъаст æскæнынц.

Сæ рæсугъд кæфтыæй

Сæ рæсугъд зарджытæй

Адæмы сбуц кæнынц.

Рыны дзуар, рыны дзуар

Æххуыс кæнæг сын у

Табу йæхицæн, Табу йæхицæн

‘Стыр хуыцауæн уæд.

Табу йæхицæн, Табу йæхицæн

‘Стыр хуыцауæн уæд.

8 Мартъийы бæрæгбон.

Æгас дунейы мадæлтæн,

Æгас дунейы нанатæн,

Æгас дунейы хотæн

Абон у бæрæгбон.

Абон у бæрæгбон,

8 мартъийы бæрæгбон,

Уалдзыгон бæрæгбон,

Мадæлты бæрæгбон.

Уарзын æз мæ мады,

Уарзын æз мæ нанаты,

Уарзын æз мæ хоты,

Уарзын æппæт сылгоймæгты.

Къоста!

Къоста, Къоста,

Хетæгкаты Къоста -

Ирон адæмы

Цытджын фæтæг, Къоста!

Сæраствор 'сты

Ирон адæм дæуæй

Къоста, Къоста,

Хетæгкаты Къоста!

Сæдæ фæндзай иу аз

Рацыд ныр,

Фæлæ уæддæр,

Нæ рох кæныс æппын.

Æнас дуне

Дæ чингуытæ кæсынц,

Æмæ дæ кой

Сæрыстырæй кæнынц.

Хорздзинæдтæ

Ныууагътай махæн ды,

Æмæ дæ мах

Хъуыды кæнæм æнус.

Къоста, Къоста,

Хетæгкаты Къоста -

Ирон адæмы

Цытджын фæтæг, Къоста!

Ног аз!

Æрцыд та нæм Ног аз

Ног хæрзтимæ.

Сабитæн æрхаста 

Ног лæвæрттæ.

Урс зачъе зæронд лæг

Сабитæм сиды

Æмæ цын лæвæрттæ

Заз бынæй дæтты.

Мадæлты зæрдæтæ

Сабитæй райынц,

Сабитæ лæвæрттæм,

Цингæнгæ кæсынц.

Ног цинтæ æрхастай 

Ног аз махæн ды

Æмæ нын цæрæнбон 

Ахæм цинтæ хæсс.

Фæндараст ут!

Бонтæ тæхынц, азтæ цæуынц,

Размæ згъоры цард.

Абон нын зæгъут «фæндараст»,

У нæ фæндаг дард.

Тынг зын у ныртæккæ махæн

Ардыгæй цæуын.

Фæлæ ма уын ацы зарæг

Мах лæвар кæнæм.

Нæ хæдзæрттæй мах 'скъола

Къаддæр нæ уарзæм

Уымæн æмæ скодта махæн

Стыр цардмæ фæндаг.

Иумæ-иу нæ цæх,нæ къæбæр

Арæх бахордтам,

Кæрæдзийы иу бинонтау

Бирæ бауарзтам.

Стыр Хуыцау уын ахæм арфæ

Абон ракæнæд

Ног фæлтæры ахуырдзаутæй

Зæрдæ рухс кæнæд.

Уæ зæрдæйы фæлмæндзинад

Макуы фесæфæд

Уе 'стыр ныфсытæ,бæллицтæ

Се 'ппæт сæххæст уæнт.

Стыр бузныг зæгъæм мах абон

Ахуыргæнджытæн,

Стыр бузныг зæгъæм мах абон

Хъомылгæнджытæн.

Бузныг ноджы мах зæгъдзыстæм

Æппæт кусджытæн.

Бузныг,бузныг уæ рæвдыдæй

Абон хайджын стæм.