Проект: “ Спетакль ничек төзелә”
проект (5 класс)

Проект: “ Спетакль ничек төзелә”

Мин үземнең методик темам итеп “Спетакль ничек төзелә” дигән теманы алырга булдым.

Максатым:

Балаларның театр сәнгате үзенчәлекләрен үзләштерү аша сөйләм телен , иҗади сәнгатьне үстерү, аралашу культурасы , сәнгатькә һәм мәдәнияткә кызыксыну һәм хөрмәт тәрбияләү.

Бурычлар:

1. Әкиятләр белән кызыксынуларын үстерү, коллектив эшендә катнашу теләге , матурлыкка омтылыш, сәнгать кешеләренә хөрмәт , театраль эшчәнлек аша иҗади шәхес тәрбияләү, сөйләм телен баету.

2. Сәнгать әсәрләре аша балаларның эстетик, иҗади зәвыгын үстерү.

3. Театр сәнгатенә карата мәхәббәт, татар телен өйрәнүгә кызыксыну уяту.

4. Балаларга театр турында белем бирү, театрның төрләре белән таныштыру.

5. Әкият геройларының хис – тойгыларын, халәт – кичерешләрен дөрес тасвирлый белергә өйрәтү.

6. Төрле театральләшкән тамашалар күрсәтү аша балаларда артистлык сәләтен үстерү.

7. Рольләрне тырышып башкару, курчакларын һәм җиһазларын эш беткәч урынына алып кую, сакчыллык күнекмәләрен формалаштыру.

Теманың актуальлеге:

Театр балаларга якын булган сәнгатьнең бер төре. Шуның нәтиҗәсендә заманча педагогика һәм психология алдында торган актуаль проблемалар хәл ителә: әдәплелек тәрбияләү, уңай эмоциональ кәеф булдыру, киеренкелекне алып ташлау, балалар арасында килеп чыга торган конфликтлы ситуацияләрне уен аша чишү. Төрле театральләшкән тамашалар күрсәтү аша балаларда артистлык сәләтен үстерү , үзара аралашу сәләтләрен, сөйләм телен баету.

Театраль эшчәнлекнең тәрбияви мөмкинлекләре бик зур, аның тематикасы баланың күп кырлы кызыксынуларын һәм теләкләрен кәнәгатьләндерә ала. Бала әйләнә - тирә һәм аның күптөрлелеге белән таныша, үзен әйләндереп алган мохиткә җайлаша, ә тәрбияченең төгәл куелган сораулары балага уйланырга, анализ ясарга, дөрес нәтиҗә чыгарырга ярдәм итә.