ТАШЛАМА КОРКА
методическая разработка

ЯМДЫЛАШ

1. Пура.
2. Пура леҥеж.
3. Сорта.
4. Тÿрлеман ош солык.
5. Чумыраш кинде.
6. Перемеч.
7. Туара.
8. Мелна кышыл.
9. Тÿрлеман когыльо.

10.        Чиялтыме муно.

11. Ўстембалшовыч.

12. Юмылук солык.

/ЧЕСЫМ ЎСТЕМБАК ПОГЫМО. ОЗА КУВА ДЕН КУГЫЗА ЎСТЕЛТŐРЫШТŐ ШИНЧАТ/.

Ӱдыр-рвезе-влак мурен пурат.

Айдыза муралтен колтена,

Нöлталалтше кумылна.

Нöлталалтеш гын кумылна,

Пырля эрта ÿмырна.

Ой, ташлама, ташлама да,

Пура йÿмö пайремна.

Пура йÿмö пайремна да,

Ваш келшалын илымына.

РВЕЗЕ:  Салам лийже,  кувай,  кугызай.  Таче  ме ташлама  пура йÿаш  толынна. Лиеш мо?

ОЗА КУВА: Лиеш, лиеш. Родо, пошкудо - шамыч, пеш лиеш, пеш  лиеш.

КАРТ КУГЫЗА: Лиеш, лиеш. Ташлама йÿмашым тÿналме деч ончыч                            юмылан пелештен колтена.

/КАРТ КУГЫЗА ПЕЛЕШТА, ТИДЫН ГОДЫМ МОЛО-ВЛАК СУКАЛТЕН ШИНЧЫТ/.

КАРТ КУГЫЗА ПЕЛЕШТА: О поро Кугу Юмо, кугу пÿрышӧ Юмо, таче Ташлама кече лÿмеш тичмаш саска сорта дене, тичмаш сукыр дене, тичмаш эгерче дене, тичмаш ÿян туара дене, ший надыр дене, тичмаш шÿрашан мелна кышыл дене, тичмаш тÿрлеман когыльо дене, чиялтыме чумыраш тутло муно дене, шолтымо шöрым шынден, комбо шÿр дене, моткоч тамле пура дене тый дечет тазалыкым, поро пиалым, вольык перкем, чыла тÿрлö перкем йодын кумалына. Ўстембалне улшо тичмаш чесым йöратен лийза, чыла дечат аралтышым ыштыза. Чыла мланде гычын, теныз ÿмбачын, Юл ÿмбачын Кинде шочын ава Юмыжо перкем савырен кондыжо.

/ЧЫЛАН     ВУЙЫМ     САВАЛТАТ,     КЫНЕЛЫТ,     ТЕНГЫЛЫШ ШИНЧЫТ./

КАРТ КУГЫЗА: Айста ынде пурам йÿына. Таче пуранаже путырак  тамле, лÿмынак шолтымо, шонешталт шога.

/ КАРТ КУГЫЗА ПУРАМ ЙЎКТА, КУГЫЕН-ВЛАК  ПУРА КОРКАШКЕ ОКСАМ ПЫШТАТ/.

/КАРТ КУГЫЗА ПУРА ЙЎМАШЫМ ЙОЧА-ВЛАК ДЕНЕ ТЎНАЛЕШ/

КАРТ КУГЫЗА: Айста ынде йоча-влакым йÿктена. Кö пурам ÿчашен

йÿнеже?

/КОК ЙОЧА ЎЧАШЕН - ЎЧАШЕН ЛЕКТЕШ. НУНО  СУКАЛТЕН ШИНЧЫТ,   ПУРА   КОРКАМ    КУЧАТ.    МОЛО-ВЛАК   КИДЫМ СОВАТ. КŐ ОНЧЫЧ  ЙЎЫН ПЫТАРА, ТУДЛАН ОКСАМ ПУАТ. ЭШЕ   ВЕС   КОК   ЙОЧА   ТОЛЕШ.   НУНАТ   ЎЧАШЕН   ЙЎЫТ. СЕНЫШЫЛАН ОКСАМ ПУАТ/.

ИК РВЕЗЕ: Родем-влак, айста кушталтена.

/ШЎВЫРЗО СЕМЫМ ТЎҤАЛЕШ. КУШТЫМАШ ТЎҤАЛЕШ./

ЎДЫР:    Тау, кувай, кугызай, ташлама йÿмашым эртарыктымыланда.

Пурада   пеш   тамле,   мÿй   таман. Ынде   ик   тауштымо   мурым муралтена.Тиде тыланда пöлек шотеш лийже.

/ ЧЫЛАН СУКАЛТЕН ШИНЧЫТ, МУРЫМ МУРАТ/

Идым лукет, ныл лукет да,

Идым кöргö каванан те лийза.

Тошкем лукет, ныл лукет да,

                               Тошкем кöргö мÿкшан те лийза.

Кудывече лукет ныл лукет да,

Кудывече тичак пуда лийже,

Вÿта лукет, ныл лукет да,

Вÿта тич вольыкда тендан лийже.

Клат кöргö лукет ныл лукет да,

Клат кöргö поган те лийза.

Пöрт лукет да ныл лукет да,

                               Пöрт кöргö ешан те лийза.

ОЗА КУВА: Ой, пеш чаплын мурен моштеда. Тыландат кугу тау. Вес гана адак толаш кумылда лийын шогыжо.

КАРТ КУГЫЗА: Сай поро шÿлык дене тазан  илыза! Кугу Юмо тыланда перкем пуыжо! Поян лийза, вольыкда тÿлö вуян лийже! Шке икшывыда шке кидыштыда лийышт! Оралтыда шуко лийже!

ЎДЫР: Айста ынде вес суртышко, Васли вате енгай деке каена.

                                           /МУРЕН-МУРЕН КАЯТ/

Пуражымат йуына, ташламажым кудалтена,

Ужар лышташ дене леведына.

И муралтен колтена, и шӱшкалтен колтена,

Погыналын пайремым эртарена.

                                               Ой, ташлама, ташлама да,

          Пура йÿмö пайремна.

          Пура йÿмö пайремна да,

          Ваш келшалын илымына.