Җиңү саннарда
методическая разработка (6 класс) на тему

 Таң белән бергә

Ирекле илгә

Яңа җыр туа гөрләп

Хәерле иртә теләп.

   Хәерле иртә,исәнмесез!

Без бүген шушы матур залга математика буенча фән көненә җыелдык.Тыныч илебезнең бәхетле балаларын – 6 нчы сыйныф укучыларын “ Җиңү-саннарда” дип исемләнгән бәйгегә чакырабыз.Әйдәгез,командаларның үзләре белән якыннанрак танышыйк.

1 команда :”Тынычлык”

Девиз: “Тыныч илебездә ныклы белем алыйк!”

2 команда: “Дуслык”

Девиз: “ Милләтләр һәрчак дус булсын!”

Быел халкыбыз зур дата-Бөек Җиңүнең 70 еллыгын билгеләп үтәргә җыена.Бүгенге биремнәр  күбрәк шуңа кагылыр.

1 тур “Тиз исәпләү”

Һәр командага телдән исәпләү өчен 4 мисал бирелә. Җавапларын кырыйга язгач,килеп чыккан сан нәрсә аңлатканны әйтергә .

О,25х 4           1                                   2,6 : 1,3                                2

3/7 х 21           9                                  (1470 +3006)  х 0                 0

0,04 х100        4                                  6/13 х 13                              1

7,5: 1,5             5                                 0,005 х 1000                        5

2 тур “Адым белән тарихка” (Өй эше иде)

1 командага адым атлаган саен герой шәһәрләр,2 командага  герой пионерларны атарга.

Одесса                                                                              Марат Казей

Ленинград                                                                        Лена Голиков

Севастополь                                                                     Зина Портнова                                                              

Мәскәү                                                                              Валя Котик

Новороссийск                                                                   Володя Дубинин

3 тур “ Тиз табу”

Бу биттә хәрефләр һәм саннар буталган. Бер  җөмлә килеп чыксын өчен  хәрефләрне  ук белән   тоташтырырга кирәк.

                                              Бөек Җиңүгә 70 ел!

4 тур.”Әдәби пауза”

1 команда  

Мөхәммәт Садри   “ Сугыш хаты”

Татарстан,кайнар сәлам сиңа!

Сәлам сиңа кайнар үзәктән,

Арысландай батыр егетләрең

Кызларыңнан,бөтен йөрәктән!

Татарстан,синдә туып –үскән,

Егетләрең,батыр кызларың,

Башкалабыз Москва яннарында

Туздырышты дошман яуларын.

Әй ,туган җир,син олылап безне

Чакырдың да корал алырга,

Куштың кызыл гаскәр сафына басып

Сугыш кырларына барырга.

Һәм без хәзер кискен сугышларда

Фашистларның җанын алабыз,

Бөек Сталинның юлы белән

Җиңү даулап алга барабыз.

Тиздән-тиздән бөтен җирләребез

Азат булыр инде тагын да,

Сөенә-сөенә синең кочагыңа

Кайтырбыз без бәйрәм таңында.

Бүген йөрәк нәкъ ут кебек яна,

Бүгенгә без сугыш кырында,

Бөтен уебыз,бөтен теләгебез

Тик бер генә: җиңү турында.

2 команда: Салих Баттал  “Кызыл мәйданда”

Дүрт ел сугышып алганга,

Бу тыныч Майның күген

Тагын да кызара төшкән

Байраклар бизи бүген.

Яшерде сугышта солдат

Йөз яраның әрнүен,

Яшерә алмыйча йөди

Шатлык яшьләрен бүген.

Яз кояшын тәбрикләгән

Тере чәчәкләр булып;

Ничә төрле халык агыла

Бар Кызыл мәйдан тулып:

Ленинградны саклаган

Кавказлы яшьләр дә бар;

Кавказны саклау медален

Таккан үзбәкләр дә бар.

Рус белән җилкәгә-җилкә

Үтүче казах та бар,

Һәм алар белән бергәләп

Берлинны алган татар...

Кызыл мәйданда бүген – күпер:

Халыклар үтеп тора.

Сугыш чоры фронтыннан

Төзелеш фронтына.

5 тур. “Сүз ясау”

НЫЧЛЫКТЫ

Башта нинди сүз икәнен әйтәсе,аннан сүзләр ясыйбыз.

Тын,кыл,кылыч,кын,тыл,чык..

6 тур  “Капитаннар бәйгесе”

 Биреләсе 10 җөмләгә “әйе”,”юк” дип җавп бирергә.

1 командага:

Иң кечкенә 4 урынлы сан 1000.

Санны 0 гә такырлагач,сан үзе чыга.

Иң зур 2 урынлы сан 99.

396 3 кә бүленә.

5 саны 43 нең бүлүчесе.

2015 ел- Җиңүгә 65 ел була.

ТР президенты- Рөстәм Миннеханов.

Россия башкаласы- Мәскәү.

Тынычлык сүзендә 4 иҗек.

Сугышта катнашкан кешеләр- тыл ветераннары.

2 командага:

Иң кечкенә 3 урынлы сан 100

Санны 1 гә тапкырлагач 1 чыга.

Әйберләрне санау өчен натураль саннар кулланыла.

1405  саны 5 кә бүленә.

2 саны 793 нең бүлүчесе.

Җиңү бәйрәме – 9 майда билгеләп үтелә.

Россия президенты- Шәймиев.

Татарстан башкаласы –Казан.

Дуслык сүзенең русчасы –дружба.

Май –яз ае.

7 тур. Йомгаклау

А.б

Бүгенге кичәбезне бик матур шигырь юллары белән тәмамлыйсым килә.

Рифат Сәлах  “9 май,2015”

Җиңү язы.

Гүя тарих язда язылган.

Җитмеш ел яши безнең халык

Көч-дәрт алып Җиңү языннан.

Җиңү язын алып кайтканнарга

Рәхмәт әйтик әле бүген дә!

Яз да безгә хәерхахлы әнә:

Май кояшы балкый күгендә.

Чәчәк аткан сирень куаклары

Олы юлга зәңгәр гөл сибә.

Исән чакта һәйкәл куярлык бит

Батырларның бөтенесенә.

Сугышның һәр көне  гасырга  тиң,

Һәр мизгеле гүя мәңгелек.

Дошман ядрәсенең кыйпылчыгы-

Күкрәгендә калган “истәлек”.

Меңәрләгән ак күгәрчен очкан

Тынычлыкның тәүге төнендә.

...Җиңү язын алып кайтканнарга

Рәхмәт әйтик әле бүген дә!

Илебез күге һәрчак аяз булсын! Беребезгә дә сугыш әфәтен күрергә язмасын!