Синең мирас –безгә хәзинә ( А. Гыйләҗевкә)
материал (7, 9, 10, 11 класс)

Синең мирас –безгә хәзинә

( Аяз  Гыйләҗевкә багышлыйм)

Ачысын да төчесен дә күреп,

Күпме сынауларны үткәнсең.

Язмышыңның  һәрбер борылышын

Сыкрамыйча кабул иткәнсең.

Усал көчләр синең пакь җаныңны

Зинданнарга илтеп ташлаган.

Тик милләткә, телгә мәхәббәттән

Ваз кичерер көчне тапмаган.

Алтын бәһаседәй әсәрләрең -

Бик күпләрнең өстәл китабы.

Өч аршын  җир өчен кемнәр генә

Туган җиргә кире кайтмады.

Читәннәргә менгән әтәчләрең

Сәхнәләрдән төшми бүген дә.

Бибинурдай язмыш карчыклары,

Ни кызганыч, бар шул бүген дә.

Син калдырган саллы мирас - хәзер

Милләт өчен алтын хәзинә.

Халкың синең белән горурлана,

Бөек иҗат өчен баш ия.

Җиз кыңгырау булып чыңлый бүген

Син җан өргән  һәрбер әсәрең.

Синең кебек әдипләре барда

Татар яши, яшәр, яшәде!