дьүһүйүү
творческая работа учащихся (9, 10, 11 класс)
Үрдүкү каылаас уолаттар толорууларыгар "Учууталга" диэн хоһоонунан монтаж сценарийа
Скачать:
| Вложение | Размер |
|---|---|
 montazh.docx | 14.71 КБ |
Предварительный просмотр:
Учууталга
- Толя: Сардаҥанан сандаарбыт
Сырдык ыраас суолларбыт,
Оҕо сааһы сирдээннэр
Оскуолаҕа тиэрдэллэр.
Үөрэх – билии биһигэр
Үөрэ- көтө сылдьабыт.
Бары: Үөрэх – билии биһигэр
Үөрэ- көтө сылдьабыт.
- Гриша: Күлүмүрдүү күндээрэн,
Кылаас аана аһыллар,
Сылааһынан илгийэн,
Сырдык аартык арыллар.
Үөрэх – билии биһигэр
Үөрэ- көтө сылдьабыт.
Бары: Үөрэх – билии биһигэр
Үөрэ- көтө сылдьабыт.
- Марат: Оҕо саастыын хардыылыыр
Оскуоланы таптыыбыт,
Өркөн өйү сытыылыыр
Өрөгөйүн алҕыыбыт.
Үөрэх – билии биһигэр
Үөрэ- көтө сылдьабыт.
Бары: Үөрэх – билии биһигэр
Үөрэ- көтө сылдьабыт.
- Коля: Дьоҕурбутун буламмыт,
Дьулуурбутун уураммыт
Дьоһун идэ талыахпыт,
Дьоллоох суолу таҥыахпыт.
Үөрэх – билии биһигэр
Үөрэ- көтө сылдьабыт.
Бары: Үөрэх – билии биһигэр
Үөрэ- көтө сылдьабыт.
- Афоня Б. Билии – көрүү эйгэтигэр
Бигээн, сиэтэн уһуйбуттар,
Үөрүү үрдүк үктэлигэр
Үөрэтэннэр дьоллоотулар.
Ийэм, аҕам тэҥэ буолбут
Истиҥ дьонум учууталлар.
Бары: Ийэм, аҕам тэҥэ буолбут
Истиҥ дьонум учууталлар.
- Ганя: Күндү дьонум, учууталларым
Сөптөөх суолу тэлэйэннэр,
Олох сырдык, үөрүүлээх
Күннэрин бэлэхтииллэр.
Ийэм, аҕам тэҥэ буолбут
Истиҥ дьонум учууталлар.
Бары: Ийэм, аҕам тэҥэ буолбут
Истиҥ дьонум учууталлар.
- Афоня К. Ыра санаа
Ыллыгынан сирдиир,
Сылааһынан илгийэр
Аартыгы арыйар.
Ийэм, аҕам тэҥэ буолбут
Истиҥ дьонум учууталлар.
Бары: Ийэм, аҕам тэҥэ буолбут
Истиҥ дьонум учууталлар.
- Саша:Үтүө кэрэ баҕаларын
Үллэрэннэр түҥэппиттэр,
Санаа истиҥ сылааһын
Саргылааннар иҥэрбиттэр.
Ийэм, аҕам тэҥэ буолбут
Истиҥ дьонум учууталлар.
Бары: Ийэм, аҕам тэҥэ буолбут
Истиҥ дьонум учууталлар.
- Арсен: Аан дойдуну анаарар
Аартык аанын аһаллар,
Алгыс тылы анааннар
Ахта – саныы хаалаллар.
Ийэм, аҕам тэҥэ буолбут
Истиҥ дьонум учууталлар.
Бары: Ийэм, аҕам тэҥэ буолбут
Истиҥ дьонум учууталлар.
- Богдан: Көлүөнэ дьону иитэр, үөрэтэр,
Убаастыыр учууталларбыт!
Олоххо бэлэмниир,
Сатабыллаах уһуйааччыларбыт!
Аныыбыт эһиэхэ,
Ыччаттарыҥ махталын.
Бары: Аныыбыт эһиэхэ,
Ыччаттарыҥ махталын.