Кеп куучын
методическая разработка
Предварительный просмотр:
Кадын ла Бий суу керегинде кеп куучын
Озо-озо чактарда Алтайда бийик туулар да, тереҥ суулар да јок болгон. Бу ӧйлӧрдӧ Алтай деп каан јуртаган. Ондо јаражай Кадын деп кыс бала болды. Кадын кыстыҥ јӱреги Бий деп јокту койчы уулга тартылган. Мыны уккан адазы ачынбас бойы ачынды, кызына јӧбин бербеди. Бир тӱнде Кадын бойыныҥ Бий сӱӱгенине удура адазыныҥ айлынаҥ качып јӱгӱрген. Алтай каан кем озо Кадынды тудуп, айлына јандырар, ол кижи кызымла биле тӧзӧӧр деп јакарган. Јаражайдыҥ кийнинеҥ эҥ озо Бабырган баатыр сӱрӱшти. Кадынга јаба једижип ле келерде, Кадын суу болуп кубулала, Бийге удура аккан. Бий дезе база суу болуп, Кадынга удура меҥдеген. Эки сӱӱшкен биригип, Обь суу болуп, оноҥ ары эптӱ-јӧптӱ ага бердилер. Алтай каан ачынган бойынча Бабырган баатырды туу эдип кубултты. Каан бойы Ӱч-Сӱмер болуп кубулып, кату кебин тартынып, јажын-чакка туруп калды.
