Сергей Степанович Ларионовонь творчествац
презентация к уроку (5 класс)

Слайд 1

Сергей Степанович Ларионов 1908-1991кк. Сергей Степанович Ларионов шачсь крестьянинонь ашу семьяса 6 октябрьста 1908 кизоня Анаю велеса Зубово-Полянскяй районца Мордовскяй АССР-са . « Топодемс ярхцамась – ульсь павазкс , кона шуроставасьфневсь минь семьясонк . Начальнай школать аделамда меле сиводень пря постуфокс , штоба лездомс алянцты-тядянцты трямс оцю семьяньконь »,- тяфта сёрмадсь С.Ларионов эсь колганза .

Слайд 2

Сергей Степанович Ларионов 1930-це кизоня аделазе Саранскяй педтехникумть и мрдась эсь велезонза . Коллективизациять пингста пуроптсь эсь велесонза колхоз. Тоса ульсь велень председателькс . Сергей Степанович лама ётась и няйсь эряфсонза , служась Якстерь Армияса , тяса и ушедозе творческяй кинц , ульсь газетань редакторкс . Службада меле тердезь Пензенскяй области газетав редакторкс , сёрмадсь мокшень кяльса очеркт и азкст.1939-це кизоня сон сявфоль тага армияв белофинскяй войнать ушедомда инголе , тонафнесь военнай школаса , ульсь офицеркс ВО войнать пингста . 1943-це кизоня прокс сярятькстсь и кучфоль тылу. Мрдась Мордовияв , аделазе заочна Мордовскяй институтть .

Слайд 3

Сергей Степанович Ларионов 1952-1959-це кизотнень С.С.Ларионов ульсь Мордкиздти директоркс , ниле кизот покодсь Мордовиянь Писателень союзса ответственнай секретарькс . Кода писатель кармась лувихненди содаф 50-це кизотнень . Эста лиссть сонь «Лектор», « Вирьмацихть », «Архип атянь ёлкац »и лият азксонза .

Слайд 4

Сергей Степанович Ларионов Мордовскяй АССР-нь Заслуженнай писатель (1977), СССР-нь Писателень Союзонь член (1952). Васенце публикациянзон С. Ларионов тиезень окружной военнай газетань лопаня лангса 1932 кизня . Содафши писательти кандсть сонь азксонза «Лектор» (1954), «Дикие гуси» (1957), конат сяльде лиссть и московскяй изданиятнень эса . 1959-це кизоня лувихне пара мяльса васьфтезь «Настя» повестенц , кона «Совесть» лем ала 1961-це кизоня нолдафоль «Молодая гвардия» издательстваса .

Слайд 5

Сергей Степанович Ларионов 1908-1991кк. Хрестоматийнайкс арась авторть азксоц «Архип атянь ёлкац » («Елка деда Архипа») ( 1955), кона сяда меле сувафтфоль сборникс инь цебярь азкснень ёткс Великай Отечественнай войнать колга «Ради жизни на земле» (М., 1975). Мордовскяй велеть полафтоманц , кона ётнесь 50-це кизотнень , С.Ларионов няфтезе социально-бытовой романцонза « Лямбе кядьса » («Теплыми руками», 1962).

Слайд 6

Сергей Степанович Ларионов 1908-1991кк. « Хрусталень пайкт » («Хрустальные колокола» 1974-1987) романцонза С.Ларионов васенцеда мордовскяй литератураса няфтезе рабочай классть . Сон лама пинге покодсь « Фкя шинь бойста » повестть лангса («Один день сражения»), 1983к., коса азондсь Великай Отечественнай войнать ушедоманц колга тяфта , кода няезе сонь эсь сельмосонза .

Слайд 7

Сергей Степанович Ларионов 1908-1991кк. С.С.Ларионов- прозаик, сон аделазень Саранскяйса пединститутть , А.И. Полежаевонь лемса МГПИ-ть . 1927-30 кк . - велень Советонь секретарь, Анаю велеса колхозонь васенце председательсь . Сёрматфоц лисендсь 1932 к. сявомок . Великай Отечественнай войнаса улеманкса казьф Краснай Знамянь орденца (1944к.) и Отечественнай войнань I степенень орденца (1985к.), медальса . Творческяй покодеманкса казьф «Знак Почёта» орденца .