6 нчы сыйныф өчен грамматик биремлеконтроль диктант.
учебно-методический материал (6 класс)

                                Икмәк.  

Беркөнне без бер танышым белән иртәнге тыныч, бик матур вакытта Аккош күле янындагы яшел алан аша сузылган  сукмак буйлап  сөйләшә-сөйләшә кайтып килә идек.

Менә шушы карап туймаслык гүзәл аланда, аллы – гөлле чәчәкләр үскән палас өстендә ертылып ташланган газета кисәкләре, буш консерв савытлары, шешә ватыклары күреп сәерсенеп калдык. Хәер, нигә гаҗәпләнергә? Ял көннәреннән соң безнең урманыбызда, елга һәм күл буйларында бу инде гадәти күренешкә әйләнеп бара. Кемнәрдер ялга чыгып, рәхәтләнеп хозурланалар, да киләсе атнада да тагын шунда ук ял итәсе урыннарын шулай чүп-чар белән “бизәп” китәләр. Ә бу юлы без анда-монда ташланган икмәк телемнәрен дә күрдек. Хәтта бер агач төбендә бер бөтен икмәк  аунап ята иде.

Үзебез дә сизмәстән, шул икмәккә карап, туктадык та телсез калган кебек булдык. Шулай рәхимсез ташлап калдырылган икмәк өчен безгә дә бик уңайсыз булып тоелды. Дөресен генә әйткәндә , без оялдык. (122 сүз)

Бирем.

Танышым, хозурланалар сүзләренә  морфологик анализ ясарга.