Фәрзәнә Ғөбәйҙуллина “Башҡортостан флагы” дәрес өлгөһө.
план-конспект урока (7 класс)

Предмет: Башҡорт (дәүләт) теле

Класс: 5

Дәреслек: Башҡорт теле

Дәреслектең авторы: М.Ғ. Усманова, З.М. Ғәбитова, Г.Н. Абдулхаева

Тема: Фәрзәнә Ғөбәйҙуллина “Башҡортостан флагы”.

Маҡсат: - уҡыусыларҙы дәүләт символдары менән таныштырыу;

-тема буйынса уҡыусыларҙың һөйләшеү күнекмәләрен артабан арттырыу;

-Тыуған илгә һөйөү тәрбиәләү, уҡыусыларҙың үҙ аллы фекерләү, тасуири уҡыу күнекмәләрен, ижади һәләтен үҫтереү;

Йыһазландырыу: яҙыусының портреты, китаптар күргәҙмәһе, сәйәхәт картаһы.

Дәрес барышы:

1.Ойоштороу моменты.

-Һаумыһығыҙ! Хәйерле иртә!

(Дәрес алды шиғыры)  Бөгөн беҙҙә башҡорт теле,

Яратам һине телем,

Рәхмәт һиңә, һинең аша,

Алам мин яҡшы белем.

-Матур итеп ултырабыҙ.

-Уҡыусылар, синыфта бөгөн кем дежур”?

Фонетик күнегеү.

Ә хәҙер уҡыусылар, беҙ һеҙҙең менән фонетик күнегеү эшләп алабыҙ. Һеҙгә таҡтала шиғыр бирелгән. Шиғырҙы ошо карточкаларға ярашлы төрлө кәйеф менән уҡырға кәрәк.

Башҡортостан, һин бит беҙҙең

Тыуған – үҫкән илебеҙ.

Беҙгә икмәк, өй биргән

Һыуын эскән еребеҙ.   (Ғ. Ғүмәр)

Тимәк, уҡыусылар, был шиғырҙы ниндәй кәйеф менән уҡырға кәрәк икән?

-Дөрөҫ, был шығырҙы күтәренкә кәйеф һәм тыуған илгә ҡарата һөйөү менән уҡырға кәрәк.

-Ә һеҙ мәктәпкә ниндәй кәйеф менән киләһегеҙ? Күрһәтегеҙ әле кәйефегеҙҙе? (Уҡыусылар йылмаялар)

-Ошо матур кәйеф менән дәресте артабан дауам итәбеҙ.

2.Дәрестең темаһы һәм маҡсаты менән таныштырыу.

-Бөгөнгө дәресебеҙҙе дәрес сәйәхәт формаһында үткәрәбеҙ.

-“Сәйәхәт” һүҙе урыҫ телендә нисек була?

-Дөрөҫ! Путешествие.

-Беҙгә сәйәхәт итәргә карта һәм транспорт кәрәк буласаҡ. Картабыҙ бар ул таҡтала эленеп тора.

-Ә сәйәхәткә нимә менән сығабыҙ?

-Һеҙ ниндәй транспорт төрҙәрен беләһегеҙ?

-Ә техника булмағанда нимә менән сәйәхәт иткәндәр? (Ат, ишәк, дөйә)

-Хәҙер мин һеҙгә йомаҡ әйтәм, ә һеҙ яуабын табығыҙ.

Был күк өй ҡайҙа

Эсе тулы бала – саға

Алғында кейем резиндан,

Үҙе бер ҙә туймай бензиндан. (Автобус)

(Автобус һүрәтен күрһәтеү)

-Беҙҙең транспорт әҙер.

-Уҡыусылар беҙ бөгөн ҡайҙарҙа буласаҡбыҙ? Картаға иғтибар менән ҡарағыҙ әле. Бер уҡыусы уҡый.

Башҡортостанды беләһеңме?                     Башҡортостан флагы

                        Фәрзәнә                                      Ғөбәйзуллина

Башҡортостанда ҡыш                                      Нимә белдегеҙ?

-Ә хәҙер автобусҡа ултырҙыҡ. Сәйәхәткә киттек.

-Беренсе туҡталышҡа килеп еттек.

1 туҡталыш. “Башҡортостанды беләһеңме?” тип атала.

-Мин һеҙгә һорауҙар бирәм, ә һеҙ яуаптарын әйтерһегеҙ.

-Башҡортостандың баш ҡалаһы? (Өфө)

-Башҡортостан президентының исеме нисек?

-Башҡортостандың төп халҡы?

-Башҡортостанда тағы ниндәй халыҡтар йәшәй?

-Башҡортостандың яҙыусыларын әйтегеҙ?

-Башҡортостандың батырҙарын әйтегеҙ?

-Афарин уҡыусылар арып киттек. Бик яҡшы беләһегеҙ икән Башҡортостанды...

2туҡталыш. Был туҡталышта беҙ һеҙҙең менән яңы һүҙҙәр менән танышасаҡбыҙ һәм Башҡортостан флагы шиғыры өҫтөндә эшләйәсәкбеҙ.

Һүҙлек эше.

Уй – ниәт – мысль

Именлек – живучесть

Хеҙмәттәшлек – сотрудничество

Мәңгелек – вечно

-Яҙыусының тормош юлы менән таныштырыу.

-Ә, хәҙер уның шиғыры менән танышып китәбеҙ.

3.Уҡытыусының уҡыуы

4.Тәржемә итеүе

5.Үҙ аллы уҡыу

6.Сылбырлы уҡыу

7.Һорауҙарға яуап биреү

-Башҡортостан флагы ниндәй төҫтәрҙән тора?

-Күк төҫ нимәне аңлата?

-Аҡ төҫ нимәне аңлата?

-Йәшел төҫ?

-Афарин, уҡыусылар был туҡталышты ла йырып сыҡтыҡ. Бик һәйбәт ары киттек.

2туҡталышта беҙҙе нимәләр көтә? Беҙҙең был туҡталыш нимә тип атала? Ошо һүрәттәр ярҙамында һөйләмдәр төҙөргә кәрәк. (уҡыусылар һөйләмдәр төҙөй)

-Бына беҙ уҡыусылар тәбиғәт тураһында шундай матур һөйләмдәр төҙөнөк.

-Тыуған тәбиғәтте, хайуандарҙы һаҡлар өсөн нимә эшләргә кәрәк?

-Эйе, дөрөҫ. Беҙ уларҙы һаҡларға, уларға теймәҫкә тейешбеҙ.

4 туҡталыш.

Афарин уҡыусылар, бына беҙ һеҙҙең менән аҙаҡы туҡталышҡа килеп еттек. Был туҡталышта беҙ бөтә туҡталыштар буйынса йомғаҡ яһайбыҙ.

-Уҡыусылар, беҙ бөгөн дәрестә ниндәй тема менән таныштыҡ?

-Башҡортостандың флагы нисә төҫтән тора?

-Тағы нимәләр белдегеҙ?

Баһалау.

-Уҡыусылар, һеҙ миңә бөгөн дәрестә бик оҡшанығыҙ. Бөтәгеҙгә бишле билдәләре.

Өй эше. – Кемдең “5” билдәһе алаһы килһә шул шиғырҙы ятлап килә, ә кем “4” шул тасуири уҡый.