Жумланы бир жынслы уьюрлери
план-конспект урока (5 класс) на тему

Муаллим :  Исламова Румия  Умарпашаевна

Дарсны темасы: Бир жынслы уьюрлери булангъы жумлалар. (5 клас)

Дарсны муратлары:

1. Жумланы бир жынслы уьюрлерини гьакъындагъы билимлерин аян этив.
2. Оьзбашына билим алыв, гьакълашыв ва пайдалы маълумат топлав бажарывлукъларын оьсдюрюв.
3. Тил культурасын ва чебер сезивню тарбиялав.

Дарсны барышы:

1. Гиришив.
2. Сынавун мекенлешдирив, токъташдырыв.

Сез тагъымлар охула, къаршы маъна береген сез тагъымлар айтыла. Гьаллыкълар табыла ва белгилене.

Такрарлав мурат булан оьтгерилеген лакъырлашыв.

Уьйге ишни этегенде къайсы къыйынлыкълар булан елукъдугъуз?

Гьал нени герсете? Къайсы соравлагъа жавап бере?

3. Янгы темагъа тюшюндюрюв.

Слайдлар булан иш юрюле.

Охувчулагъа суратлар герсетиле. Шо суратлагъа гере соравлар бериле.  

Жаваплар берегенде бир жынслы уьюрлени къоллама тюше.

Яшлар, тереклени япыракълары не тюсге айлангъан?

Тереклени япыракълары къызгъылт, саргъылт ва наринжи тюсге айлангъан.

Шу суратдагъы яшлар не эте?

 Яшланы бирлери бав къаза, бирлери терек чача, бирлери буса тереклени сугъара.

Яшланы жавапларын эшитген сонг, оланы ойларыны жамын да чыгъарып, тептерлеге дарсны темасы языла.

4. Янгы теманы уьйренив.

Берилген жумла охула. Бир йимик соравлагъа жавап береген сезлени табып, олар къайсы сезню ачыкъ этегенни айтыла.

    Болат юрекли, бек итти, татли сезю булангъы Хадижат Ишартыда ярлы ожакъда тувгъан.

       Охувчулар охув китабын къоллап оьзбашына темагъа гере билимлени мюлк эте.

Жумланы ичиндеги бир сезге байлангъан, ону бир якъдан ачыкъ этеген ва бир соравгъа жавап береген сезлеге жумланы бир жынслы уьюрлери деп айтыла. Жумланы баш ва экинчи даражалы уьюрлери бир жынслы болма бола.

Кюрчю материал булан ишлев.

Тапшурув № 106

Физминутка оьтгериле.

Лакъырлашыв:

     Жумланы бир жынслы уьюрлери бир-биринден нечик айрыла? Къайсы                                        байлавучланы алдында гьар заман айыргъыч салына?  

Муаллим ишни жамын чыгъара.

5. Бекдешдирив.

Суратгъа къарап 4 жумла тизиле. Шо жумлаларда бир жынслы уьюрлер де болсун.

( Охувчулар жут болуп ишлей)

Яшлагъа тавушлар ягъыла, олар гезлерин ябып тынглай. Не тавушлар эшитгенин айта. Бир жынслы уьюрлер къоллана.

( Сувну агъымы, елни тавушу, янгурну тавушу…)

 Охувчулар оьз-оьзюн къыйматлай. Не саялы шолай къыймат салагъанын исбат эте.

6. Уьйге иш ва рефлексия.

 Бир жынслы уьюрлени гьакъында  хабарлап бажармакъ. Рус тил булан тенглешдирип къарамакъ.

 « Бизин клас» деген темагъа багъышлап бир жынслы уьюрлери булангъы  жумлалар тизмек.

Тапшурув № 108

Яшлар сайлап бир тапшурувну кюте.

Рефлексия.

   - Дарсны магъа не пайдасы болду?

   - Къужурлу тийген ерлерин эсгерив.

 - Не йимик четимликлени эсгерме боламан?