Чистай муниципаль районы 1 нче гомуми белем бирү мәктәбенең татар теле һәм әдәбияты укытучысы Хайруллина Ләйсән Альберт кызының 5 нче сыйныфның рус төркемендә үткәрелгән дәрес планы. Тема : Без әнигә булышабыз.”
план-конспект занятия (5 класс) по теме

                     Чистай муниципаль районы  1 нче  гомуми белем бирү мәктәбенең татар теле һәм әдәбияты укытучысы  Хайруллина  Ләйсән Альберт  кызының  5 нче сыйныфның рус төркемендә үткәрелгән дәрес планы.

           Тема :   Без   әнигә булышабыз.”

Максат:1)   Укучыларны “Без өйдә булышабыз” тексты белән таныштыру;

2)  Төрле эш алымнары ярдәмендә укучыларның тел байлыгын, фикерләү сәләтен  арттыру;

3)  Гаиләдә бер –береңә дустанә мөнәсәбәт булдыру.

Методик алымнар: укытучы сүзе; сорау -  җавап ,  Сингапур  алымы  (“Куиз-куиз  трэйд”, “ Раунд Тэйбол”, “ Эр- ай –гайд”),  ”Парковка”

Җиһазлау: проект, тактада  парковка  рәсеме, өстәлләрдә чиста кәгазьләр, менеджмент, фломастерлар, дәреслек.

              Дәрес барышы:

I  Оештыру өлеше.

а) Исәнләшү;

б)Дежур укучы белән әңгәмә:

- Дәрестә кем дежур?

- Бүген дәрестә кемнәр юк?

-Бүген нинди көн?

- Һава торышы  турында  әңгәмә.

II  Актуальләштерү

  1 ) Өй эшен тикшерү ( Куиз – Куиз  Трэйд  структурасы буенча). Өй  эше 51  нче бит,7 нче  күнегү.

2) “Мин -сиңа,  син – миңа” уены.  (  1 нче номерлы  укучы сорау бирә, 3 нче номерлы укучы җавап бирә)

- Сезнең гаиләдә ничә кеше бар?

- Гаиләгездә кемнәр бар?

- Алар кайда эшлиләр?

- Сезнең   гаилә  дусмы?

III      Яңа   тема.

-Укучылар , сезнең алда  таблица бар.  Сез әлеге  таблицаның  3 нче баганасындагы сүзләрне укып,  алдагы 2 баганасын   плюс  яки  минус  тамгасы  ярдәмендә  тутырырга тиеш . Бу  Эр –ай –гайд структурасы.

-Укучылар, без бүген  сезнең белән  дәрестә  нинди  теманы  өйрәнербез икән?

-  “Без  әнигә булышабыз.”темасын өйрәнербез.

- Әйе,  бик  дөрес.  Бүгенге дәресебезнең  темасы “Без  әнигә  булышабыз” Ә  хәзер дәреслекләребезнең  51 нче  битен ачабыз, 1 нче  күнегүне эшлибез.    

 1)  Башта  сүзлек  эшен  карап китик

а) Сүзләрне  тәрҗемә итү

Кайнаган  - вскипел

Бер –берсенә – друг на друга

Елмайдылар – улыбнулись

б)   Әлеге сүзләр  белән  җөмлә уйлату.

2) Текст өстендә эш

Менә кич җитте. Әниләре эштән кайтты.  Өй  чиста.  Кибеткә барырга кирәкми. Өстәлдә әзер аш. Чәй дә кайнаган. Әниләре:

- Менә рәхмәт, балалар.  Кем эшләде моны? – дип сорады.

  Ләйлә белән Наил бер –берсенә карап елмайдылар.

а) укытучы укый.

б) укучылар укый  (  бер –бер артлы)

3) Сорауларга җавап бирү.

- Текста кемнәр турында сүз барды?

-Алар нишли?

-Әнисе нәрсә диде?

IV.  Физминутка

Без инде хәзер зурлар,

Күп эшли безнең куллар.

Без идән дә юабыз,

Без керләр дә уабыз.

Тузаннар  да сөртәбез,

Гөлләргә су сибәбез.

Аннан соң ял итәбез

V.  Ныгыту.

1) 51  нче бит, 2 нче күнегү  (язмача)

1)Наил тузан .....   2) Ләйлә гөлләргә су .... 3 ) Балалар  кичке  ашны ....  4)Әниләре эштән...

5 )  Әниләре  балаларны .....   6) Ләйлә белән  Наил ...

2) Ситуатив күнегү:

-Спроси  у  Димы , как он помагает маме;

-Твоя  сестрёнка поливала цветы, похвали её;

-Скажи, что ты выносил мусор.

3) Хәзер, укучылар ,бирелгән  альбом  битендә чиратлап  ,” Без  әнигә булышабыз”  дигән  рәсем  ясыйсыз  ( Раунд Тэйбол  структурасы ). Укучылар   рәсем  ясаганда   “ Мин әнигә булышам” дигән  җыр  яңгырый.  

 _  Укучылар,  хәзер  дәрес  башында  тутыра  башлаган  таблицаларны  алабыз һәм  тутырып  бетерәбез.  Әйтегез әле, сезнең фикерләрегез  үзгәрдеме?     ( Укучылар  җавабы)

-Укучылар , мин сезгә  З.Ханнапованың “Әнием куаныр .”дигән шигырен  сөйләп китәм.

Өй эшләре бигрәк тә күп,

Һич кенә юк буш чагым.

Чү! Кычкырып сөйләшмәгез,

Йоклаганда  курчагым.

   Ә мин кибеткә барырмын,

Идәнне  дә юармын.

Әниемнең кайтуына,

Чәй  кайнатып куярмын.

Йорт эшләрен  бетерүгә ,

Курчагым да уяныр.

“ Минем кызым уңган “ – диеп,

Әнием дә   куаныр.

VI.  Рефлексия.

• Укучылар, бүген  без  дәрестә  нәрсә турында сөйләштек?
• Дәрестә    нәрсәләр  эшләдек?
•  Укучылар,без нинди  булырга  тиеш икән?
• Әйе,    бик дөрес укучылар ,  без  тырыш, эш сөючән  һәм уңган  булырбыз.

  VII. Өй эше.

 “ Мин  әнигә  булышчы”  дигән  темага кечкенә хикәя язып  киләсез.

   Актив катнашкан укучыларга билге куела.

VIII.   Парковка  .

-Укучылар, сезнең өстәлегездә машина  рәсемнәре бар. Әгәр  сезгә дәрес  ошаган булса, сез машиналарыгызны  шушы  “Парковка” да калдырып китә аласыз.

-   Дәрес  бетте.  Сау  булыгыз.