Конспект урока по осетинскому языку в 6 классе
план-конспект урока (6 класс) на тему

                                 Цёлычы иумёйагахуырадон астёуккаг скъола

                                Гом урочы конспект

                         ирон ёвзагёй 6 къласы

Урочы темё:   Ирон дзырдтё – фыдёлтё рагон хъёлёстё

              Архаизмты нысаниуёг. (Лексикё ёмё  фразеологи)

                                                                Ирон ёвзаг ёмё литературёйы

                                                                ахуыргёнёг  Боциты  А.В.        

Урочы нысантё: бацамонын скъоладзаутён архаизмты нысаниуёг,

                         цёмё базёронд вёййынц, кём сё пайда кёнём;

                         сывёллётты удыхъёды рёзын кёнын мадёлон

                         ёвзагмё уарзондзинад, нё ивгъуыдмё- аргъкёнынад;

                         фёсурокты кёсыныл сё цалх кёнын.

Урочы ёрмёг: ИКтаблицё (зёронд дзырдтё), журнал «Ногдзау»,

                           нывтё, ИФ.

                               Урочы цыд

1. Уё бон хорз, не ‘ргом кёрёдзимё аздахём, бахудём ёмё абалц кёнём зонындзинёдты фёндагыл! Разы стут?

2. Фёйнёгыл  уынут ирон поэт Чеджемты  Ёхсары  ёмдзёвгёйё  скъуыддзаг, бакёсём - ма йё.

Ирон дзырдтё –

Нё фыдёлты рагон хъёлёстё.

Ирон дзырдтё –

Нё хёххон рыст зёххы бёлёстё.

Ирон дзырд у хурдзёсгом, мады ёнгёс.

Ирон дзырд –

Нё къона, нё мёгуыры къёс.

  - Цы равдыста автор йе ‘мдзёвгёйы, цы у йё хъуыды?

  - Цёимё бары ирон дзырды? Цы йё хоны?   Цымё цы уыдзён нё урочы темё абон? – Тынг раст, ирон дзырды фарн, хъёлёс, тыхыл баст уыдзён нё куыст.

 Ёмё уёд, сё нысаниуёгмё гёсгё, цавёр дзырдтёй спайда кодта поэт?

  (бынёттон, ёппётадёмон)

- Цы ахуыр кёны ахём дзырдтён  сё нысаниуёг?

- Цавёртимё ма стут зонгё, уый ныртёккё базондзыстём грамматикон хъазтёй.  Ёз уын дзурдзынён лексикёйы термин, сымах та мын

   хёсдзыстут йё ныхмёвёрд хъуыды:

  Синоним -  … (антоним)

  Бынёттон -…. (ёрбайсгё)

  Антоним -  …(синоним)

  Иунысанон - …(бирёнысанон).

    - Тынг хорз, зонут рацыд ёрмёг, уёдё ма цавёр терминты кой не

   скодтам, кай базыдтат, уыдонёй?( диалектизмтё, профессионалон дз.)

   -  Цы амонынц диалектизмтё? Профессионалон дзырдтё?

- Хорз. Раздёхём нё рёнхъытём. Кёцы дзырдты нысаниуёг уын у ёнёзонгё, цы ёмдзёвгё равзёрстам, уым?

Дзырдуатон куыст:

Къона – хёдзары артдзёсты бынат, хёдзар.

Къёс  -- хёдзар, фыдыуёзёг. (фыссынц сё тетрады.)

-Абон ацы дзырдтё  ис фехъусён нё ныхасы? Сымахмё гёсгё цёуыннё?(Хёдзары арты бынат абон бацахста пец, кёмё та – батарейтё дёр, къёс та ссис аивдёр, цёрёгдёр хёдзар)

- Ахём дзырдтё хонём архаизмтё, архи у латинаг дзырд, амоны рагон, зёронд. -Уёдё абон урочы  цавёр дзырдтимё кусдзыстам?

- Тынг раст.

4. Афтёмёй, къона ёмё къёс сты архаизмтё, сё бёсты абон пайда кёнём ёндёр дзырдёй –хёдзар. Фёлё сыл фембёлём уацмыстё кёсгёйё, иуёй-иу зёронд адёмы ныхасы. Цард цёуы размё, техникон, культурон ёгъдауёй дёр рёзы, ёмё иуёй-иу дзырдтё базёронд вёййынц бынтон - ома, сё пайда нал фёкёнём, иннёты бёсты та фёзыны ног дзырдтё, фёлё сё пайда фёкёнём уёддёр. Ныртёккё бафёлварут  таблицёйы дзырдты нысаниуёг равзарын.

5. Таблицёмё гёсгё куыст.

      Така –       згъёрхуд

     Ёлутон –  диссаджы нуёзт

     Къогъодзи – хъусджын къахыдарёс

     Зёнгой –   ёнёбын цъында

     Ёлдар –    хъёздыг, мулкджын лёг

     Хъоды –   нё уыныны, нё нымайыны тёрхон

     Лечъыр –  дохтыр

     Рын –       гуыбынниз

     Арм –       къух

     Ирёд –    усгуры фидинаг

     Цирхъ –  дёргъёццон хъама

- Зёгъут-ма, кёцы дзырдтёй дзы пайда кёнём абон дёр?  Кём ис фехъусён иннёты та?

6. Тынг раст, ёмё уый ныртёккё сбёрёг кёндзыстём. Ёз уын кёсдзынён ёмдзёвгётёй съуыддзёгтё, сымах та дзы ссарут архаизмтё:

Кёсгё та уын сё кёнын журнал «Ногдзауёй»:

 Развёлгъау уал радзурын ирон журнал, газетты тыххёй, куыд сё уадзынц, кём, чи сты сё редактортё.

-Ныр та хъусём лёмбынёг ёмё арём архаизмтё.

1. ..Арвыл митгёлёбу хъазы,

Дымгёимё симды бацыд.

Ёз кёсын йё фёзындмё ёнхъёлмё,

Уёлё и, фёзынд мё сёрмё,

Къухёй йём  фёсидтён ёз:

«Мё арм дын уёд хуыссёнуат, къёс».

Митгёлёбу сидтмё ртахти,

М’ армыл абадт ёмё ‘ртади…           Митгёлёбу. (Цомайты Р.)

-Цавёр архаизмыл сёмбёлыдыстут скъуыддзаджы?-  Къёс, арм.

Афыссут сё уё тетрёдты.

2. Арв ёрбахгёдта ёваст.

Тёрккъёвда ныууарыди.

Къёртатёй цыма калд раст-

Ацёуёнтё нал уыди..                  Лёгдзинад.( Куыдзёгты В.)

- Чи айхъуыста фыццагдёр ам та архаизм?  Цавёр у?-  къёрта.

Цёмён у архаизм?

3.  Мыртгёйы гагатё

Калынц цёхёр.

Тыртына абадти

Бёласы сёр…                        Бёркадджын фёззёг. (Пухаты  Ал.)

_ Цавёр архаизм фехъуыстат ам та? – тыртына (ёхсёрсёттёг)

Бакёсём-ма сё ныр.

Ёрхъуыды – ма кёнут сё иуимё хъуыдыйад.

(Фыссынц ёй тетрёдты, иу скъоладзау та – фёйнёгыл.)

- Хъуыдыйады уёнгтём гёсгё йё ёвзарём.

7. Ныр та куыд бахъуыды кодтат архаизмтё, уый  базондзыстём иу цымыдисаг хъазтмё гёсгё.

Фёйнёгыл уынут дзырдты цёджындз, сё ныхмё та – нывтё. Хъуамё сымах баиу кёнат, ныв ёмё дзырды нысаниуёг иу кём у, уыдон.

ИА фёйнёгыл:

Тыртына –

Куыси –

Кёфой –

Тыр(тырын) –

Цирхъ –

Къёпи –

Къуыстил –

8. Рацыд ёрмёг бафидар кёнын. Чиныгимё куыст.

    82-ём фёлтёрён аразынц хибарёй.

9.  Рефлекси.

 - Цы базыдтат абон урочы?

 - Кём фёпайда кёнём архаизмтёй?

 - Цавёр ёнтыстдзинад бафтыд уё къухы урочы?

10. Бёрёггёнёнтё сёвёрын. Хёдзармё куыст. Фёлтёрён 86-ём.

Анализ урока в соответствии с требованиями ФГОС

Дата: 4.10. 2014г.

Класс, учитель:  6 класс, Боциева А.В.

Количество учащихся в классе: 14

Присутствовали на уроке: 13

Тема урока: Ирон дзырдта- фыдалты рагон хъаласта

Тип урока:  урок – обобщение (архаизмы)

Дидактическая задача урока: обобщить знания по лексике

Цели урока (образовательная, воспитательная, развивающая): совершенствовать коммуникативную деятельность учащихся посредством соблюдения речевых норм и работы в группе,  умения использовать средства письменной коммуникации, успешно справляться с конфликтной ситуацией; прививать любовь и уважение к родному языку, краю, традициям и обычаям народа.

Урок построен  методически грамотно, структура урока соблюдена. Урок соответствует всем требованиям образовательных стандартов

Зам.директора по УВР                                                Сидакова И.Б.