Урок "Иб-аразындағы мал-хустар" ("Домашние птицы и животные")
план-конспект урока (5 класс) по теме

Кл: 5

Урок: Хакас тiлi

(тiл пiлбинчеткен ÿгренҷiлерге)

Тема: Иб-аразындағы мал-хустар

Пöгiннер:

1. Иб-аразындағы мал-хустарны хатиры.
2. Оларның тастындағы кöрiмiнеңер чоохтап полары.
3. Мал-хустарның чардыхтарын таныхтапчатхан сöстернi сағысха кирерi.
4. Иб-аразындағы мал-хустарны хайраллирға ÿгредерi.

Урокка кирек нимелер: спайдограмма, «Айранах аал» мультфильмнiң кiчиҷек кизегi, хоостар «Иб-аразындағы мал-хустар», карточкалар, компьютерлер, мультимедиапроек-тор, ребустар.

УРОКТЫҢ ЧÖРIМI

I. КЛАССТЫ УРОККА ТИМНИРI.

СЛАЙД № 1

II. НАА ТЕМАНАН ТАНЫСТЫРАРЫ.

1. Индуктор. Изеннер! Сағысха кирiбiзiңер, хайдағ теманы пiс ирткебiс халғанҷы урокта. Урок пасталар алнында кöрiп алыңар пiр мультфильмнiң кiчиҷек кизегiн. (2 мин.).

СЛАЙД № 2

Ϋгретчi: Хайдағ мал-хустарны сiрер кöргезер пу кизекте?

Орта, iнек, хоосха паза адай. А халғанҷы уроктың темазы полған «Иб-аразындағы мал-хустар».

Пÿÿнгi урокта пiс прай ирткен наа сöстернi сағысха кирербiс, мал-хустарның тастындағы кöрiмiнеңер чоохтазарбыстар. Пiрее малның пÿдiзiн кöрiбiзербiс.

СЛАЙДЫ № 3,4,5,6,7

1. Сағысха кирiбiзелер халғанҷы урокта ирткен сöстернi. Мин сiрерге хоостар кöзiтчем, сiрер адапчазар. Олар ниме итчелер, хайди тапсапчалар? (7 мин.)

2. Ам полған на кiзi пос алынҷа (самостоятельно) тоғынча. Полған на кiзее карточкаларда ребустар пирiлер. Идер тоғыс карточкада пазыл парған. Кем тоғысты табырах идiбiзер, холларыңны кöдiрiңер. Сiрерге 7 минута пирiлче (15 мин).

3. ФИЗМИНУТКА (1-2 мин.).

СЛАЙДЫ № 8

4. Ам кöрiңер пу хооссар. Мында пызо хоостал парған. Сiрер пызоның пÿдiзiн чоохтап пирерге кирексер. Пiс ирткебiс тема «Кiзiнiң пÿдiзi», пÿÿн пiс пызоның пÿдiзiн кöрербiс. (5 мин.)

5. Амды компьютерлер кистiне одырыбызыңар. Анда сiрерге электроннай тесттер пирiл парған. Аны табырах идiбiзерге кирек. Сiрерге 5 минута пирiлче. (5 мин.).

6. Ам пiс СПАЙДОГРАММА пÿдiрiбiзербiстер (улуғ плакатта пирiлче). Паутина пÿдiрербiс. Прайзы кöрiңер пеер. Пiстiң пÿÿн хайдағ тема?

- Йа. Ортызынзар «Иб-аразындағы мал-хустар» пасчабыс. Аннаң сығара пiстiң мал-хустар парча. Кöзiдiмге алза, iнек.

- !нек пiске ниме пирче? – сÿт паза ит. Ам сiрер кирексер пасха мал-хустарны пазарға. Ниме олар пирчелер? (5 мин.).

III. ТЕМАНЫ ПИКТИРi.

Ам мындағ сурығ:

- Мал-хустар киректер бе? Ниме олар кiзiге пирчелер?

- Йа, олар кiзiге сÿт, ит, тÿк, чÿг пирчелер.

- Адай кiзiнiң нанҷызы полча.

- Хоосха кÿскелер тутча.

- Ат тоғынарға полысча.

Оларны хайраллирға паза чахсы кöрерге кирек пе?

СЛАЙД № 9

IV. ИБДЕГI ТОҒЫСТЫ ПИРЕРI: Ибде сочинение пас килерге кирек. Кöзiдiмге алза: «Минiң хоосхаҷағым» паза ан.п.

Паалағ пирерге.